Daniel 3:17 - MUKANDA USANDU WA ZAMBI 1975

¹⁷ Nyi chapwa chocho, Zambi yetu yoze twakulingila mahasa kutupulula ku lutengo wa kahia ka kulengenya, mba kumakatupulula ku kwoko lia yenu mwanangana nawa.

Mukanda Wa Zambi 1970

¹⁷ Nyi maatumbila mu lutengo wa kahia, Zambi yoze twakulingila mahasa kutulamwina. Neye matulamwina ku kwoko lienu, mwanangana.

Daniel 3:17 Iomraidhean Croise

Ubutukilo 17:1

Muze te Apalama kali ni makumi livwa a miaka ni miaka livwa Yehova yasoloka kuli Apalama nikwamba kuli iye ngwenyi, Yami nguli Zambi Mukwa-Ndundo-Jeswe, enda kumeso jami upwe mungunu.

Ubutukilo 18:14

Chuma chimwe muchipwa chikomokeso kuli Yehova nyi? Ha kangonde wa kutesa kumungwiza nawa kuli yena muze mwaka hiwaheta mba Sara makasema mwana.

Jobe 34:29

Nyi mahola iya mamuhisa? Nyi mafuka meso jenyi iya mamumona? Chipwe vungu chipwe mutu, iya?—

Jobe 5:19

Makupulula kasambano ku lamba, kashimbiali kechi kutayiza chipi kukukundama.

Miaso (Masamu) 115:3

Alioze Zambi yetu mwilu ali. Hanalingi chize chamuwahila.

Miaso (Masamu) 37:39

Alioze Yehova iye ulamwino wa akwa ululi; iye mbonge yo ha mwaka wa lamba.

Miaso (Masamu) 37:40

Yehova kakwakwasa nikwapulula. Kakwapulula kuli yingulungulu; kakwalamwina mumu haswama muli iye. Samu lia David, lia kwiwulula.

Miaso (Masamu) 73:20

Ngwe chilota muze mutu halaula, chocho yena Mwene, ha kulaula mukalelesa kaponya ko.

Izaya 12:2

Zambi iye ulamwino wami, mungufuliela, chichi kwivwa woma; mumu Yehova, Yehova iye tachi jami ni mwaso wami. Iye hanapu ulamwino wami.

Izaya 54:14

Mukajikijila mu ululi, mukatwama kusuku ni upinjiso, mumu kuchi kwivwa woma; mukatwama kusuku ni mwongo mumu kuuchi kakukundama.

Jeremia 1:8

Kanda wavwila woma mumu kunguli hamwe ni yena kukupulula. Chocho kanambe Yehova.

Jeremia 15:20

Yehova kanambe ngwenyi, Mungukupwisa kuli wano atu ngwe chipanga cha unengu cha kukolesa. O masa jita ni yena, alioze kechi kukukumba. Mumu yami nguli hamwe ni yena kukulamwina ni kukupulula.

Jeremia 15:21

Mungukupulula ku kwoko lia chingulungulu; mungukuhula ku tachi ja mukwa uswi.

Daniel 3:26

Nabukanezore yakundama ku chikolo cha lutengo wa kahia ka kulengenya, yamba ngwenyi, Shadrake, ni Meshake, ni Abedenego, tuvumbi twa Zambi Chitunda, tuhukenu, nwize kuno! Mba Shadrake, ni Meshake, ni Abedenego yatuhuka mu kahia.

Daniel 4:35

Akwa hashi eswe kapwa ngwe nichimwe; iye kakulinga upale wenyi hakachi ka akwa mwilu ni hakachi ka akwa hashi. Iya makwika kwoko lienyi, hanji mamwamba ngwenyi, Yika unalingi?

Daniel 6:16

Kashika mwanangana yahana liji, yaneha Daniel, yamunyasa mu wina wa ndumba. Mwanangana yamba kuli Daniel ngwenyi, Zambi ye akufunge, yoze wakumuvumbika matangwa eswe.

Daniel 6:23

Mba mwanangana wawahililile chikolo, yahana liji achize Daniel mu wina. Chocho yachiza Daniel mu wina, nikamwe kachilonda kakawanyine hali iye mumu hafuliela Zambi yenyi.

Daniel 6:27

Kakupulula, kakulamwina, kakulinga yilayi ni yikomokeso mwilu ni hashi, yono mwene hanalamwina Daniel, ku tachi ja ndumba.

Mika 7:7

Alioze ha kutwala kuli yami, mungutala kuli Yehova; mungutwaminyina Zambi ya ulamwino wami; Zambi yami mangwivwa.

Luka 1:37

Mumu ni Zambi nichimwe machisa kenu.

Yilinga 20:24

Alioze chishi kunyonga mwono wami ngwe chuma chilemu kuli yami mwene, hanga ngukamanunune jila yami ni uwahililo, ni uvumbiko uze natambwile kuli Mwene Yesu, kushindakenya chikolo sango lipema lia vumbi lia Zambi.

Yilinga 21:13

Alioze Paulu wakumbulwile ngwenyi, Kuchi nunalingi, nikulila, nikushiha mbunge yami? Mumu ngunahase hi kukashiwa wika ko, alioze kufwa nawa ku Yerusaleme ha jina lia Mwene Yesu.

A-ROMA 8:31

Kuchi mutwamba ku yino yuma? Ngwetu, Kachi Zambi mapwa hamwe ni yetu, iya malimika ni yetu?

2 Korintu 1:10

yoze watupulwile ku kufwa chipwa haha, ewa kumakapulula; hali iye hitunase kutalatala chetu ngwetu, Hindu kumakatupulula;

Hebreu 7:25

Kashika kanahase nawa kulamwina ndo ku songo, waze akukundama kuli Zambi mu jina lienyi, se matangwa eswe katwama ni mwono mukwahakwila.

1 Samuel 17:37

David yamba nawa ngwenyi, Yehova yoze wangupulwile ku tachi ja ndumba ni ku tachi ja ursu mangupulula nawa ku tachi ja yono Ka-Filistea. Saulu yamba kuli David ngwenyi, Yako. Yehova mapwa hamwe ni yena.

1 Samuel 17:46

Tangwa lino Yehova makukunjika mu moko jami mba mungukushiha, mungukutapa mutwe. Musono munguhana mijimba ya A-Filistea kuli tujila a mu tetela ni kuli tushitu a mu yambu, hanga akwa hashi eswe akanyingike ngwo, Kwali umwe Zambi mu Izalele.