Daniel 2:31 - MUKANDA USANDU WA ZAMBI 1975

³¹ Enu mwanangana nwamwene umwe kaponya munene. Kaponya yono wa ndundo ni uhenya wahiana wamanyine kumeso jenu, mba wasolokele kole ni woma.

Mukanda Wa Zambi 1970

³¹ “Vulie mwanangana! Mu Usolwelo wenu nunakamona kulutwe lienu kaponya musuku, kanabeyima ni uhenya, kumutala kole ni woma.

Daniel 2:31 Iomraidhean Croise

Izaya 13:11

Mungukafwetesa akwa hashi ha yipi yo, mungukafwetesa yingulungulu ha uhenge wo. Mungukasulisa kulengumuka cha akwa kulizata, mungukanunguna kulifuza cha yiswi.

Ezekiel 28:7

kashika mungukoka hali yena yilambala, e akwa kuhiana kukolesa mwongo a ku mavungu. Makatomona tutana two kulimika ni upeme wa mana je; makachisa uhenya we.

Daniel 2:36

Che chilota chenacho; haliapwila mutulumbununa kuli mwanangana ulumbunwiso wacho.

Daniel 2:37

Enu mwanangana, mwe mwanangana wa mianangana, kuli yenu Zambi ya mwilu hananwehe wanangana, ni ndundo, ni ngolo, ni uhenya;

Daniel 3:1

Mwanangana Nabukanezore walingile umwe kaponya wa oru, Chizundamo chenyi makumi asambano a mbandu, ni utohe wenyi mbandu jisambano. Yamumika ha chana cha Dura mu provincia ya Babilonia.

Daniel 4:36

Haze hene mana jami anguhilukile nawa, ni ku ulemu wa wanangana wami, ulamba ni uhenya wanguhilukile nawa. Tuliamanga twami ni alemu jami angufupile nawa; angukolesele mu wanangana wami, ni ulemu ukwo anguwezelele helu.

Habakuke 1:7

Kole ni mwongo, akwa kuchikimisa atu; upatwilo wo ni ulemu wo unasoloka muli ayo ene.

Mateu 4:8

Cheka nawa, Ndiapu yamutwala ku mulundu usuku chikolo, yamulweza mawanangana eswe a hano hashi ni uhenya wo:

Luka 4:5

Ndiapu wamutwalile helu lia mulundu usuku, wamulwezele mawanangana eswe a yifuchi ya hashi ha kashimbu kakepekepe.