Daniel 3:24 - MUKANDA USANDU WA ZAMBI 1975

²⁴ Henaho mwanangana Nabukanezore yakomoka, yakatuka kapupushi. Yamba kuli tuliamanga twenyi ngwenyi, Kutwambilile malunga atatu a kukasa mu kahia? O yakumbulula kuli mwanangana ngwo, Chamwenemwene, mwanangana.

Mukanda Wa Zambi 1970

²⁴ Susumuku mwanangana Nebukanezore yanyangumuka nikulishimwoka. Yahula akwa lutwe jenyi ngwenyi: “Ayenu, malunga atatu twakasanga ni kwaambila mu lutengo, nyi kuchi?” No ngwo: “Ewa, mwane.”

Daniel 3:24 Iomraidhean Croise

2 Sango Ja Mianangana 22:4

Walingile chipi kumeso ja Yehova chizechene ngwe munyachi wa Ahabe, mumu ha kufwa tato o apwile akwa kumulongesa, mba yamwonwona.

Daniel 3:17

Nyi chapwa chocho, Zambi yetu yoze twakulingila mahasa kutupulula ku lutengo wa kahia ka kulengenya, mba kumakatupulula ku kwoko lia yenu mwanangana nawa.

Daniel 3:23

Wano malunga atatu, Shadrake, ni Meshake, ni Abedenego aholokelele a kukasa muchima lia lutengo wa kahia ka kulengenya.

Daniel 3:25

Aye yamba ngwenyi, Alioze ngunamono malunga awana keshi kukasa, kanende mwe muchima lia kahia. Kevwile yikola, ni kusoloka cha wamuchiwana chapwa ngwe umwe mwana zambi.

Daniel 4:22

mutondo uno, yenu mwanangana; hinwatatuka hinwakola. Unene wenu watatuka, hiwaheta kwilu, ni chiyulo chenu hichaya ndo ku masongo a hashi.

Daniel 4:27

Kashika mwanangana, tambulenu chiyulo chami. Tetenu milonga yenu, nukalinge ululi. Tetenu uhenge wenu ha kulinga keke kuli waze anaapinjisa hanga kuhwima chenu chikasuhe hanji.

Daniel 5:18

Enu mwanangana, Zambi Chitunda yahana kuli tatenu Nabukanezore wanangana, ni unene, ni uhenya, ni ulamba;

Daniel 5:6

Ku meso ja mwanangana kwalumukine ngwe chitofwi; manyonga jenyi amuvwishile woma; molu jenyi apekumukine; makungunwa jenyi aliwakaminyine.

Daniel 6:22

Zambi yami watumanga mungelo wenyi kuyika makanwa ja ndumba. Kangulemekene mumu hanguwana chishi kapalia kumeso jenyi. Chipwe kumeso ja yenu mwanangana chalingile chipi nichimwe.

Daniel 6:7

Akwa lutwe eswe a mu wanangana, ni tupitau, ni yilolo, ni tuliamanga, ni anguvulu, hitwanyonga hamuwika ngwetu, Chatamba yenu mwanangana kusa shimbi ni kukolesa koki ya kwamba ngwenu, Mweswe malemba kuli umwe zambi hanji kuli umwe mutu ha shimbu lia makumi atatu a matangwa, shina kuli yenu mwanangana, amunyase mu wina wa ndumba.

Yilinga 12:13

Muze angongwelele ku pito, mwanapwo, jina lienyi Ronda, wayile mukutala;

Yilinga 26:13

Tangwa ha muchima, mwanangana, namwene mu jila pangu mwilu, liahiana kutemuka cha tangwa, nikutemuka ha kungujingilika yami ni waze endele hamuwika.

Yilinga 26:27

Mwanangana Akripa, Unafuliela aprofeta, nyi? Ngunanyingika Unafuliela.

Yilinga 9:6

Iye, nikuchikima, nikulishikishila, wambile ngwenyi, Mwene, kuchi unazange yami ngulinge? Mwene wambile kuli iye ngwenyi, Katuka, uye, ukanjile mu limbo, makakwambulwila chize Chakutamba kulinga.

1 Samuel 17:55

Muze Saulu yamona David kanayi kulimika ni Ka-Filistea yamba kuli Abenere kapitau ka yizavu ngwenyi, Auze mukweze mwana waya? Abenere ngwenyi,. Mwanangana, ni mwono wenu Chanyingikine.