Daniel 3:2 - MUKANDA USANDU WA ZAMBI 1975

² Mba mwanangana Nabukanezore yatuma kukungulula yilolo, ni tupitau, ni anguvulu, ni tuliamanga, ni akwa kufunga mbongo, ni sopi, ni ngaji, ni akwa kuyula eswe a mu provincia eze ku tangwa lia kutumbikila kaponya, yoze mwanangana Nabukanezore hamika.

Mukanda Wa Zambi 1970

² Mba mwanangana Nebukanezore yalakenya akwa lutwe jenyi eswe: ana jenyi a malunga, ni akwa kuyula yifuchi, ni milopo jo, ni miata ja tujita, ni akwa kufunga mbongo, ni ngaji, ni akwa lutwe akwo a mu yifuchi. Eswe te chaatamba kulikungulula hanga akunjike mwe hamba yoze alingile.

Daniel 3:2 Iomraidhean Croise

1 Yitanga Ya Mianangana 12:32

Jeroboame yasela chiwanyino mu kakweji wamuchinake ha tangwa kumi ni liamuchitano lia kakweji ngwe chiwanyino chize chili mu Yunda mba iye yakundama ku chilumbilo. Yalinga chocho mu Mbetele nikushihila yitapo ana-a-ngombe aze halinga. Yatungisa ku Mbetele asasendote a manangamo aze halinga.

Yishima 29:12

Nyi mukwa kuyula mapanjika ku mahuza, akwa kumulingila eswe kapwa yingulungulu.

Daniel 3:27

E yilolo, ni tupitau, ni anguvulu, ni tuliamanga ja mwanangana yakunguluka, yamona chize kahia kukapwile ni tachi nijimwe ha mijimba ya malunga wano. Kambu ja ha mitwe yo kujapapiwile; mahina jo kapihile, chipwe vumba lia kahia kuliapwile hali ayo ni he hakehe.

Daniel 3:3

Mba yilolo, ni tupitau, ni anguvulu, ni tuliamanga, ni akwa kufunga mbongo, ni sopi, ni ngaji, ni akwa kuyula eswe a mu provincia yeza ku tangwa lia kutumbikila kaponya yoze mwanangana Nabukanezore hamika. Yamana kumeso ja kaponya yoze Nabukanezore hamika.

Kwalula 25:2

Mumu o yasanyika e atu ku yitapo ya tuzambi two. Atu yaha, yafukama ku tuzambi two.

Usolwelo 17:2

Yoze mianangana ja hashi hanalingi nenyi utanji, ni akwa hashi hanazengewa ni vinyu ya utanji wenyi.

Akwa Kuyula 16:23

Mba miata ja A-Filistea akungulukile mukulambula chitapo chinene kuli zambi yo Ndagone nikuwahilila, mumu ambile ngwo, Zambi yetu hanakunjika mukwa kole yetu Samasone mu moko jetu.