Daniel 2:19 - MUKANDA USANDU WA ZAMBI 1975

¹⁹ Henaho chijimbikilo achijimbwile kuli Daniel mu usolwelo ha ufuku. Kashika Daniel yahalisa Zambi ya mwilu.

Mukanda Wa Zambi 1970

¹⁹ Ha ufuku uzewene Zambi yasolwela Daniel chijimbikilo chize mu Usolwelo. Neye yachichimieka Zambi wa mwilu ngwenyi:

Daniel 2:19 Iomraidhean Croise

Jobe 4:13

Mu manyonga a usolwelo wa ufuku muze tulo anji akwiza hali atu,

Miaso (Masamu) 25:14

Usepa wa Yehova uli kuli waze akumuvwila woma; maalweza usendo wenyi.

Daniel 1:17

Ha kutwala kuli wano akweze awana, Zambi yaaha chinyingi ni kulongoloka mu sona jeswe ni mana, ni Daniel wapwile ni chinyingi cha usolwelo weswe ni yilota.

Daniel 2:22

Kakufukula yuma yikalu ni yijimbikilo; kananyingika chize chili mu milima, pangu liatwama kuli iye.

Daniel 4:26

Mba chize atumine kuhichika shina lia miji ya mutondo, chocho wanangana wenu muukola kuli yenu chize ku tangwa lize mununyingika ngwenu, Malilu, o kakuyula.

Daniel 4:9

Ena Belteshazare, chimbanda wa lutwe, mungukulweza chilota chize namwene mumu ngunanyingika Spiritu ya mazambi asandu uli nenyi, kashika nichimwe chijimbikilo muchikukala naye; ungulumbunwinecho.

Daniel 7:2

Daniel yamba ngwenyi, Namwene mu usolwelo wami ha ufuku, kumanyi fuji jiwana ja mwilu jinavundula kalunga-lwiji munene.

Daniel 7:7

Kulutwe namwene ha usolwelo wa ufuku, kumanyi ngongo wamuchiwana wa kuvwisa mwongo ni lwaji, tachi jenyi jahiana. Kali ni mazo anene a utale; wapapulwile ni kupalwola ni kuliataliata masalila ni molu jenyi. Walipwila ni ngongo eswe waze ahangile. Kali ni kumi lia mbinga.

Amose 3:7

Pundu Mwene Yehova keshi kulinga chuma shina malweza chijimbikilo chenyi kuli tuvumbi twenyi aprofeta.

Kwalula 12:6

Ngwenyi, Panjikenu maliji jami. Kachi profeta hwali hakachi kenu, yami Yehova kumungulisolola kuli iye mu usolwelo, kumunguhanjika nenyi mu chilota.

Yoshua 22:33

Mwe lusango wawahilile A-Izalele mba A-Izalele alemesene Zambi. Kahanjikile nawa ya kwasa no jita nikwenyeka chifuchi kuze hatunga A-Rupene ni A-Ngate.