Daniel 2:37 - MUKANDA USANDU WA ZAMBI 1975

³⁷ Enu mwanangana, mwe mwanangana wa mianangana, kuli yenu Zambi ya mwilu hananwehe wanangana, ni ndundo, ni ngolo, ni uhenya;

Mukanda Wa Zambi 1970

³⁷ Vulie mwanangana wami! Yenu nuli mwanangana munene Wahiana mianangana eswe. Zambi wa mwilu hananupwisa mwanangana, hananwehe tachi, ni ndundo, ni uhenya.

Daniel 2:37 Iomraidhean Croise

1 Yitanga Ya Mianangana 4:24

Mumu te kali ni chiyulo cha chifuchi cheswe sali lino lia mwe Lwiji chize ku Tifesahe ndo ku Ngeza, helu lia mianangana eswe sali lino lia mwe Lwiji. Kwapwile kuhwima kweswe kwa kumujingilika.

1 MIANANGANA 25:28

Yahanjika nenyi ni vumbi; yasa ngunja yenyi helu lia ngunja ja mianangana akwo aze apwile nenyi mu Babilonia.

2 Sango Ja Mianangana 36:23

Siru mwanangana wa Persia ngwenyi, Yehova Zambi ya mwilu hangwaha mawanangana eswe a hashi. Mba iye hangwaha shimbi kumutungila zuwo mu Yerusaleme mu chifuchi cha Yunda. Mweswawo uliko hakachi ka yenu eswe atu jenyi, aye akanduke, ni Yehova Zambi yenyi apwe hamwe nenyi.

Ezra 1:2

Siru mwanangana wa Persia ngwenyi, Yehova Zambi ya mwilu hangwaha mawanangana eswe a hashi. Mba iye hangwaha shimbi kumutungila zuwo mu Yerusaleme mu chifuchi cha Yunda.

Ezra 7:12

Artasherke mwanangana wa mianangana kuli sasendote Ezera, mwe mukwa kusonyeka shimbi ja Zambi ya mwilu, tunakumeneka.

Miaso (Masamu) 62:11

Zambi hanahanjika kamuwika. Kaali hinevwa chuma chino, ngwo, Ndundo japwa ja mbala ja Zambi.

Yishima 8:15

Mianangana kakuyula ni tachi jami, alemu kakuhana shimbi ja ululi.

Izaya 10:8

Mumu kanambe ngwenyi, Tupitau twami hi mianangana ko?

Izaya 47:5

Ena mwana-pwo wa A-Kaletea, twama nikuhola, ukaye ku milima, mumu kechi kakutongola nawa ngwo, Mukwa kuyula mawanangana.

Jeremia 28:14

Mumu Yehova-wa-Tujita, Zambi ya Izalele kanambe ngwenyi, Hinasa ha makota ja wano mavungu eswe kanga ya utale ya undungo kuli Nabukanezore mwanangana wa Babilonia. Kumakamulingila mumu hinamwaha chipwe tushitu a mu yambu.

Jeremia 34:1

Liji lino liejile kuli Jeremia lia kuli Yehova, muze Nabukanezore mwanangana wa Babilonia ni tujita twenyi eswe, ni mawanangana eswe a hashi aze iye te kanaayulu ni mavungu eswe kanase jita ni Yerusaleme ni yihunda yayo yeswe ngwenyi,

Ezekiel 26:7

Mumu Mwene Yehova kanambe ngwenyi, Mungukachiza ku Norte Nabukanezore mwanangana wa Babilonia eze alimike ni Teru. Aye, mwanangana wa mianangana, meza ni tuvwalu ni matemba-a-jita, ni akwa tuvwalu, ni chihuji cha tujita.

Daniel 1:2

Mwene yakunjika Jehoakime mwanangana wa Yunda kuli iye, hamwe ni yikwachilo yimwe ya mu zuwo lia Zambi. Yayineha ku chifuchi cha Shinare, ku zuwo lia zambi yenyi. Yasa yikwachilo mu zuwo lia kutulikila upite wa zambi yenyi.

Daniel 2:31

Enu mwanangana nwamwene umwe kaponya munene. Kaponya yono wa ndundo ni uhenya wahiana wamanyine kumeso jenu, mba wasolokele kole ni woma.

Daniel 2:44

Ha matangwa ja mianangana aze Zambi ya mwilu makakolesa umwe wanangana uze kuuchi kanonga. Chipwe chiyulo chawo kechi kachiswanyisa kuli atu eka. Muukafwenya mawanangana ano akwo ni kwasulisa, alioze wene muukakola wa mutolo,

Daniel 4:19

Aho Daniel, jina lienyi likwo Belteshazare, yatatajala shimbu linene, ni manyonga jenyi yamuvwisa woma. Mwanangana yamba ngwenyi, Belteshazare, chilota chino ni ulumbunwiso wacho kanda chikuvwisa woma. Belteshazare yakumbulula ngwenyi, Mwene wami, chilota chino chikapwe kuli waze akunuvwila kole, ni ulumbunwiso wacho ukapwe kuli akwa kole jenu.

Daniel 4:22

mutondo uno, yenu mwanangana; hinwatatuka hinwakola. Unene wenu watatuka, hiwaheta kwilu, ni chiyulo chenu hichaya ndo ku masongo a hashi.

Daniel 4:25

akanuhume hakachi ka atu; wendelo wenu muukapwa hakachi ka tushitu a mu yambu; makanulisa mwambu ngwe ngombe, munukawula ni mume wa mwilu, ndo tungonde shimbiali hanupalika, nukanyingike mwe Chitunda kakuyula mu wanangana wa atu nikuuhana kuli mweswawo mapala.

Daniel 4:3

Yilayi yenyi yinene, yikomokeso yenyi ya ndundo. Wanangana wenyi wa mutolo; chiyulo chenyi chakola chize ku chisemuko ndo ku chisemuko.

Daniel 4:32

mba makuhuma hakachi ka atu, ni wendelo we muukapwa hakachi ka tushitu a mu yambu. Muolia mwambu ngwe ngombe, mba tungonde shimbiali makakupalika ndo hiwalilongesa, mwe Chitunda kakuyula mu wanangana wa atu ni kuuhana kuli mweswawo mapala.

Daniel 4:34

Ku songo Iia matangwa, yami Nabukanezore nahetwile meso jami kwilu, mba mana jami janguhilukile nawa. Nafumanyishine mwe Chitunda nikumuhalisa nikulemesa yoze watwama ni mwono ndo ku miaka yeswe ngwami, Mumu chiyulo chenyi chapwa cha mutolo, ni wanangana wenyi walinduluka chize ku chisemuko ndo ku chisemuko.

Daniel 5:18

Enu mwanangana, Zambi Chitunda yahana kuli tatenu Nabukanezore wanangana, ni unene, ni uhenya, ni ulamba;

Daniel 7:14

Yamwaha chiyulo, ni uhenya, ni wanangana, hanga akwa mavungu eswe ni minyachi yeswe, ni malimi eswe akamulingile. Chiyulo chenyi chiyulo cha mutolo, kuchichi kahwa. Wanangana wenyi uze kuuchi kanonga.

Hosea 8:10

Chipwe mafweta akwa kwakwasa hakachi ka mavungu fuji mungwakonga. Mba makalitwamina ha shimbu limwe ku chiteli cha mianangana ni alemu.

Mateu 6:13

Kanda ukatutwala kama ku cheseko, alioze tupulule kama kuli mwe mupi. Mumu we wanangana, ni je tachi, ni we uhenya, yeswe niye ndo ku miaka yeswe. Amene.

Yoano 19:11

Yesu wakumbulwile ngwenyi, Kushi chiyulo nichimwe hali yami kachi kakuhelecho kwilu; kashika yoze wangukunjikanga kuli yena, mulonga Wahiana ali nawo.

Usolwelo 1:5

ni ya kuli Yesu Kristu, mwe Chela wamwenemwene, mwe Mutangu kuhinduka hakachi ka afu, ni mwe mukwa kuyula hakachi ka mianangana ja hashi. Kuli yoze wakutuzanga, watutuswile ku milonga yetu mumu ha manyinga jenyi;

Usolwelo 17:14

Wano kumakasa jita ni mwe Mwana-panga, ni mwe Mwana-panga kumakaakumba, mumu iye Mwene wa ene, Mwanangana wa mianangana; ni waze ali hamwe nenyi, hanaatambika, aze hanaatongola, aze amwenemwene.

Usolwelo 19:16

Iye ha hina lienyi ni ha chitongo chenyi jina akwete, linasonewa ngwo, Mwanangana wa mianangana, Mwene WA ENE.

Usolwelo 4:11

Yena kuwatela, Mwene wetu kanda Zambi yetu, kutambula uhenya ni ulemu ni tachi, mumu yena watangile yuma yeswe, ni mumu ha upale we yapwile, yatangiwile.

Usolwelo 5:12

Kanambe ni liji linene ngwo, Mwe Mwana-panga yoze hanamushihi katela kutambula tachi, ni upite, ni mana, ni ngolo, ni ulemu, ni uhenya, ni lufuma.