Daniel 3:26 - MUKANDA USANDU WA ZAMBI 1975

²⁶ Nabukanezore yakundama ku chikolo cha lutengo wa kahia ka kulengenya, yamba ngwenyi, Shadrake, ni Meshake, ni Abedenego, tuvumbi twa Zambi Chitunda, tuhukenu, nwize kuno! Mba Shadrake, ni Meshake, ni Abedenego yatuhuka mu kahia.

Mukanda Wa Zambi 1970

²⁶ Mwabwamuze mwanangana Nebukanezore yaya ku chikolo cha lutengo, yakololoka ngwenyi: “Shadrake! Meshake! Abednego! Tuvumbi twa mwe Zambi Chitunda, tuhukenu!” No yaatuhuka hazehene.

Daniel 3:26 Iomraidhean Croise

Ubutukilo 14:18

Melekizeteke mwanangana wa Saleme yaneha mbolo ni vinyu, iye te sasendote ya Zambi Chitunda.

1 Yitanga Ya Mianangana 8:51

Mumu o atu je, ni chihinga che waze wachijile ku Engitu mwe muchima Ha lutengo wa utale.

Ezra 5:11

Yatukumbulula ngwo, Etu tuli tuvumbi twa Zambi ya mwilu ni hashi. Tunatungu zuwo lino alitungile miaka kushi, te umwe mwanangana munene wa Izalele walitungile ni kulimanununa.

Miaso (Masamu) 66:12

Watayijile atu kuliata ha mitwe yetu. Twapalikile mu kahia ni mu meya, alioze watunehene homa ha upite.

Izaya 28:16

Kashika Mwene Yehova kanambe ngwenyi, Talenu, ngunase yimwe fundamentu mu Zaione, liwe, liwe lia kweseka, liwe lilemu lia ha mbango, fundamentu ya ngú. Mweswe mafuliela kechi kalipupula.

Izaya 52:12

Mumu kunuchi kakatuka kapupushi; kunuchi kakatuka ngwe nunachina, mumu Yehova kumakanutetekela ni Zambi ya Izalele manufunga kunyima.

Jeremia 11:4

natumine tulamba twenu muze naachijile mu chifuchi cha Engitu, mwe mu lutengo wa utale ngwami, Panjikenu ku liji liami, lingenu yeswe ngunanutumina. Chocho munukapwa atu jami ni yami mungukapwa Zambi yenu

Daniel 2:47

Mwanangana yamba kuli Daniel ngwenyi, Pundu, Zambi ye mwe Zambi ya mazambi, ni Mwene wa mianangana; kapwa nawa mukwa kujimbula yijimbikilo se yena hiwahasa kujimbula chijimbikilo chino.

Daniel 3:17

Nyi chapwa chocho, Zambi yetu yoze twakulingila mahasa kutupulula ku lutengo wa kahia ka kulengenya, mba kumakatupulula ku kwoko lia yenu mwanangana nawa.

Daniel 4:2

Ngunamono chipema ngunulweze yilayi ni yikomokeso yize Zambi Chitunda halinga kuli yami.

Daniel 6:20

Ha kukundama ku wina muze mwatwama Daniel, yatambika ni liji lia kupinda kuli Daniel ngwenyi, Daniel, kavumbi ka Zambi ya mwono, Zambi ye yoze wakumuvumbika matangwa eswe hahasa kukupulula kuli ndumba?

Daniel 6:21

Daniel yamba kuli mwanangana ngwenyi, Vulie mwanangana.

Daniel 7:25

Kumakahanjika maliji anene a kulimika ni mwe Chitunda, makapinjisa asandu ja mwe Chitunda. Makahala kwalumuka miaka ni shimbi, no makaakunjika kuli iye ndo ku mwaka, ni miaka yiali, ni chihanda cha mwaka.

Yilinga 16:17

Iye nikukaula kunyima ya Paulu ni yetu, wakololokele ngwenyi, Wano atu e ndungo ja Zambi mwe Chitunda, waze akunwambulwila jila ya ulamwino.

Yilinga 16:37

Alioze Paulu wambile kuli ayo ngwenyi, Kanatulambe kumeso ja atu eswe, kutushi chitela, yetu tuli A-Roma, hanaumbila mu zuwo lia ususu; ni haliapwila kanatumbila haze ku tenga, nyi? Ka wate; alioze eze ayo ene akatutwale haze.

Yilinga 27:23

Mumu kamananga ku lumbu liami ufuku uno, mungelo wa Zambi, yoze wangupita, yoze nawa nakumulingila,

Galashia 1:10

Mumu haliapwila ngunafupu shina kuwahila atu nyi, shina kuwahila Zambi? Shina ngunafupu kupemena kuli atu, nyi? Kachi nguchili nikupemena kuli atu, kachi hi nguli ndungo ya Kristu ko.

Shimbi 4:20

Alioze Yehova wanuchijile ku Engitu kwe ku lutengo wa utale, nukapwe atu a kuzuka iye mwene ngwe kuchapwa musono.

Yoshua 3:17

Shimbu te A-Izalele eswe anapalika ha mavu omu, asasendote akwa kumbata mushete wa usendo wa Yehova amanyine ha mavu omu hakachi ka Yordau ndo vungu lieswe hiliahwa kuzauka Yordau.

Yoshua 4:10

Mumu asasendote akwa kumbata mushete amanyine mukachi ka Yordau ndo yuma yeswe yamanunukine yize Yehova atumine Yoshua kuhana kuli atu, nikulita ni shimbi jeswe ja Mose kuli Yoshua. E atu azaukile kapupushi.

Usolwelo 19:5

Ni liji liatuhukile mu ngunja, ngwo, Halisenu Zambi yetu, yenu eswe ndungo jenyi, yenu nwakumuvwila woma, akepe ni anene.