Daniel 3:25 - MUKANDA USANDU WA ZAMBI 1975

²⁵ Aye yamba ngwenyi, Alioze ngunamono malunga awana keshi kukasa, kanende mwe muchima lia kahia. Kevwile yikola, ni kusoloka cha wamuchiwana chapwa ngwe umwe mwana zambi.

Mukanda Wa Zambi 1970

²⁵ Mwanangana ngwenyi: “Kuchi mba ngunamono malunga awana anendangana mu kahia? Keeshi kukasa, ni che chinyingi cha kuwema chakuhi. Mutu wa muchiwana kanasoloka ngwe umwe mwana zambi.”

Daniel 3:25 Iomraidhean Croise

Jobe 1:6

Tangwa limwe ana a Zambi yeza kusoloka kumeso ja Yehova. Satana yeza hakachi ko.

Jobe 38:7

muze matongonoshi a chimene embile hamuwika ni ana a Zambi eswe alikwijile ni chiseke?

Jobe 5:19

Makupulula kasambano ku lamba, kashimbiali kechi kutayiza chipi kukukundama.

Miaso (Masamu) 34:7

Mungelo wa Yehova kakutunga chilombo chenyi cha kujingilika waze akumuvwila woma, kakwapulula.

Yishima 30:4

Iya hanazezuka mwilu akahulumuke nawa? Iya hanakungika fuji mu moko jenyi? Iya hanakashila e meya mu mazalo jenyi? Iya hanakolesa masongo eswe a hashi? Jina lienyi iya? Jina lia mwanenyi iya, nyi unamunyingika?

Izaya 43:2

Ha kupalika mu meya mungukapwa hamwe ni yena, ndusu mu njiji, kujichi kakukumba. Ha kwenda mu kahia kuchi kawema; mulengi wako kuuchi kakulalisa.

Jeremia 1:19

Kumakasa jita ni yena; alioze kechi kakukumba, mumu yami nguli hamwe ni yena kukupulula. Chocho kanambe Yehova.

Jeremia 1:8

Kanda wavwila woma mumu kunguli hamwe ni yena kukupulula. Chocho kanambe Yehova.

Jeremia 15:21

Mungukupulula ku kwoko lia chingulungulu; mungukuhula ku tachi ja mukwa uswi.

Daniel 3:18

Alioze nyi ka, nyingikenu mwanangana, hindu kutuchi kulingila mazambi jenu, chipwe kuwayila kaponya ka oru yono hinwamika.

Daniel 3:24

Henaho mwanangana Nabukanezore yakomoka, yakatuka kapupushi. Yamba kuli tuliamanga twenyi ngwenyi, Kutwambilile malunga atatu a kukasa mu kahia? O yakumbulula kuli mwanangana ngwo, Chamwenemwene, mwanangana.

Daniel 3:28

Nabukanezore yamba ngwenyi, Zambi ya Shadrake, ni Meshake, ni Abedenego afumane, yoze hatuma mungelo wenyi, hapulula tuvumbi twenyi akwa kujikijila hali iye, waze alelesele shimbi ya mwanangana nikwecha mijimba yo, mumu kasolo kulingila umwe zambi shina Zambi yo, chipwe kumuwayila.

Daniel 6:23

Mba mwanangana wawahililile chikolo, yahana liji achize Daniel mu wina. Chocho yachiza Daniel mu wina, nikamwe kachilonda kakawanyine hali iye mumu hafuliela Zambi yenyi.

Marku 16:18

O kumakanda tupela, nyi kachi manwa chuma chimwe cha kufwa, kuchichi kaalemeka nichimwe; kumakasayika moko jo hali mieji, o kumakahinduka.

Luka 1:35

Mungelo wamukumbulwile ngwenyi, Spiritu Musandu kumeza hali yena, ni tachi ja mwe Chitunda kumujikuzulamina Chizulie; kashika nawa chuma chisandu chize muchikasemuka, kumakamuvuluka ngwo, Mwe Mwana Zambi.

Yilinga 28:5

Alioze wakukumwine kashitu mu kahia, kevwile yikola niyimwe.

A-ROMA 1:4

amwinyikine iye mwe Mwana Zambi ni tachi, nikulita ni Spiritu ya usandu, ha Uhindukilo wenyi hakachi ka afu, iye Yesu Kristu Mwene wetu;

1 Petulu 3:13

Iya manulinga chipi nyi munulisela ni mbunge yeswe ku yuma yipema?