Daniel 2:18 - MUKANDA USANDU WA ZAMBI 1975

¹⁸ nikwashinjila akalembele keke kuli mwe Zambi ya mwilu ha kutwala ku chijimbikilo chino, kuchina Daniel ni masepa jenyi akakuwe ni akwa mana akwo a mu Babilonia.

Mukanda Wa Zambi 1970

¹⁸ Yaalweza alembe Zambi wa mwilu eevwile kama keke ni kwalweza ulumbunwiso wa chijimbikilo chize, hanga ayo keechi kafwa hamwe ni akwa kuyula akwo a mu Babilonia.

Daniel 2:18 Iomraidhean Croise

Ubutukilo 18:28

Hanji atano mahona a makumi atano a akwa ululi. Munongesa chihunda cheswe mumu ha kuhona cha atano nyi? Iye yamba ngwenyi, Chipwe munguwana makumi awana a akwa ululi ni akwa ululi atano chichi kuchinongesa.

Miaso (Masamu) 136:26

Sakwililenu Zambi ya mwilu; mumu utu wa zango lienyi wa mutolo.

Miaso (Masamu) 50:15

Tambikenu kuli yami ha tangwa lia lamba. Mungukupulula, mba mukanguchichimieka.

Miaso (Masamu) 91:15

Kumakangusanyika mba mungumukumbulula. Mungupwa hamwe nenyi mu lamba; mungumupulula; mungumukolesa.

Izaya 37:4

Hanji muchipwa Yehova Zambi ye mevwa maliji a Rabeshaka yoze watumiwanga kuli mwata wenyi mwanangana wa Asuria kuchoka Zambi ya mwono, hanji iye makanjisa maliji aze Yehova Zambi ye hevwa. Kashika uchilembele kama waze asala.

Jeremia 33:3

Ngusanyikenu mba mungukumbulula. Mungunulweza yuma yinene ya kuhengeka yize te kunwayinyingikine.

Ezekiel 36:37

Mwene Yehova kanambe ngwenyi, Chino nawa mungutayiza akwa munyachi wa Izalele akete kuli yami, ngukaokese malunga jo ngwe mbunga ya mapanga.

Daniel 2:23

Kuli yena, Zambi ya tulamba twami, ngunasakwila, ngunahalisa, mumu wangwaha mana ni tachi. Hiwangunyingikisa chuma chize twechile kuli yena, mumu hiwatunyingikisa chikuma cha mwanangana.

Daniel 3:17

Nyi chapwa chocho, Zambi yetu yoze twakulingila mahasa kutupulula ku lutengo wa kahia ka kulengenya, mba kumakatupulula ku kwoko lia yenu mwanangana nawa.

Daniel 4:26

Mba chize atumine kuhichika shina lia miji ya mutondo, chocho wanangana wenu muukola kuli yenu chize ku tangwa lize mununyingika ngwenu, Malilu, o kakuyula.

Yona 1:9

Iye yaakumbulula ngwenyi, Nguli Ka-Hepreu. Nakuvwila woma Yehova, Zambi ya mwilu, yoze watangile kalunga-lwiji ni hashi homu.

Malaki 3:18

Henaho mba munuhandununa hakachi ka akwa ululi ni yingulungulu; hakachi ka mukwa kulingila Zambi ni yoze kamulingilile.

Mateu 18:12

Kuchi nunashinginyeka? Kachi umwe mutu mapwa ni kulakaji lia mapanga, mba umwe mapianguka, keshi kuhichika makumi livwa ni livwa, akaye ha milundu, akafupe yoze unapianguka, nyi?

Mateu 18:19

Cheka nawa ngunambe kuli yenu ngwami, Kachi aali a kuli yenu malikunda hano hashi ha kutwala ku chikuma chimwe chize munwita, kumakaalingilacho kuli Tata yoze uli mu malilu.

Yilinga 12:4

Ni muze te hamukwata, wamusele mu zuwo lia ususu, wamukunjikile ku mbunga jiwana ja maswalale amufunge; se wahalile kulutwe lia Chizomboka kumuneha haze kuli atu.

A-ROMA 15:30

Ngunaliumbu kuli yenu, mandumbu, mu jina lia Mwene wetu Yesu Kristu, ni ku zango lia Spiritu, nukalitachike hamwe ni yami mu yilemba yenu kuli Zambi,

2 Petulu 2:9

Mwene kananyingika kupulula akwa kuwayila ku cheseko, ni kufunga yihenge kushi lia lamba ndo ku tangwa lia upatwilo;

1 Samuel 17:37

David yamba nawa ngwenyi, Yehova yoze wangupulwile ku tachi ja ndumba ni ku tachi ja ursu mangupulula nawa ku tachi ja yono Ka-Filistea. Saulu yamba kuli David ngwenyi, Yako. Yehova mapwa hamwe ni yena.