Daniel 2:46 - MUKANDA USANDU WA ZAMBI 1975

⁴⁶ Aho mwanangana Nabukanezore yafulamana, yawayila Daniel. Yatuma akalambule mulambu kuli Daniel ni insensu.

Mukanda Wa Zambi 1970

⁴⁶ Hohene mwanangana yafulamana hashi, yawayila Daniel. Yahana Shimbi ya kulambula Daniel mulambu.

Daniel 2:46 Iomraidhean Croise

Ezra 6:10

hanga akalambule yitapo ya lupembo mupema kuli Zambi ya mwilu, akalembele mwono wa mwanangana ni anenyi a malunga.

Daniel 3:5

Muze munwivwa liji lia chitavwi, ni lundembo, ni kalialia, ni chisaji cha kusa, ni ngaita, ni milali yeswe ya yisaji munufulamana ni kuwayila kaponya ka oru yono mwanangana Nabukanezore hamika.

Daniel 3:7

Kashika muze mavungu eswe evwile liji lia chitavwi, ni lundembo, ni kalialia, ni chisaji cha kusa, ni ngaita, ni milali yeswe ya yisaji, mavungu eswe, ni minyachi yeswe, ni malimi eswe afulamanyine ni kuwayila kaponya ka oru yoze mwanangana Nabukanezore hamika.

Daniel 8:17

Chocho iye wakundamine kuze namanyine; mba ha kukundama, ami nevwile woma, nafulamanyine hashi. Alioze yamba kuli yami ngwenyi, Mwana mutu, nyingika ngwami, usolwelo uno watwala ku miaka ya ku songo.

Alevi 26:31

Mungupwisa yihunda yenu yahululu. Mungupwisa mazuwo jenu asandu ngwe puya, mba chichi kuhumbika milambu yenu ya lupembo mupema.

Luka 17:16

iye wafulamanyine ku yiliato yenyi nikumusakwila, neye Ka-Samaria.

Yilinga 10:25

Muze Petulu anjilile mu zuwo, Koneliu wamupatwijile, wafulamanyine ku molu jenyi, wamuwayilile.

Yilinga 14:13

Sasendote wa Yupita, yoze tembele yenyi yapwile kulutwe lia limbo, wanehene ngombe ni yipangula ku yikolo, iye wafupile kulambula chitapo hamuwika ni mbunga.

Yilinga 28:6

Atalile ngwe majimba, hanji malimbuka hashi susumuku, akafwe: alioze muze te hatalatala ha shimbu linene, kamwene chipi nichimwe kuli iye, alikonyekene nikwamba ngwo, Yono kumanyi, zambi umwe.

Usolwelo 11:16

Ni makumi aali a makulwana ni makulwana awana, waze atwama ha ngunja jo kumeso ja Zambi, afulamanyine, nikuwayila Zambi.

Usolwelo 19:10

Nafulamanyine ku yiliato yenyi hanga ngumuwayile. Iye yamba kuli yami ngwenyi, Kanda uchilinga: yami nguli ndungo-ni-mukwenu, ni ndungo-ni-mukwo ni mandumbu je, waze ali ni Shindakenyo ya Yesu: wayila Zambi: mumu Shindakenyo ya Yesu, spiritu ya uprofeto.

Usolwelo 22:8

Ni yami Yoano nevwile, namwene yino yuma. Mba muze nevwile, namwene, nafulamanyine hanga nguwayile ku molu ja mungelo yoze wangulwezele yino yuma.