Daniel 2:20 - MUKANDA USANDU WA ZAMBI 1975

²⁰ Daniel yamba ngwenyi, Akafumanyise jina lia Zambi ndo ku miaka ya mutolo, yoze uli ni mana ni ndundo.

Mukanda Wa Zambi 1970

²⁰ “Zambi kali mukwa mana kanda mukwa ndundo! Mufumanyisenu ku miaka yeswe ni miaka yeswe.

Daniel 2:20 Iomraidhean Croise

Ubutukilo 14:20

Chikwo nawa, Zambi Chitunda akafumane, Iye hanakunjika akwa kole je mu kwoko lie. Mba Apalama yamwaha chihanda chimuwika ha yihanda kumi ya ku yuma yeswe.

1 Yitanga Ya Mianangana 8:56

Yehova afumane yoze hahwimisa atu jenyi A-Izalele nikulita ni chize cheswe walakenyene. Chipwe liji limuwika kuliahonene ha chilakenyo chenyi chipema chize walakenyene kuli Mose kavumbi kenyi.

1 Sango Ja Mianangana 29:20

David yamba kuli akwa chikungulwila eswe ngwenyi, Haliapwila hiwahisenu Yehova Zambi yenu. Mba akwa chikungulwila eswe yalemesa Yehova Zambi ya tulamba two. Yahetamisa mitwe yo ni kuwayila Yehova ni mwe mwanangana.

2 Sango Ja Mianangana 20:21

Muze halitesa ni e atu, yatongola akwa kwimbila Yehova nikuhalisa mu upeme wa usandu shimbu matetekela tujita ngwo, Sakwilenu kuli Yehova, mumu utu wa zango lienyi wa mutolo.

Nehemia 9:5

Mba A-Levi, Yeshua, ni Kamiele, ni Mbani, ni Hashabania, ni Sherebia, ni Hodia, ni Shebania, ni Petahia yamba ngwo, Manenu nukafumanyise Yehova Zambi yenu chize ku miaka yeswe ndo ku miaka yeswe. Jina lie lia uhenya, lize liatunda helu lia ulemeso weswe ni uhaliso weswe, likafumane.

Jobe 12:13

Zambi kali ni mana ni ndundo; chiyulo ni chinyingi niyenyi.

Miaso (Masamu) 113:1

Halisenu Yehova! Halisenu yenu tuvumbi twa Yehova! Halisenu jina lia Yehova!

Miaso (Masamu) 113:2

Jina lia Yehova likafumane chize ku tangwa lia musono ni ku miaka ya mutolo.

Miaso (Masamu) 115:18

Alioze yetu mutufumanyisa Yehova, chize ku tangwa lia musono ndo ku miaka ya mutolo. Halisenu Yehova!

Miaso (Masamu) 147:5

Mwene wetu iye munene; katakama mu ndundo. Mana jenyi keshi ni haze anasulila.

Miaso (Masamu) 41:13

Afumane Yehova Zambi ya Izalele, chize ku miaka ya mutolo ndo ku miaka ya mutolo, Amene; Amene.

Miaso (Masamu) 50:23

Mweswawo malambula chitapo cha kusakwila kakunguchichimieka. Yoze malulika kanawa kwenda chenyi mungumusolwela ulamwino wa Zambi.

Miaso (Masamu) 62:11

Zambi hanahanjika kamuwika. Kaali hinevwa chuma chino, ngwo, Ndundo japwa ja mbala ja Zambi.

Yishima 8:14

Yiyulo niyami, ni chinyingi chingunu. Malinjekela yami, ni tachi nguli najo.

Jeremia 32:19

Uli munene mu yiyulo, uli wa ndundo mu yitanga. Meso je kanalaula ku ndako jeswe ja atu, nikwononona mutu mweswe nikulita ni ndako jenyi, nikulita ni mihuko ya yitanga yenyi.

Ezekiel 28:3

Ewa, mana je ahiana aze a Daniel, nichimwe chijimbikilo chinakuswamina chakuhi;

Mateu 6:13

Kanda ukatutwala kama ku cheseko, alioze tupulule kama kuli mwe mupi. Mumu we wanangana, ni je tachi, ni we uhenya, yeswe niye ndo ku miaka yeswe. Amene.

Yuda 1:24

Haliapwila kuli yoze mahasa kunufunga hanga kunuchi kutalinga, ni kunumanyisa kulutwe lia uhenya wenyi ni kulikwiza kunushi kapalia.

Usolwelo 5:12

Kanambe ni liji linene ngwo, Mwe Mwana-panga yoze hanamushihi katela kutambula tachi, ni upite, ni mana, ni ngolo, ni ulemu, ni uhenya, ni lufuma.