Daniel 2:25 - MUKANDA USANDU WA ZAMBI 1975

²⁵ Kashika Arioke yatwala Daniel kuli mwanangana fuji. Yamba kuli iye ngwenyi, Hinawana hakachi ka njize ja ku Yunda umwe lunga mahasa kulweza kuli mwanangana we ulumbunwiso.

Mukanda Wa Zambi 1970

²⁵ Hazehene Arioke yatwala Daniel ku zuwo lia mwanangana Nebukanezore, yamulweza ngwenyi: “Vulie mwanangana! Hinamona umwe lunga hakachi ka njize a ku Yuda yoze mahasa kunulumbunwina chilota chenu.”

Daniel 2:25 Iomraidhean Croise

Ubutukilo 41:14

Falau yatuma kusaka José. Yamuchiza fuji ku zuwo lia ususu, yalitewula, yazala mazalo eka, yaheta kuli Falau.

Nehemia 7:6

Wano akwa chifuchi waze akatukile ku unjize, te Nabukanezore, mwanangana wa Babilonia, hanaatwala; o yahiluka ku Yerusaleme ni Yunda, mutu mweswe ku chihunda chenyi.

Yishima 24:11

Pulula waze anaatwala ku kufwa; lamwina waze anambe kwashiha.

Longeshi 9:10

Cheswacho moko je mawana kulinga, hilinga ni ngolo je jeswe, mu Shiole kuze unayi kukushi milimo, hanji manyonga, hanji chinyingi, hanji mana.

Daniel 1:6

Hakachi ka wano kwapwile Daniel, ni Hanania, ni Mishaele, ni Azaria a ku munyachi wa Yunda.

Daniel 5:13

Yaneha Daniel kumeso ja mwanangana. Mwanangana yamba kuli Daniel ngwenyi, Yena uli mwe Daniel, umwe wa njize aze a ku Yunda, mwanangana tata wachijile ku Yunda.

Daniel 6:13

O yamba kumeso ja mwanangana ngwo, Auze Daniel wa kuli njize a ku Yunda kanupanjikile, chipwe enu mwanangana, chipwe shimbi yize ya koki nwasonekene jina, alioze kakulemba katatu ha tangwa.