Daniel 12:9 - MUKANDA USANDU WA ZAMBI 1975

⁹ Aye yamba ngwenyi, Daniel, yako kwe, mumu wano maliji a kuyika ndo ku mwaka wa ku songo.

Mukanda Wa Zambi 1970

⁹ Yangukumbulula ngwenyi: “Daniel, Chakutamba kuya kwe, mumu yuma yino yili yakusweka ni yakuhengeka ndoo ni muze songo mulikeza.

Daniel 12:9 Iomraidhean Croise

Izaya 29:11

Usolwelo wa yuma yino yeswe hiwapwa kuli yenu ngwe maliji a mukanda umwe hanaujiki. Muze mauhana kuli umwe mukwa kutanga ngwo, Tanga, aye mamba ngwenyi, Chahashile mumu wa kujika.

Izaya 8:16

Kasa Shindakenyo; jika ni Chijikilo longeso lino hakachi ka tumbaji twami.

Daniel 10:14

Haliapwila hineza ngukulumbunwine yize muyikawana atu je ha matangwa a kusula. Mumu usolwelo watwala ku matangwa aze meza kwiza.

Daniel 11:40

Ha mwaka wa kusula mwanangana wa ku Sule makalitachika nenyi, alioze mwanangana wa ku Norte makeza kulimika nenyi ngwe chijimbi ni matemba-a-jita, ni akwa tuvwalu ni mato anji. Makanjila mu yifuchi ni kutanda ni kupalika ndusu.

Daniel 12:4

Alioze yena Daniel, yika maliji wano, jika we mukanda, ndo ku mwaka wa ku songo. Anji muzombokela kweka ni kweka; mokesa yinyingi.

Daniel 12:8

Ami nevwile, hindu kuchangulumbunukine, kashika nambile ngwami, Mwene wami, songo lia yuma yino kuchi mulipwa?

Daniel 8:26

Usolwelo wa matangwa, uno hiwevwa, wamwenemwene, alioze jika ni Chijikilo, mumu watwala ku matangwa a kulutwe kusuku.

Usolwelo 10:4

Muze kukulunguza shimbiali chahanjikile, nambile kusoneka, nevwile liji lia kukatuka mwilu, ngwo, Jika ni Chijikilo yuma yize kukulunguza shimbiali hahanjika, kanda uyisoneka.