Daniel 3:28 - MUKANDA USANDU WA ZAMBI 1975

²⁸ Nabukanezore yamba ngwenyi, Zambi ya Shadrake, ni Meshake, ni Abedenego afumane, yoze hatuma mungelo wenyi, hapulula tuvumbi twenyi akwa kujikijila hali iye, waze alelesele shimbi ya mwanangana nikwecha mijimba yo, mumu kasolo kulingila umwe zambi shina Zambi yo, chipwe kumuwayila.

Mukanda Wa Zambi 1970

²⁸ Mba mwanangana yamba ngwenyi: “Zambi ya Shadrake, ni Meshake, ni Abednego afumane! Hatuma kanganda kenyi ka mwilu ni kulamwina malunga wano akumulingila ni kujikijila hali iye. Haakolema Shimbi yami ni kukunjika mwono wo ku kufwa. Haalituna kufulamana ni kuwayila zambi weka shina Zambi yo ene.

Daniel 3:28 Iomraidhean Croise

Ubutukilo 9:26

Yamba nawa ngwenyi, Yehova Zambi ya Sheme akafumane; Kanana akapwe ndungo yenyi.

1 Sango Ja Mianangana 5:20

Zambi yaakwasa kulimika no mba yakumba A-Hagri ni waze eswe apwile no, mumu hakachi ka jita yateta kuli Zambi mba iye wapanjikile mumu amufulielele.

2 Sango Ja Mianangana 20:20

Yahinduka chimenemene, yaya ku puya ya Tekoa, mba shimbu machituhuka Yehosofate yamana, yamba ngwenyi, Enu A-Yunda ni yenu A-Yerusaleme ngwivwenu. Jikijilenu hali Yehova Zambi yenu, chocho munukola; fulielenu aprofeta jenyi, chocho yuma yenu muyiwaha.

2 Sango Ja Mianangana 32:21

Mba Yehova yatuma mungelo akapatule yitakame akwa hamu eswe, ni tusongo, ni tupitau mu chilombo cha mwanangana wa Asuria. Chocho yahiluka ni sonyi ku chifuchi chenyi. Mba ha kuheta ku zuwo lia zambi yenyi, waze asemukine ku mujimba wenyi mwene yamushihilako ni katana.

Ezra 1:3

Mweswawo uliko hakachi ka yenu eswe atu jenyi, Zambi yenyi apwe hamwe nenyi akanduke ku Yerusaleme mu Yunda, atunge zuwo lia Yehova Zambi ya Izalele mu Yerusaleme (iye mwe Zambi lume).

Ezra 6:11

Ngunase nawa shimbi, ngwami, Mweswawo malumuna liji lino, akachize mukambo ku zuwo lienyi, akamuzundule nikumuhachilaho. Atenge nawa zuwo lienyi retrete ha mulonga wenyi.

Miaso (Masamu) 103:20

Enu angelo jenyi fumanyisenu Yehova, enu akwa ndundo ni tachi nwakwononokena liji lienyi, nikwivwa liji lia kuhanjika chenyi.

Miaso (Masamu) 147:11

Yehova kakuwahilila muli waze akumuvwila woma, ni muli waze akutalatala ku keke yenyi.

Miaso (Masamu) 33:18

Liso lia Yehova kuliakutala kuli waze akumuvwila woma, ni waze akutwaminyina utu wa zango lienyi;

Miaso (Masamu) 33:21

Mumu mbunge jetu mujiwahilila muli iye, se twafuliela jina lienyi lisandu.

Miaso (Masamu) 34:22

Yehova kakukula mwono wa tuvumbi twenyi. Hakachi ka waze maswama muli iye niumwe mahia wakuhi. Samu lia David.

Miaso (Masamu) 62:8

Enu atu, fulielenu iye miaka yeswe. Zukwilenu mbunge jenu kumeso jenyi. Zambi iye uchinyino wetu.(Litulike.)

Kutuhuka 20:5

Kanda ukafukama kuli ayo, chipwe kwalingila, ka, mumu yami Yehova Zambi ye, nguli Zambi ya ukwa, nikufwetesa ana uhenge wa atato ndo ku chisemuko chamuchitatu ni chamuchiwana cha waze akunguvwila kole;

Izaya 12:2

Zambi iye ulamwino wami, mungufuliela, chichi kwivwa woma; mumu Yehova, Yehova iye tachi jami ni mwaso wami. Iye hanapu ulamwino wami.

Izaya 37:36

Mba mungelo wa Yehova yatuhuka, yalamba mu chilombo cha A-Asuria kulakaji lia tununu ni makumi nake a tununu ni tununu atano. Muze akwo halaula chimenemene kumanyi eswe apwile afu.

Izaya 50:10

Iya hakachi kenu kakuvwila woma Yehova, kakwononoka ku liji lia kavumbi kenyi, kakwenda mu milima, keshi pangu, hindu kakufuliela jina lia Yehova, kakujikijila hali Zambi yenyi?

Daniel 2:47

Mwanangana yamba kuli Daniel ngwenyi, Pundu, Zambi ye mwe Zambi ya mazambi, ni Mwene wa mianangana; kapwa nawa mukwa kujimbula yijimbikilo se yena hiwahasa kujimbula chijimbikilo chino.

Daniel 3:25

Aye yamba ngwenyi, Alioze ngunamono malunga awana keshi kukasa, kanende mwe muchima lia kahia. Kevwile yikola, ni kusoloka cha wamuchiwana chapwa ngwe umwe mwana zambi.

Daniel 4:34

Ku songo Iia matangwa, yami Nabukanezore nahetwile meso jami kwilu, mba mana jami janguhilukile nawa. Nafumanyishine mwe Chitunda nikumuhalisa nikulemesa yoze watwama ni mwono ndo ku miaka yeswe ngwami, Mumu chiyulo chenyi chapwa cha mutolo, ni wanangana wenyi walinduluka chize ku chisemuko ndo ku chisemuko.

Daniel 6:16

Kashika mwanangana yahana liji, yaneha Daniel, yamunyasa mu wina wa ndumba. Mwanangana yamba kuli Daniel ngwenyi, Zambi ye akufunge, yoze wakumuvumbika matangwa eswe.

Daniel 6:26

Ngunase shimbi ngwami, Mu yifuchi yeswe ya wanangana wami atu eswe akachikime ni woma kumeso ja Zambi ya Daniel, mumu iye Zambi ya mwono, katwama wa mutolo. Wanangana wenyi kechi kahasa kuwonwona; chiyulo chenyi kuchichi kasula.

Mateu 4:10

Hohene Yesu yamba kuli iye ngwenyi, Sosolokako Satana: mumu chinasonewa ngwo, Ukawayile Mwene Zambi ye, iye wika ukamulingile.

Yilinga 4:19

Alioze Petulu ni Yoano, waakumbulwile, ngwo, Shina chinate kumeso ja Zambi kupanjika kuli yenu shina kuli Zambi, chipatulenu yenu:

Yilinga 5:19

Alioze ha ufuku mungelo wa Mwene wazulwile mapito ja zuwo lia ususu, Waatwalile haze, wambile ngwenyi,

A-ROMA 12:1

Kashika, ngunaliumbu kuli yenu mandumbu, ku keke ya Zambi, nutumbikile mijimba yenu chitapo cha mwono, chisandu, chakupemena chikolo kuli Zambi, uno we uvumbiko wenu wakulita ni kunyonga cha mana.

1 Korintu 13:3

Chipwe mungupangila yikumba yami yeswe mukulisa yiswale, chipwe mungukunjika mujimba wami akawoche, alioze kachi chishi zango, chafumbukile nichimwe.

Filipu 1:20

Nikulita ni usona wami, ni kutalatala chami, ngwami, Ku nichimwe chichi kevwa sonyi, alioze ni hamu lieswe, chizechene ngwe matangwa eswe, haliapwila nawa Kristu mamutomesa mu mujimba wami, chipwe ku mwono, chipwe ku kufwa.

Hebreu 1:14

O eswe te hi maspiritu a kuvumbika ko, a kutumiwa mukuvumbika, mumu hali waze makahinga ulamwino, nyi?

Hebreu 11:37

aashile mawe, aaselalile mukachi, aazezele, aashihile ni katana; endanganyine mu malambu ja mapanga, mu malambu ja pembe, akwa kuhona, aapinjishile, aalingile chipi,

1 Petulu 1:21

Yenu, kuli iye nwakufuliela Zambi, yoze wamuhindwishile hakachi ka afu, wamuhele uhenya; hanga Ufulielo wenu ni kutalatala chenu chikapwe muli Zambi.

Usolwelo 12:11

O amukumbile, mumu ha manyinga ja Mwana-panga, ni mumu ha liji lia Shindakenyo yo; kalemesene mwono wo, ewa chipwe ndo ku kufwa.