Daniel 2:34 - MUKANDA USANDU WA ZAMBI 1975

³⁴ Shimbu munuchitala, liwe limwe alipulile, alioze hi ni kwoko lia mutu ko. Lialambile kaponya ha yiliato yenyi ya utale ni uma, yayipalwola.

Mukanda Wa Zambi 1970

³⁴ Muze te nunamutale, yinumona lumwe luliwe lunabaluka ku mulundu, niumwe te unalukwata wakwihi, yilulamba ku yiliato ya kaponya wa utale ni uma, yilubalwola ye yiliato.

Daniel 2:34 Iomraidhean Croise

Miaso (Masamu) 118:22

Liwe lize alitunyine tungi, hilinapu lia helu lia mbango.

Izaya 28:16

Kashika Mwene Yehova kanambe ngwenyi, Talenu, ngunase yimwe fundamentu mu Zaione, liwe, liwe lia kweseka, liwe lilemu lia ha mbango, fundamentu ya ngú. Mweswe mafuliela kechi kalipupula.

Izaya 60:12

Mumu munyachi hanji wanangana wa waze kanuvumbikile kumuukakuwa. Mavungu aze kumakaonwona.

Izaya 8:9

Zangumiokenu, enu mavungu, nukamakwoke; panjikenu, enu yifuchi ya kusuku; lijichikenu numakwoke tuyipinji; lijichikenu numakwoke tuyipinji.

Ezekiel 32:28

Chocho mukamakuka ukapombe hakachi ka yilima hamwe ni waze aashihile ni katana.

Ezekiel 47:5

Cheka nawa yeseka kanunu, mba hapwa lwiji, Chahashile kuzauka mumu meya hapwa anji; meya a kusanyikinamo; lwiji mutu kechi kuhasa kuzauka ha mwa.

Daniel 2:33

molu jenyi apwile a utale; ni yiliato yenyi chihanda cha utale ni chihanda cha uma.

Daniel 7:27

Alioze wanangana ni chiyulo ni unene wa mawanangana kushi lia lilu lieswe kumakakunjika kuli atu ja asandu ja mwe Chitunda. Wanangana wo kumuukapwa wanangana wa mutolo, mba akwa yiyulo yeswe kumakaavumbika ni kwaononokena.

Daniel 8:25

Ku maseliekela jenyi masenyesa kulutwe ukanyame mu moko jenyi, mba mu mbunge yenyi malilemesa. Monwona anji, mumu kanalifuliela ene, mba makakatukila Mukwa-Kuyula mianangana. Hindu kumakamakuka, hi ni kwoko lia mutu ko.

Zakaria 12:3

Ha tangwa lize mungukapwisa Yerusaleme luliwe lulemu ha mavungu eswe. Waze eswe maluzundula malilemeka, ni mavungu eswe a hashi malikungulula kulimika nalwo.

Zakaria 4:6

Aye yamba kuli yami ngwenyi, Lie liji lino lia Yehova kuli Zorobabele ngwenyi, Yehova-wa-Tujita kanambe ngwenyi, Hi ku ndundo ko hanji ku ngolo alioze kuli Spiritu yami.

Mateu 16:18

Ni yami nawa ngunambe kuli yena ngwami, Yena uli Petulu, ni ha liwe lino mungutunga chikungulwila chami, ni yajilo ya Heteze kuyichi kakumbaho.

Yoano 1:13

aze asemukine hi ku manyinga ko, chipwe ku upale wa musunya, chipwe ku upale wa lunga, ka, alioze kuli Zambi.

Yilinga 4:11

Iye lie liwe lize asele liamokomoko kuli yenu tungi, kuliapwa liwe lia helu lia ha mbango.

2 Korintu 5:1

Mumu tunanyingika kachi zuwo lietu lia hano hashi, mbalaka yino, mulijindwoka, zuwo tuli nalio lia kuli Zambi, zuwo kalitungile ni moko, lia mutolo mu malilu:

Hebreu 9:24

Mumu Kristu kanjililemo muma musandu mwa kutungiwa ni moko, te Chizulie cha muma musandu mwamwenemwene; aiioze mwilu mwene hanga akasoloke haliapwila kumeso ja Zambi hali yetu:

1 Petulu 2:7

Kuli yenu kashika, nwakufuliela, iye mulemu: alioze kuli waze keshi kwononoka, liwe lia lutwe lia mbango.

Usolwelo 11:15

Mungelo wamuchishimbiali wembile chitavwi chenyi; kwapwile maliji anene mwilu, ngwo, Wanangana wa hano hashi hiwapwa wa Mwene wetu, ni wa Kristu yenyi: iye kumakayula ndo ku miaka yeswe ya mutolo.

Usolwelo 17:14

Wano kumakasa jita ni mwe Mwana-panga, ni mwe Mwana-panga kumakaakumba, mumu iye Mwene wa ene, Mwanangana wa mianangana; ni waze ali hamwe nenyi, hanaatambika, aze hanaatongola, aze amwenemwene.