Daniel 2:5 - MUKANDA USANDU WA ZAMBI 1975

⁵ Mwanangana yakumbulula A-Kaletea ngwenyi, Liji liami lia pundu; nyi kunwangulwezele che chilota ni ulumbunwiso wacho, manupapulula kwoko ni kulu, ni mazuwo jenu maapuzula.

Mukanda Wa Zambi 1970

⁵ Mwanangana ngwenyi: “Ngunambe ngwami, ngulwezenu che chilota ni we ulumbunwiso wacho. Nyi kunwahashile mungunubatwola yipinji yipinji ni kubuzwola mazuwo jenu.

Daniel 2:5 Iomraidhean Croise

1 MIANANGANA 10:27

Yonwona lukaponya lwa Mbale; yonwona zuwo lia Mbale, yalitenga retrete ndo musono.

Ezra 6:11

Ngunase nawa shimbi, ngwami, Mweswawo malumuna liji lino, akachize mukambo ku zuwo lienyi, akamuzundule nikumuhachilaho. Atenge nawa zuwo lienyi retrete ha mulonga wenyi.

Miaso (Masamu) 50:22

Zewulenu chuma chino, yenu nwakuvulama Zambi, kuchina mungunupapulula ni yoze manupulula wakuhi.

Miaso (Masamu) 58:7

Ahuwe ngwe meya aze anahichi. Muze matondekeza mivu yenyi yikapwe ngwe ya kupatula.

Daniel 2:12

Ha chikuma chino mwanangana yatenuka ni ufwatulo wunji. Yatuma kwonwona akwa mana eswe a mu Babilonia.

Daniel 3:29

Kashika ngunakolesa shimbi ngwami, Nyi vungu limwe, hanji munyachi umwe, hanji limi limwe mahanjika chimwe chuma cha kulimika ni Zambi ya Shadrake, ni Meshake, ni Abedenego, makaapapulula kwoko ni kulu ni mazuwo jo maapuzula. Mumu kukushi niumwe zambi mukwo yoze mahasa kupulula chocho.

Daniel 4:9

Ena Belteshazare, chimbanda wa lutwe, mungukulweza chilota chize namwene mumu ngunanyingika Spiritu ya mazambi asandu uli nenyi, kashika nichimwe chijimbikilo muchikukala naye; ungulumbunwinecho.

Shimbi 13:16

Nukakungile upite walio weswe mukachi ka tapalo lialio, nwoche lie limbo ni kahia, ni upite weswe lukombo kuli Yehova Zambi yenu, likapwe mulumba wa mutolo. Kanda alitunga nawa.

Yoshua 6:26

Yoshua waasele shingo tangwa lize ngwenyi, Mweswe makatuka kutunga chihunda chino cha Yeriku akashingiwe kuli Yehova. Masela fundamentu mu kufwa cha mwanenyi mutangu, Masaho mapito mu kufwa cha mwanenyi wasula.

1 Samuel 15:33

Samuel yamba ngwenyi, Chizechene ngwe katana ke hapwisa mapwo keshi ana, chocho nawa noko mapwa hakachi ka mapwo keshi ana. Samuel yateta Agage tuyipinji kumeso ja Yehova mu Ngilingali.