Daniel 3:20 - MUKANDA USANDU WA ZAMBI 1975

²⁰ Yatuma amwe akwa ndundo hakachi ka maswalale jenyi akase Shadrake, ni Meshake, ni Abedenego, akaanyase mu lutengo wa kahia ka kulengenya.

Mukanda Wa Zambi 1970

^20-21 Mba yambila tujita twenyi yitakame akase malunga waze atatu ni ngoji, kumuwika ni ye yuma yo ya kuzala ha mijimba, mahina, ni yikuto, ni yifulu, ni sapato, aambile mu kahia.

Daniel 3:20 Iomraidhean Croise

Daniel 1:7

Unuku wa lutwe waalukile majina: Daniel yamuluka ngwenyi, Belteshazare; Hanania yamuluka ngwenyi, Shadrake; Mishaele yamuluka ngwenyi, Meshake; ni Azaria yamuluka ngwenyi, Abedenego.

Daniel 3:15

Nyi numutá, muze munwivwa liji Iia chitavwi, ni lundembo, ni kalialia, ni chisaji cha kusa, ni ngaita, ni milali yeswe ya yisaji, nukafulamane nukawayile kaponya yono hinalinga, chipema. Alioze nyi kunusolo kuwayila, manunyasa haliapwila mu lutengo wa kahia ka kulengenya, mba mwe zambi yoze mahasa kunulamwina ku moko jami iya?

Daniel 3:19

Henaho Nabukanezore yafuluka ni ufwatulo, ni meso jenyi alumukine kulimika ni Shadrake, ni Meshake, ni Abedenego. Yatuma kuweza kahia yisuho shimbiali helu lia kahia ka matangwa akwo.

Daniel 3:21

Mba yakasa e malunga mu mahina jo, ni yikuto yo, ni matepa jo, ni mazalo jo akwo, yaanyasa mu lutengo wa kahia ka kulengenya.

Yilinga 16:23

Muze te haalamba chikolo, aambilile mu zuwo lia ususu, nikuhana shimbi kuli kalayi, akaafunge kanawa.

Yilinga 16:25

Alioze ha muchima ufuku Paulu ni Saila apwile nikulemba, nikwimba miaso kuli Zambi, ni funge aapanjikile;