Daniel 2:11 - MUKANDA USANDU WA ZAMBI 1975

¹¹ Chuma chino mwanangana kanafupu, chuma chikalu; niumwe mahasa kuchilweza kuli mwanangana ndo mazambi wika, waze katwamine hamwe ni atu a musunya.

Mukanda Wa Zambi 1970

¹¹ Chuma chino nwahula chili chikalu kuhiana; niumwe mahasa kuchilumbununa shina mazambi wika. Alioze ayo keeshi kutwama mukachi ka atu.”

Daniel 2:11 Iomraidhean Croise

Ubutukilo 41:39

Falau yamba kuli José ngwenyi, Se Zambi hakulweza yino yuma yeswe niumwe mukwo wakuhi mapwa ni ukanyame ni mana ngwe yena.

Ubutukilo 41:8

Mu kwacha chimene mbunge yenyi yiyilipikala, yatuma kusanyika yimbanda eswe a mu Engitu, ni akwa mana eswe. Falau yaalweza chilota chenyi alioze niumwe kahashile kumulumbunwinacho wakuhi.

1 Yitanga Ya Mianangana 8:27

Alioze pundu, Zambi matwama hano hashi nyi? Chipwe lilu ni lilu lia malilu kuliakutele. Mba zuwo lino hinakutungila kuchi?

2 Sango Ja Mianangana 6:18

Alioze pundu, Zambi matwama ni atu hano hashi nyi? Chipwe lilu ni lilu lia malilu kuliakutele. Mba zuwo lino hinakutungila kuchi?

Miaso (Masamu) 132:14

Kuno kwene mukupwa uhwimino wami wa mutolo. Kuno kwene mungutwama, mumu kunachizanga.

Miaso (Masamu) 68:18

Ena hiwazezuka mwilu hiwatwala funge ku ufunge, hiwatambula yawana hakachi ka atu, ewa, chipwe hakachi ka akwa kukolema nawa hanga Yehova Zambi akatwame hakachi ko.

Kutuhuka 29:45

Kumungukatwama hakachi ka A-Izalele. Kumungukapwa Zambi yo.

Kutuhuka 8:19

Henaho ambile e yimbanda kuli Falau, ngwo, Acho we munwe wa Zambi. Mbunge ya Falau yakalile, kahalakanyine kuli ayo, ngwe ambile Yehova.

Izaya 47:12

Jikijila mu wanga we, ni umbanda we wunji uze watala nawo chize ku ukweze we. Hanji muhasa kukumba; hanji muhasa kuvwisa mwongo akwenu.

Izaya 57:15

Mumu mwe Chitunda mukwa kunangama, mukwa kutunga kuma kwa mutolo, jina lienyi Musandu, kanambe ngwenyi, Kunatwama kuma kwanangama, kusandu. Natwama nawa ni mukwa spiritu ya kuhia ni kulikehesa, hanga ngukahuzulule Spiritu ya mukwa kulikehesa ni kuhuzulula mbunge ya mukwa kuhia.

Izaya 8:18

Nyingikenu, yami ni ana aze Yehova hangwaha hi twapwa yilayi ni yinyingi mu Izalele ya kuli Yehova-wa-Tujita, yoze watwama ha mulundu wa Zaione.

Daniel 4:4

Yami Nabukanezore napwile mu zuwo liami kanawa lume; nawahililile ni milimo yami mu palasiu.

Daniel 5:11

Mwali mu wanangana we umwe lunga kali ni Spiritu ya mazambi asandu. Ha matangwa a tatenu, pangu, ni yinyingi, ni mana awanyine muli iye, ngwe mana a mazambi. Tatenu mwanangana Nabukanezore wamupwishile mukwa lutwe hakachi ka yimbanda, ni tahi, ni A-Kaletea, ni aprofeta,

Joele 3:21

Kumungukakala manyinga jo aze te chaakalile; mumu Yehova katwama mu Zaione.

Kwalula 35:34

Kanda nukachisa chifuchi nunatwamamo, mwenamo ni yami natwama. Mumu yami Yehova natwama mukachi ka A-Izalele.

Mateu 19:26

Yesu nikutala meso kuli ayo, wambile ngwenyi, Kuli atu kuchishi kuhasa; alioze kuli Zambi yuma yeswe muyihasa kupwa.

Yoano 1:14

Mba Liji walipwishile musunya, Watwamine hakachi ketu wa tò ni vumbi ni umwenemwene (twatalile uhenya wenyi, uhenya ngwe wa mwe Mwana wa wika wa kuli Tata).

Yoano 14:17

Iye Spiritu ya umwenemwene: mwenawo akwa hashi kahashile kumutambula; mumu keshi kumumona, chipwe keshi kumunyingika; alioze yenu nwakumunyingika; mumu katwama hamwe ni yenu, iye kumakapwa muli yenu.

Yoano 14:23

Yesu wamukumbulwile, ngwenyi, Kachi umwe manguzanga, kachi mafunga liji liami; ni mwe Tata makamuzanga, kumutukeza kuli iye, mutukatenga muma mwetu mwa kutwama hamwe nenyi.

2 Korintu 6:16

Kutayiza chika yikwete tembele ya Zambi ni mahamba? Mumu yetu tuli tembele ya Zambi ya mwono; nikulita ngwe Zambi wambile ngwenyi, Mungukatwama muli ayo, mungukenda hakachi ko, mungukapwa Zambi yo, o kumakapwa atu jami.

Usolwelo 21:3

Nevwile liji linene lia kukatuka mwilu ngwo, Talenu, zuwo lia Zambi lili hamwe ni atu, iye kumakatwama hamwe no, o makapwa atu jenyi, ni Zambi mwene makapwa hamwe no, Zambi yo.