Daniel 2:3 - MUKANDA USANDU WA ZAMBI 1975

³ Mwanangana yamba kuli ayo ngwenyi, Nateta, Spiritu yami yinalifwichi ngukanyingike chilota chami.

Mukanda Wa Zambi 1970

³ Mwanangana yamba ngwenyi: “Ngunalibikala mumu ha chilota chize nalotanga. Ngunazange kunyingika ulumbunwiso wacho.”

Daniel 2:3 Iomraidhean Croise

Ubutukilo 40:8

O yamba kuli iye ngwo, Mumu twalotanga chilota mba niumwe kahashile kutulumbunwinacho. José yamba kuli ayo ngwenyi, Ulumbunwiso kuwapwile wa mbala wa Zambi, nyi? Ngulwezecho kama.

Ubutukilo 41:15

Falau yamba kuli José ngwenyi, Hinalota chilota alioze niumwe kahashile kungulumbunwinacho. Mba hinevwa ha kutwala kuli yena ngwo, Muze muwivwa chilota muhasa kuchilumbununa.

Ubutukilo 41:8

Mu kwacha chimene mbunge yenyi yiyilipikala, yatuma kusanyika yimbanda eswe a mu Engitu, ni akwa mana eswe. Falau yaalweza chilota chenyi alioze niumwe kahashile kumulumbunwinacho wakuhi.

Daniel 2:1

Ha mwaka wamuchiali wa kuyula cha Nabukanezore, mwe Nabukanezore watetele yilota; kashika Spiritu yenyi yilifwita, kahashile kuya tulo.

Daniel 4:5

Natetele chilota cha kungukolesa woma. Shimbu napombele ha muhela, manyonga ni usolwelo wa mutwe wami yangunehenene mwongo.