Daniel 2:26 - MUKANDA USANDU WA ZAMBI 1975

²⁶ Mwanangana yamba kuli Daniel, jina lienyi likwo Belteshazare, ngwenyi, Yena muhasa kungulweza chilota chize namwene, ni ulumbunwiso wacho nyi?

Mukanda Wa Zambi 1970

²⁶ Mwe mwanangana yahula Daniel (jina lienyi likwo ngwo, Belteshazare) ngwenyi: “Kuma muuhasa kungulweza chilota chami ni ulumbunwiso wacho, nyi?”

Daniel 2:26 Iomraidhean Croise

Ubutukilo 41:15

Falau yamba kuli José ngwenyi, Hinalota chilota alioze niumwe kahashile kungulumbunwinacho. Mba hinevwa ha kutwala kuli yena ngwo, Muze muwivwa chilota muhasa kuchilumbununa.

Daniel 1:7

Unuku wa lutwe waalukile majina: Daniel yamuluka ngwenyi, Belteshazare; Hanania yamuluka ngwenyi, Shadrake; Mishaele yamuluka ngwenyi, Meshake; ni Azaria yamuluka ngwenyi, Abedenego.

Daniel 4:8

Ha kusula Daniel yeza kumeso jami—yoze amulukile Belteshazare mumu hali zambi yami, iye kali ni Spiritu ya mazambi asandu—yingumulweza chilota chami ngwami,

Daniel 5:12

mumu awanyine muli yono Daniel (mwanangana wamulukile Belteshazare) Spiritu mupema Wahiana, ni yinyingi, ni mana a kulumbununa yilota, ni kujimbula yijimbikilo, ni kupatula yuma yikalu. Kashika sanyika Daniel, mba makulweza ulumbunwiso.

Daniel 5:16

Alioze hinevwa ngwo, Yena unahase kulumbununa ni kupatula yuma yikalu. Nyi muhasa kutanga je sona ni kungulweza ulumbunwiso wajo, mungukujika ni mazalo a ufungo, muzala lenge lia oru ha kota ye, muopwa mukwa kuyula wamuchitatu mu wanangana.

Daniel 7:1

Ha mwaka utangu wa Beleshazare mwanangana wa Babilonia, Daniel watetele chilota ni usolwelo wa mu mutwe wenyi shimbu te kanapombo ha muhela wenyi. Henaho wasonekene chilota chenyi ni kwambulula ulumbunwiso wa chikuma.

1 Samuel 17:33

Saulu yamba kuli David ngwenyi, Kuchi kuhasa kulimika ni yono Ka-Filistea ukase nenyi jita, mumu uchili mukweze neye hapwa kajita chize ku ukweze wenyi.