Daniel 3:12 - MUKANDA USANDU WA ZAMBI 1975

¹² Kwali amwe A-Yunda enu hinwaasela helu lia yiyulo ya provincia ya Babilonia: Shadrake, ni Meshake, ni Abedenego. Mwanangana, wano malunga kanusele mbunge; kalingilile mazambi jenu, kawayilile kaponya ka oru yoze hinwamika.

Mukanda Wa Zambi 1970

¹² Amwe Ayuda aliko, waze wasele ni kuyula chifuchi cha Babilone, Shadrake, ni Meshake, ni Abednego haakolema Shimbi je. Kaasolo kuwayila zambi yenu, chibwe kufulamana kulutwe lia hamba yoze hinunamika.”

Daniel 3:12 Iomraidhean Croise

Estere 3:8

Mba Hamane yamba kuli mwanangana Ahashueru ngwenyi, Vungu limwe linamwangana hakachi ka yifuchi yeswe ya chiyulo chenu ni kulichinga ni mavungu akwo. Shimbi jo jalipwila ni shimbi ja mavungu eswe, chipwe shimbi ja mwanangana kajifungile. Kashika kuchatambile mwanangana kwatayiza.

Yishima 27:4

Ufwatulo uswi ukwete; utenu kuwakuhungumuna, alioze iya mahasa kulikoleza ni ukwa?

Longeshi 4:4

Namwene kuhondangana cheswe ni utotombo weswe ni ha chino mutu kakumuvwila ukwa kuli akwo. Chino nawa chapwa chamokomoko ngwe kuhanga ye fuji.

Daniel 1:7

Unuku wa lutwe waalukile majina: Daniel yamuluka ngwenyi, Belteshazare; Hanania yamuluka ngwenyi, Shadrake; Mishaele yamuluka ngwenyi, Meshake; ni Azaria yamuluka ngwenyi, Abedenego.

Daniel 2:48

Mba mwanangana yahana kuli Daniel ulemu unene ni yawana yinji yinene. Yamupwisa mukwa kuyula provincia yeswe ya Babilonia, ni mukwa lutwe hakachi ka akwa mana ja Babilonia.

Daniel 2:49

Daniel yeta kuli mwanangana, mba yasela Shadrake, ni Meshake, ni Abedenego helu lia yiyulo ya provincia ya Babilonia; alioze Daniel watwamine ku zuwo lia mwanangana.

Daniel 3:11

hi mweswawo kafulamanyine ni kuwayila mamunyasa mu lutengo wa kahia ka kulengenya.

Daniel 3:16

Shadrake, ni Meshake, ni Abedenego yakumbulula kuli mwanangana ngwo, Nabukanezore, ha kutwala ku chikuma chino, kuchatutambile kukumbulula nichimwe.

Daniel 3:29

Kashika ngunakolesa shimbi ngwami, Nyi vungu limwe, hanji munyachi umwe, hanji limi limwe mahanjika chimwe chuma cha kulimika ni Zambi ya Shadrake, ni Meshake, ni Abedenego, makaapapulula kwoko ni kulu ni mazuwo jo maapuzula. Mumu kukushi niumwe zambi mukwo yoze mahasa kupulula chocho.

Daniel 3:30

Mba mwanangana yasenyesa kulutwe nawa Shadrake, ni Meshake, ni Abedenego, mu chiyulo cho mu provincia ya Babilonia.

Daniel 6:13

O yamba kumeso ja mwanangana ngwo, Auze Daniel wa kuli njize a ku Yunda kanupanjikile, chipwe enu mwanangana, chipwe shimbi yize ya koki nwasonekene jina, alioze kakulemba katatu ha tangwa.

Daniel 6:14

Mwanangana ha kwivwa maliji wano walifwichile chikolo mu mbunge. Wasele manyonga jenyi kupulula Daniel, ni kuhondangana ndo kunjila cha tangwa akamulamwine.

Yilinga 17:7

Yasone hanaatambula, ni wano eswe kakulimika ni shimbi ja Sesare, ngwo, Kwali mwanangana mukwo, iye Yesu.

Yilinga 5:28

Tunakanwaha koki ngwetu, Kanda nukalongesa mu jina lino: ni kumanyi, hinunazalisa Yerusaleme ni longeso lienu, nunafupu kuneha manyinga ja yono mutu hali yetu.