Daniel 2:48 - MUKANDA USANDU WA ZAMBI 1975

⁴⁸ Mba mwanangana yahana kuli Daniel ulemu unene ni yawana yinji yinene. Yamupwisa mukwa kuyula provincia yeswe ya Babilonia, ni mukwa lutwe hakachi ka akwa mana ja Babilonia.

Mukanda Wa Zambi 1970

⁴⁸ Mba yanangamisa Daniel, yamwaha yawana yinji yibema, yamupwisa mukwa kuyula wa chifuchi cha Babilone ni mwata wa akwa kuyula jenyi.

Daniel 2:48 Iomraidhean Croise

2 Samuel 19:32

Bazilai te mukulwana chikolo, kali ni makumi nake a miaka. Iye te wazumbwile mwanangana shimbu apwile ku Mahaneme, mumu mutu munene chikolo.

1 MIANANGANA 5:1

Achi Naamane, kapitau ka tujita twa mwanangana wa Seria, iye mutu munene kumeso ja mwata wenyi, ni mulemu nawa, mumu kuli iye Yehova te hanakumbisa A-Seria; iye chitakame, mukwa hamu nawa, alioze mukwa mbumba.

Jobe 1:3

Upite wenyi tununu shimbiali a mapanga, tununu atatu a tumelu, kulakaji atano a makanga a ngombe, kulakaji atano a yimbulu a yihwo, ni atu a ha zuwo lienyi anji chikolo. Kashika yono lunga wapwile munene kuhiana eswe a ku yifuchi ya Chivumbuko.

Jeremia 5:5

Munguya kuli anene, munguhanjika no, mumu o kananyingika jila ya Yehova, shimbi ya Zambi yo. Alioze eswe hanamakuna kanga chimuwika, eswe te hanapulu mihipu.

Daniel 2:6

Alioze nyi munulweza chilota ni ulumbunwiso wacho mungunwaha yawana, ni kwononona, ni ulemu wunji. Kashika ngulwezenu chilota ni ulumbunwiso wacho.

Daniel 3:1

Mwanangana Nabukanezore walingile umwe kaponya wa oru, Chizundamo chenyi makumi asambano a mbandu, ni utohe wenyi mbandu jisambano. Yamumika ha chana cha Dura mu provincia ya Babilonia.

Daniel 3:12

Kwali amwe A-Yunda enu hinwaasela helu lia yiyulo ya provincia ya Babilonia: Shadrake, ni Meshake, ni Abedenego. Mwanangana, wano malunga kanusele mbunge; kalingilile mazambi jenu, kawayilile kaponya ka oru yoze hinwamika.

Daniel 3:30

Mba mwanangana yasenyesa kulutwe nawa Shadrake, ni Meshake, ni Abedenego, mu chiyulo cho mu provincia ya Babilonia.

Daniel 4:6

Kashika nahanyine shimbi angunehene akwa mana eswe a Babilonia angulumbunwine chilota chami.

Daniel 4:9

Ena Belteshazare, chimbanda wa lutwe, mungukulweza chilota chize namwene mumu ngunanyingika Spiritu ya mazambi asandu uli nenyi, kashika nichimwe chijimbikilo muchikukala naye; ungulumbunwinecho.

Daniel 5:11

Mwali mu wanangana we umwe lunga kali ni Spiritu ya mazambi asandu. Ha matangwa a tatenu, pangu, ni yinyingi, ni mana awanyine muli iye, ngwe mana a mazambi. Tatenu mwanangana Nabukanezore wamupwishile mukwa lutwe hakachi ka yimbanda, ni tahi, ni A-Kaletea, ni aprofeta,

Daniel 5:16

Alioze hinevwa ngwo, Yena unahase kulumbununa ni kupatula yuma yikalu. Nyi muhasa kutanga je sona ni kungulweza ulumbunwiso wajo, mungukujika ni mazalo a ufungo, muzala lenge lia oru ha kota ye, muopwa mukwa kuyula wamuchitatu mu wanangana.

Daniel 5:29

Mba Beleshazare yatuma, yajika Daniel ni mazalo a Ufungo; yasa lenge lia oru ha kota yenyi; yatambika mutambi ha kutwala kuli iye, wa kumutongola mukwa kuyula wamuchitatu mu wanangana.

Daniel 5:7

Mwanangana yasanyika ni liji lia tachi anehe tahi, ni A-Kaletea, ni aprofeta. Mwanangana yamba kuli akwa mana a mu Babilonia ngwenyi, Mweswawo matanga sona jino ni kungulweza ulumbunwiso wajo, mungumujika ni mazalo a ufungo, mazala lenge lia oru ha kota yenyi, mapwa mukwa kuyula wamuchitatu mu wanangana.

Daniel 8:27

Mba yami Daniel nalezumukine, napombele nikuyiza matangwa. Mba nakatukile nikulingalinga milimo ya mwanangana, alioze usolwelo wangushimine; kuwangulumbunukine.

Kwalula 24:11

Kashika, haliapwila, yako, uchinyine ku mahienu. Nanyonga ngwami, Mungukunangamisa ni ulemu wunji, ahoze kumanyi, Yehova hakumina ulemu.

1 Samuel 17:25

A-Izalele yamba ngwo, Hiwamona yoze lunga hakanduka? Pundu hakanduka mukutomba A-Izalele. Mweswawo mamushiha, mwanangana mamwaha upite wunji, mamwaha mwanenyi wa pwo kumbata, matusula munyachi wa tato mu Izalele.

1 Samuel 2:8

Kakuchiza chiswale ku fufuta; kakuchiza mukwa kuhona hakachi ka chichilila cha uto nikumunangamisa akatwame hakachi ka alemu, akaswane ngunja ya ulemu. Mumu manguji a hashi a mbala a Yehova, mba iye hakoleselaho he hashi.

1 Samuel 25:2

Kwapwile umwe lunga mu Mayone alioze upite wenyi Watwamine mu Karmela. Iye pichi; kali ni tununu atatu a mapanga, ni kanunu ka pembe. Te kanatewula mapanga jenyi mu Karmela.