Daniel 3:4 - MUKANDA USANDU WA ZAMBI 1975

⁴ Mukwa mutambi yamba ni liji linene ngwenyi, Enu mavungu, ni minyachi, ni malimi, kananwehe shimbi ngwo,

Mukanda Wa Zambi 1970

⁴ Hohene mukwa kutambika mutambi yakololoka ngwenyi: “Yenu atu a ku yifuchi yeswe, ni mavungu eswe, ni akwa maliji eswe!

Daniel 3:4 Iomraidhean Croise

Estere 8:9

Henaho yasanyika akwa kusonyeka a mwanangana, ha kakweji wamuchitatu (Sivane), ha tangwa makumi aali ni wamuchitatu. Yasoneka nikulita ni liji lia Mordekai kuli A-Yunda, ni kuli akwa kuyula, ni anguvulu, ni alemu a mu yifuchi, chize ku India ndo ku Etiopia—kulakaji ni makumi aali a yifuchi ni yifuchi shimbiali. Yasoneka ku yifuchi yeswe nikulita ni sona jako; kuli atu eswe nikulita ni limi lio; kuli A-Yunda nikulita ni sona jo ni limi lio.

Izaya 40:9

Ena Zaione kanganda ka sango lipema, kanduka ku mulundu usuku; ena Yerusaleme kanganda ka sango lipema, kololoka ni tachi, kololoka, kanda wivwa woma; amba ku yihunda ya Yunda ngwe Talenu Zambi yenu!

Izaya 58:1

Kololoka! Kanda utepululako! Zundula liji lie ngwe chitavwi; ambulula kuli atu jami Utanguko wo, ambulula kuli akwa munyachi wa Yakomba milonga yo.

Daniel 3:10

Yenu mwanangana hinwakolesa shimbi ngwenu, Mutu mweswe ha kwivwa liji lia chitavwi, ni lundembo, ni kalialia, ni chisaji cha kusa, ni ngaita, ni milali yeswe ya yisaji mafulamana ni kuwayila kaponya ka oru;

Daniel 3:3

Mba yilolo, ni tupitau, ni anguvulu, ni tuliamanga, ni akwa kufunga mbongo, ni sopi, ni ngaji, ni akwa kuyula eswe a mu provincia yeza ku tangwa lia kutumbikila kaponya yoze mwanangana Nabukanezore hamika. Yamana kumeso ja kaponya yoze Nabukanezore hamika.

Daniel 3:7

Kashika muze mavungu eswe evwile liji lia chitavwi, ni lundembo, ni kalialia, ni chisaji cha kusa, ni ngaita, ni milali yeswe ya yisaji, mavungu eswe, ni minyachi yeswe, ni malimi eswe afulamanyine ni kuwayila kaponya ka oru yoze mwanangana Nabukanezore hamika.

Daniel 4:1

Yami mwanangana Nabukanezore ngunasoneka kuli akwa mavungu eswe, ni minyachi yeswe, ni malimi eswe atwama hano hashi. Sambukila yikalumbame kuli yenu.

Daniel 4:14

Yatambika mutambi ngwenyi, Pakulenu mutondo; sembenu mitango yawo; hululenu mafwo jawo; mwangenu mihuko yawo; tushitu amwangane mushi liawo; ni tujila amwangane ku mitango yawo.

Daniel 6:25

Mba mwanangana Dariu yatuma mulanda kuli akwa mavungu eswe, ni minyachi yeswe, ni malimi eswe aze atwama hano hashi ngwenyi, Sambukila yikalumbame kuli yenu.

Hosea 5:11

Eframe kanamupinjisa, kanamufwenye mu upatwilo mumu wasele mbunge yenyi kukaula yuma yamokomoko.

Mika 6:16

Mumu nwakufunga shimbi ja Omiri, ni yitanga yeswe ya munyachi wa Ahabe, ni yenu nwakwenda mu yiyulo yo, hanga ngukapwiseko kwa hululu, ni akwa kutwamako akasauke. Chocho kulenya cha mavungu muchikapwa hali yenu.

Usolwelo 5:9

O yemba mwaso waha, ngwo, Yena kuwatela kwanda mukanda, ni kupakula yijikilo yawo: mumu akushihile, walanjile kuli Zambi ni manyinga je, amwe a ku mavungu eswe, ni ku malimi eswe, ni kuli atu eswe, ni ku minyachi yeswe,