Daniel 3:10 - MUKANDA USANDU WA ZAMBI 1975

¹⁰ Yenu mwanangana hinwakolesa shimbi ngwenu, Mutu mweswe ha kwivwa liji lia chitavwi, ni lundembo, ni kalialia, ni chisaji cha kusa, ni ngaita, ni milali yeswe ya yisaji mafulamana ni kuwayila kaponya ka oru;

Mukanda Wa Zambi 1970

¹⁰ Hinwasa Shimbi ngwenu, muze maabutuka kwimba yitavwi, mutu mweswe chamutamba kufulamana ni kukombelela hamba yoze wa oru.

Daniel 3:10 Iomraidhean Croise

1 Sango Ja Mianangana 15:16

David yamba akwa lutwe a A-Levi ngwenyi, Tongolenu usoko wenu akapwe njimba a kwimba yisaji, ni yisaji ya kusa, ni tulialia, ni sembalu, ni kulikwiza ni liji lia uwahililo.

1 Sango Ja Mianangana 15:28

Chocho A-Izalele eswe anehene mushete wa usendo wa Yehova ni kulikwiza chinji, ni liji lia njalamina, ni yitavwi, ni sembalu, nikwimba ni tachi ni yisaji ya kusa ni tulialia.

2 Sango Ja Mianangana 29:25

Yasa A-Levi mu zuwo lia Yehova ni sembalu, ni yisaji ya kusa, ni tulialia nikulita ni shimbi ja David ni ja Ngate mukwa kumona wa mwanangana, ni profeta Natane; mumu shimbi yapwile ya Yehova kuli aprofeta jenyi.

Miaso (Masamu) 94:20

Ngunja ya ungulungulu yize yakutaka uhuka ngwe shimbi, muyihasa kulifutula hamuwika ni yena, nyi?

Kutuhuka 1:16

ngwenyi, Muze munufungula mwana kuli mapwo A-Hepreu, ha kwamona maya ku punga ya kusemena, nyi mwana wa lunga, numushihe lume, alioze nyi wa pwo, atwame ni mwono.

Kutuhuka 1:22

Falau yahana shimbi kuli atu jenyi eswe, ngwenyi, Ana a malunga eswe masemuka nwambile mu lwiji, ana a mapwo eswe atwame ni mwono.

Longeshi 3:16

Namwene nawa kushi lia tangwa ha chisopelo ungulungulu uliko; kuma kwa ululi uhenge uliko.

Izaya 10:1

Lamba kuli waze akukolesa shimbi ja uhenge, ni akwa kusoneka waze akusonyeka upinjiso,

Daniel 3:11

hi mweswawo kafulamanyine ni kuwayila mamunyasa mu lutengo wa kahia ka kulengenya.

Daniel 3:15

Nyi numutá, muze munwivwa liji Iia chitavwi, ni lundembo, ni kalialia, ni chisaji cha kusa, ni ngaita, ni milali yeswe ya yisaji, nukafulamane nukawayile kaponya yono hinalinga, chipema. Alioze nyi kunusolo kuwayila, manunyasa haliapwila mu lutengo wa kahia ka kulengenya, mba mwe zambi yoze mahasa kunulamwina ku moko jami iya?

Daniel 6:12

Mba yakundama ni kwamba kumeso ja mwanangana ha kutwala ku shimbi yize ya koki ngwo, Mwanangana, kunwasonekene jina lienu ha shimbi yimwe ya koki ngwenu, Mutu mweswe malemba kuli umwe zambi hanji umwe mutu ha makumi atatu a matangwa shina kuli yenu mwanangana, amunyase mu wina wa ndumba? Mwanangana yakumbulula ngwenyi, Chuma chinakolo nikulita ni shimbi ja A-Media ni A-Persia jize kechi kuhasa kujishiha.

Amose 6:5

kalialia ngwe David kakulinyongena yisaji ya miaso.

Yoano 11:57

Achi asasendote akwa lutwe ni A-Fwariseu te hahana shimbi, kachi umwe manyingika kuze ali, kachi akachambulule, hanga akamukwate.