Daniel 3:27 - MUKANDA USANDU WA ZAMBI 1975

²⁷ E yilolo, ni tupitau, ni anguvulu, ni tuliamanga ja mwanangana yakunguluka, yamona chize kahia kukapwile ni tachi nijimwe ha mijimba ya malunga wano. Kambu ja ha mitwe yo kujapapiwile; mahina jo kapihile, chipwe vumba lia kahia kuliapwile hali ayo ni he hakehe.

Mukanda Wa Zambi 1970

²⁷ Ana ja mwanangana a malunga, ni akwa kuyula ja yifuchi, ni milopo jo, ni akwa lutwe akwo ja mwanangana eswe yaalikungulula atale e malunga atatu waze kaawemene ko kahia. Kambu jo kujapapiwile ko, ni mahina jo kaawemene ko, chibwe vumba lia mwishi kaabwile ko nalio.

Daniel 3:27 Iomraidhean Croise

1 Yitanga Ya Mianangana 13:28

Yaya, yawana mujimba wenyi wa kumbila mu jila ni chimbulu ni ndumba kanamana hakamwihi ni mujimba alioze ndumba kalile mujimba chipwe kushiha chimbulu.

1 MIANANGANA 19:19

Kashika Yehova Zambi yetu, utulamwine yena ku moko jenyi, ngunalembe, hanga mawanangana eswe a hashi akanyingike ngwo, Ena uli Yehova Zambi, yena wika.

Miaso (Masamu) 83:18

Akanyingike ngwo, Yena wika uli ni jina lia Yehova, uli mwe Chitunda helu lia hashi heswe. Kuli Njimba mukwa lutwe. Ha Ngitite. Samu lia ana a Kora.

Izaya 26:11

Yehova, kwoko lie hiliazunduka, hindu kalimwene. Amone kama zango lie lia tachi hali atu je, akevwe sonyi. Kahia ka akwa kulimika ni yena kakaalalise.

Izaya 43:2

Ha kupalika mu meya mungukapwa hamwe ni yena, ndusu mu njiji, kujichi kakukumba. Ha kwenda mu kahia kuchi kawema; mulengi wako kuuchi kakulalisa.

Daniel 3:21

Mba yakasa e malunga mu mahina jo, ni yikuto yo, ni matepa jo, ni mazalo jo akwo, yaanyasa mu lutengo wa kahia ka kulengenya.

Daniel 6:23

Mba mwanangana wawahililile chikolo, yahana liji achize Daniel mu wina. Chocho yachiza Daniel mu wina, nikamwe kachilonda kakawanyine hali iye mumu hafuliela Zambi yenyi.

Daniel 6:7

Akwa lutwe eswe a mu wanangana, ni tupitau, ni yilolo, ni tuliamanga, ni anguvulu, hitwanyonga hamuwika ngwetu, Chatamba yenu mwanangana kusa shimbi ni kukolesa koki ya kwamba ngwenu, Mweswe malemba kuli umwe zambi hanji kuli umwe mutu ha shimbu lia makumi atatu a matangwa, shina kuli yenu mwanangana, amunyase mu wina wa ndumba.

Mateu 10:30

alioze chipwe je kambu ja ha mitwe yenu hanajalula jeswe.

Yilinga 26:26

Mumu mwanangana unanyingika yino yuma, kuli yena nawa ngunahanjika mwazu: mumu ngunakunuka ngwami, Nichimwe cha yino yuma kuchaswamine kuli yena; mumu chino chuma kachilingile ku tenga.

Yilinga 27:34

Kashika ngunaliumbu kuli yenu, nulie: hanga nukahinduke: mumu lukambu niumwe kechi katoka ku mutwe wa niumwe wa yenu.

Hebreu 11:34

ajimine tachi ja kahia, apulukile ku lutwilo wa katana, ku ulelu alikolezele, ayile ni kutakama mu jita, achinyishine yizavu ya yilambala.