Daniel 2:1 - MUKANDA USANDU WA ZAMBI 1975

¹ Ha mwaka wamuchiali wa kuyula cha Nabukanezore, mwe Nabukanezore watetele yilota; kashika Spiritu yenyi yilifwita, kahashile kuya tulo.

Mukanda Wa Zambi 1970

¹ Ha mwaka wa muchaali wa kuyula chenyi, mwanangana Nebukanezore yalota chilota. Yalibikala kuhiana, te kahashile kuya tulo.

Daniel 2:1 Iomraidhean Croise

Estere 6:1

Ha ufuku uze mwanangana wapwile ni chipundu. Yatuma amunehene mukanda wa kusoneka Sango mba yajitanga kuli mwanangana.

Jeremia 25:1

Liji lize liejile kuli Jeremia ha kutwala kuli A-Yunda eswe ha mwaka wamuchiwana wa Jehoakime mwana Josia mwanangana wa A-Yunda (achi chapwile mu mwaka utangu wa Nabukanezore mwanangana wa Babilonia).

Daniel 2:3

Mwanangana yamba kuli ayo ngwenyi, Nateta, Spiritu yami yinalifwichi ngukanyingike chilota chami.

Daniel 4:2

Ngunamono chipema ngunulweze yilayi ni yikomokeso yize Zambi Chitunda halinga kuli yami.

Daniel 4:5

Natetele chilota cha kungukolesa woma. Shimbu napombele ha muhela, manyonga ni usolwelo wa mutwe wami yangunehenene mwongo.

Daniel 5:9

Kashika mwanangana Beleshazare wevwile woma wunji; ku meso jenyi kwalumukine, ni alemu jenyi akakashanyine.

Daniel 6:18

Mba mwanangana yaya ku zuwo lienyi, yapalikisa ufuku weswe ni kulitwamina kulia; kamunehenene yisaji ya miaso; tulo kaamwene.

Daniel 7:1

Ha mwaka utangu wa Beleshazare mwanangana wa Babilonia, Daniel watetele chilota ni usolwelo wa mu mutwe wenyi shimbu te kanapombo ha muhela wenyi. Henaho wasonekene chilota chenyi ni kwambulula ulumbunwiso wa chikuma.

Daniel 7:15

Ha kutwala kuli yami Daniel, Spiritu yami muchima yalifwita, ni usolwelo wa mutwe wami wanguvwishile woma.