Daniel 2:4 - MUKANDA USANDU WA ZAMBI 1975

⁴ A-Kaletea yamba kuli mwanangana mu limi lia A-Seria ngwo, Vulie, mwanangana. Nulweze chilota chenu kuli yetu tuvumbi twenu mba mutuchilumbununa.

Mukanda Wa Zambi 1970

⁴ No yaakumbulula mwanangana mu arame ngwo: “Vulie mwanangana! Twawilenu mwane chilota chenu, mba mutuchilumbununa.”

Daniel 2:4 Iomraidhean Croise

Ubutukilo 31:47

Lapane yalukako ngwenyi, Yeka-sahanduta, alioze Yakomba yalukako ngwenyi, Ngalite.

Ubutukilo 41:8

Mu kwacha chimene mbunge yenyi yiyilipikala, yatuma kusanyika yimbanda eswe a mu Engitu, ni akwa mana eswe. Falau yaalweza chilota chenyi alioze niumwe kahashile kumulumbunwinacho wakuhi.

1 Yitanga Ya Mianangana 1:25

Mumu musono hanapalumuka, hanashihi ngombe, ni yimuna a maji, ni mapanga a kulumbama. Hanalakenya ana eswe a mwanangana, ni tupitau twa tujita, ni sasendote Abiatare, mba kanali, kananu kumeso jenyi ngwo, Vulie! mwanangana Adonija!

1 Yitanga Ya Mianangana 1:31

Bate-Shipa yalihetamina ni meso jenyi hashi nikuwayila mwanangana ngwenyi, Vulie! mwene wami mwanangana David.

1 MIANANGANA 18:26

Henaho Eliakimi mwana Hilekia ni Shepena ni Joa yamba kuli Rabeshaka ngwo, Hanjikenu kama kuli yetu tuvumbi twenu mu limi lia Asuria se liatulumbunuka. Kanda nuhanjika mu limi lia A-Yunda, mwe mu matwi ja atu eswe ali ha chipanga-cha-mawe.

Ezra 4:7

Ha matangwa a Artasherke kwasonekene Bishalame, ni Miteredate, ni Tabiele, ni akwo masepa jo kuli Artasherke mwanangana wa Persia. Maletra apwile a limi lia Seria, ni maliji nawa mu limi lia Seria.

Nehemia 2:3

Yingwamba kuli mwanangana ngwami, Vulie, mwanangana. Te chichi kupwa ni chinyengo ku meso, shimbu chihunda kuze kwatwama mafuka ja tulamba twami chapwa cha hululu, ni yajilo yako hiyinaweme ni kahia?

Izaya 36:11

Henaho Eliakimi ni Shepena ni Joa yamba kuli Rabeshaka ngwo, Hanjikenu kama kuli yetu tuvumbi twenu mu limi lia A-Asuria se liatulumbunuka. Kanda nuhanjika mu limi lia A-Yunda, mwe mu matwi ja atu ali ha chipanga-cha-mawe.

Izaya 44:25

Mukwa kufuwisa yinyingi ya akwa mahuza, kakuhepwisa tahi, kakuhilwisa kunyima akwa mana, nikupwisa mana jo uhepuke;

Daniel 1:4

akweze keshi kapalia, apema chikolo, ni akwa kujama ni mana eswe, ni yinyingi, akwa kulongoloka, waze mahasa kuvumbika mu zuwo lia mwanangana, akaalongese je sona ni limi lia A-Kaletea.

Daniel 2:7

O yakumbulula kamuchiali ngwo, Mwanangana alweze chilota kuli yetu tuvumbi twenu mba mutuchilumbununa.

Daniel 3:9

Yamba kuli mwanangana Nabukanezore ngwo, Vulie, mwanangana.

Daniel 4:19

Aho Daniel, jina lienyi likwo Belteshazare, yatatajala shimbu linene, ni manyonga jenyi yamuvwisa woma. Mwanangana yamba ngwenyi, Belteshazare, chilota chino ni ulumbunwiso wacho kanda chikuvwisa woma. Belteshazare yakumbulula ngwenyi, Mwene wami, chilota chino chikapwe kuli waze akunuvwila kole, ni ulumbunwiso wacho ukapwe kuli akwa kole jenu.

Daniel 4:7

Kashika yimbanda, ni tahi, ni A-Kaletea, ni aprofeta yeza; yingwalweza che chilota, alioze kahashile kungulumbunwinacho.

Daniel 4:9

Ena Belteshazare, chimbanda wa lutwe, mungukulweza chilota chize namwene mumu ngunanyingika Spiritu ya mazambi asandu uli nenyi, kashika nichimwe chijimbikilo muchikukala naye; ungulumbunwinecho.

Daniel 5:10

Mwe mwazovu wejile ku zuwo lia muzumbu mumu ha maliji a mwanangana ni alemu jenyi. Mwazovu yamba ngwenyi, Vulie mwanangana! Manyonga je kanda akuvwisa woma. Kanda walumuka ku meso chocho.

Daniel 5:8

Akwa mana eswe a mwanangana anjilile, alioze kahashile kutanga je sona, hanji kulweza kuli mwanangana ulumbunwiso wajo.

Daniel 6:21

Daniel yamba kuli mwanangana ngwenyi, Vulie mwanangana.

Daniel 6:6

Kashika akwa lutwe ni yilolo yalitesa, yeza kuli mwanangana ngwo, Vulie mwanangana Dariu.

Daniel 6:7

Akwa lutwe eswe a mu wanangana, ni tupitau, ni yilolo, ni tuliamanga, ni anguvulu, hitwanyonga hamuwika ngwetu, Chatamba yenu mwanangana kusa shimbi ni kukolesa koki ya kwamba ngwenu, Mweswe malemba kuli umwe zambi hanji kuli umwe mutu ha shimbu lia makumi atatu a matangwa, shina kuli yenu mwanangana, amunyase mu wina wa ndumba.

Mateu 21:9

Mbunga jize angutetekelele ni jize akawile, akololokele ngwo, Vulie! Mwana David! Kufumana yoze meza mu jina lia Mwene; Vulie! mwilu mwahiana!

1 Samuel 10:24

Samuel yamba kuli atu eswe ngwenyi, Talenu yoze Yehova hasakula. Niumwe walifwa nenyi hakachi ka atu eswe. Atu eswe yakalumioka ngwo, Vulie mwanangana!