Daniel 2:47 - MUKANDA USANDU WA ZAMBI 1975

⁴⁷ Mwanangana yamba kuli Daniel ngwenyi, Pundu, Zambi ye mwe Zambi ya mazambi, ni Mwene wa mianangana; kapwa nawa mukwa kujimbula yijimbikilo se yena hiwahasa kujimbula chijimbikilo chino.

Mukanda Wa Zambi 1970

⁴⁷ Mwanangana ngwenyi: “Zambi ye kali Zambi wa mazambi eswe kanda Mwene wa mianangana eswe. Mwe wakusolola yijimbikilo. Ngunachinyingika mumu wahasa kulumbununa chijimbikilo chino.”

Daniel 2:47 Iomraidhean Croise

Ubutukilo 41:39

Falau yamba kuli José ngwenyi, Se Zambi hakulweza yino yuma yeswe niumwe mukwo wakuhi mapwa ni ukanyame ni mana ngwe yena.

1 MIANANGANA 5:15

Aye yahiluka kuli mutu wa Zambi hamuwika ni atu jenyi eswe; yeza, yamana kumeso jenyi ngwenyi, Haliapwila ngunanyingika ngwami, Kuheshi niumwe Zambi hashi heswe shina mu Izalele. Kashika ngunalembe utambule kama mulambu kuli yami kavumbi ke.

Jobe 12:19

Kakutwala asasendote a kupupa; kakununguna akwa ndundo.

Miaso (Masamu) 136:2

Sakwililenu mwe Zambi ya mazambi; mumu utu wa zango lienyi wa mutolo.

Miaso (Masamu) 136:3

Sakwililenu mwe Mwene wa ene; mumu utu wa zango lienyi wa mutolo.

Miaso (Masamu) 72:11

Ewa, mianangana eswe kumakafulamana kumeso jenyi. Mavungu eswe kumakamulingila.

Miaso (Masamu) 82:1

Zambi kanamana mu chikungulwila cha Zambi. Kanapatula hakachi ka mazambi.

Miaso (Masamu) 96:4

Mumu Yehova munene, chatamba kumuhalisa chikolo. Chatamba kumuvwila woma kuhiana mazambi akwo eswe.

Ezekiel 26:7

Mumu Mwene Yehova kanambe ngwenyi, Mungukachiza ku Norte Nabukanezore mwanangana wa Babilonia eze alimike ni Teru. Aye, mwanangana wa mianangana, meza ni tuvwalu ni matemba-a-jita, ni akwa tuvwalu, ni chihuji cha tujita.

Daniel 11:36

Mwe mwanangana makalinga nikulita ni upale wenyi mwene. Makalinangamisa, ni kulifuza helu lia mazambi eswe. Makahanjika yuma ya kukomwesa ya kulimika ni mwe Zambi wa mazambi. Kumakaya kulutwe ndo utenu hiwamanunuka; mumu chize hanafunjika kumuchikalingiwa.

Daniel 2:19

Henaho chijimbikilo achijimbwile kuli Daniel mu usolwelo ha ufuku. Kashika Daniel yahalisa Zambi ya mwilu.

Daniel 2:22

Kakufukula yuma yikalu ni yijimbikilo; kananyingika chize chili mu milima, pangu liatwama kuli iye.

Daniel 2:28

Alioze umwe Zambi mwilu mwali mukwa kujimbula yijimbikilo, mba iye hasolola kuli mwanangana Nabukanezore yuma yize muyikapwa ha matangwa a kusula. Chilota chenu ni usolwelo wa mutwe wenu shimbu nuli ha muhela wenu, yino:

Daniel 2:29

Kuli yenu mwanangana, shimbu nunachipombo ha muhela wenu kwejile manyonga a yuma yize muyiza kulutwe; ni mukwa kujimbula yijimbikilo wanulwezele chize muchiza kupwa.

Daniel 2:30

Alioze ha kutwala kuli yami, chijimbikilo chino hanangujimbwilacho hanga mwanangana akanyingike ulumbunwiso, hanga nukanyingike manyonga a mu mutwe wenu. Kuchapwile ngwe yami nguli ni mana kuhiana akwa mwono akwo.

Daniel 2:37

Enu mwanangana, mwe mwanangana wa mianangana, kuli yenu Zambi ya mwilu hananwehe wanangana, ni ndundo, ni ngolo, ni uhenya;

Daniel 3:15

Nyi numutá, muze munwivwa liji Iia chitavwi, ni lundembo, ni kalialia, ni chisaji cha kusa, ni ngaita, ni milali yeswe ya yisaji, nukafulamane nukawayile kaponya yono hinalinga, chipema. Alioze nyi kunusolo kuwayila, manunyasa haliapwila mu lutengo wa kahia ka kulengenya, mba mwe zambi yoze mahasa kunulamwina ku moko jami iya?

Daniel 3:28

Nabukanezore yamba ngwenyi, Zambi ya Shadrake, ni Meshake, ni Abedenego afumane, yoze hatuma mungelo wenyi, hapulula tuvumbi twenyi akwa kujikijila hali iye, waze alelesele shimbi ya mwanangana nikwecha mijimba yo, mumu kasolo kulingila umwe zambi shina Zambi yo, chipwe kumuwayila.

Daniel 3:29

Kashika ngunakolesa shimbi ngwami, Nyi vungu limwe, hanji munyachi umwe, hanji limi limwe mahanjika chimwe chuma cha kulimika ni Zambi ya Shadrake, ni Meshake, ni Abedenego, makaapapulula kwoko ni kulu ni mazuwo jo maapuzula. Mumu kukushi niumwe zambi mukwo yoze mahasa kupulula chocho.

Daniel 4:17

Upatwilo uno wa ku shimbi ja tulayi; chiyulo chino cha ku liji lia asandu hanga akwa mwono akanyingike, mwe Chitunda kakuyula mu wanangana wa atu, kakuuhana kuli mweswawo mapala; kakusa alelu chikolo hakachi ka atu akauyule.

Daniel 4:25

akanuhume hakachi ka atu; wendelo wenu muukapwa hakachi ka tushitu a mu yambu; makanulisa mwambu ngwe ngombe, munukawula ni mume wa mwilu, ndo tungonde shimbiali hanupalika, nukanyingike mwe Chitunda kakuyula mu wanangana wa atu nikuuhana kuli mweswawo mapala.

Daniel 4:32

mba makuhuma hakachi ka atu, ni wendelo we muukapwa hakachi ka tushitu a mu yambu. Muolia mwambu ngwe ngombe, mba tungonde shimbiali makakupalika ndo hiwalilongesa, mwe Chitunda kakuyula mu wanangana wa atu ni kuuhana kuli mweswawo mapala.

Daniel 5:11

Mwali mu wanangana we umwe lunga kali ni Spiritu ya mazambi asandu. Ha matangwa a tatenu, pangu, ni yinyingi, ni mana awanyine muli iye, ngwe mana a mazambi. Tatenu mwanangana Nabukanezore wamupwishile mukwa lutwe hakachi ka yimbanda, ni tahi, ni A-Kaletea, ni aprofeta,

Amose 3:7

Pundu Mwene Yehova keshi kulinga chuma shina malweza chijimbikilo chenyi kuli tuvumbi twenyi aprofeta.

1 Korintu 14:25

Yuma ya kuhengama ya mu mbunge yenyi muyisoloka: chocho makafulamana ha meso jenyi, makawayila Zambi, mambulula ngwenyi, Zambi hwali hakachi kenu pundu.

Shimbi 10:17

Mumu Yehova Zambi yenu iye Zambi ya tuzambi, Mwene wa ene, Zambi munene, mukwa ndundo, kole ni mwongo, keshi katonde, chipwe keshi kutambula chindo, ka.

1 Timoteu 6:15

Uze ha mwaka wawo makaulweza, yoze wapwa mukwa kuyula wa kuwaha kanda umuwika, mwe Mwanangana wa mianangana, mwe Mwene wa ene.

Yoshua 22:22

Mukwa Ndundo, Zambi, Yehova! Mukwa Ndundo, Zambi, Yehova! Iye kananyingika, kashika A-Izalele no akanyingike ngwetu, Nyi kachi chapwa kukolema, hanji mafwefwe, kuli Yehova kanda nutuvwila keke musono

Usolwelo 1:5

ni ya kuli Yesu Kristu, mwe Chela wamwenemwene, mwe Mutangu kuhinduka hakachi ka afu, ni mwe mukwa kuyula hakachi ka mianangana ja hashi. Kuli yoze wakutuzanga, watutuswile ku milonga yetu mumu ha manyinga jenyi;

Usolwelo 17:14

Wano kumakasa jita ni mwe Mwana-panga, ni mwe Mwana-panga kumakaakumba, mumu iye Mwene wa ene, Mwanangana wa mianangana; ni waze ali hamwe nenyi, hanaatambika, aze hanaatongola, aze amwenemwene.

Usolwelo 19:16

Iye ha hina lienyi ni ha chitongo chenyi jina akwete, linasonewa ngwo, Mwanangana wa mianangana, Mwene WA ENE.