Daniel 12:7 - MUKANDA USANDU WA ZAMBI 1975

⁷ Nevwile lunga yoze wa mazalo a linyu, uli helu lia meya a lwiji, muze hazoza kwoko lienyi lia chindume ni kwoko lienyi lia chimeso kwilu, walishingile ni yoze watwama ni mwono ku miaka ya mutolo ngwenyi, Kumuchi kapwa ha mwaka, ni miaka yiali, ni chihanda cha mwaka. Muze hamana kumakwona tachi ja atu asandu, mba yuma yino yeswe muyihwa.

Mukanda Wa Zambi 1970

⁷ Kanganda ka mwilu yolola moko jenyi eswe aali mwilu, yalakenya ni jina lia Zambi wa miaka yeswe. Yingumwivwa nikwamba ngwenyi: “Chino muchikabwa ha miaka yitatu ni Chipinji. Muze yihungumiona ya atu ja Zambi muyikamanunuka, mba yuma yino yeswe muyikabwa.”

Daniel 12:7 Iomraidhean Croise

Jobe 27:2

Ni mwono wa Zambi yoze hachiza kusamba chami, Mukwa-Ndundo-Jeswe yoze hasashisa mbunge yami,

Izaya 62:12

Kumakaatongola ngwo, E atu asandu; likwo nawa ngwo, Kule ja Yehova. Makanutongola ngwo, A kufupa, lie limbo kalimbilile.

Jeremia 4:2

nyi munulishinga ngwenu, Ni mwono wa Yehova ni umwenemwene, ni kulita, ni ululi mba mavungu maliwahisa muli iye, ni muli iye nawa malisamba.

Ezekiel 20:5

wambe kuli ayo ngwe, Mwene Yehova kanambe ngwenyi, Ha tangwa lize natongwele Izalele nalishingile kuli ana ja munyachi wa Yakomba nikulisolola kuli ayo mu chifuchi cha Engitu. Nalishingile kuli ayo ngwami, Yami nguli Yehova Zambi yenu.

Daniel 10:5

yinguhetula meso jami kutala, kumanyi, umwe lunga kanazala mahina a linyu, mu zalilo yenyi yalijichika ni muya wa oru ya Ufaze.

Daniel 11:13

Mba mwanangana wa ku Norte makeza nawa; makasaho chihuji nawa chahiana chize chikwo; makeza ku songo lia miaka ni tujita anji ni yikwata yinji.

Daniel 12:6

Umwe wambile kuli lunga yoze unazala mahina a linyu, yoze te unamana helu lia meya a lwiji ngwenyi, Miaka yingahi ndo ku songo lia yikomokeso yino?

Daniel 12:8

Ami nevwile, hindu kuchangulumbunukine, kashika nambile ngwami, Mwene wami, songo lia yuma yino kuchi mulipwa?

Daniel 4:31

Shimbu te maliji achili mu kanwa lia mwanangana, kwejile liji lia mwilu ngwo, Mwanangana Nabukanezore! Kuli yena liji lino lineza ngwami, Wanangana hiwakukatuka,

Daniel 4:34

Ku songo Iia matangwa, yami Nabukanezore nahetwile meso jami kwilu, mba mana jami janguhilukile nawa. Nafumanyishine mwe Chitunda nikumuhalisa nikulemesa yoze watwama ni mwono ndo ku miaka yeswe ngwami, Mumu chiyulo chenyi chapwa cha mutolo, ni wanangana wenyi walinduluka chize ku chisemuko ndo ku chisemuko.

Daniel 7:21

Shimbu munguchitala, mbinga yino yasa jita ni asandu, ni kwakumba,

Daniel 7:25

Kumakahanjika maliji anene a kulimika ni mwe Chitunda, makapinjisa asandu ja mwe Chitunda. Makahala kwalumuka miaka ni shimbi, no makaakunjika kuli iye ndo ku mwaka, ni miaka yiali, ni chihanda cha mwaka.

Daniel 8:14

Aye yamba kuli iye ngwenyi, Ha tununu aali a matangwa ni kulakaji atatu a matangwa, mba zuwo lisandu malihilwisa chize chatamba kupwa.

Daniel 8:24

Tachi jenyi mujipwa jinji, alioze hi ja kuli iye mwene ko; kumakonwona cha kukomwesa; kumakawaha mu yize analingi; kumakonwona akwa ndundo, ni atu ja asandu.

Luka 21:14

chipatulenu kashika mu mbunge jenu kanda nukapukuna shimbu kanda chize manukumbulula.

Luka 21:24

Kumakafwa ku lutwilo wa katana, kumakaatwala funge ku mavungu eswe; ni Yerusaleme kumakayiliata kuli akwa mavungu, ndo miaka ya akwa mavungu muyikamanunuka.

Shimbi 26:19

Akanunangamise helu lia mavungu eswe waatangile iye, ni uhaliso, ni lufuma, ni ulemu, hanga nukapwe atu asandu a Yehova Zambi yenu, ngwe ambile iye.

Shimbi 32:36

Mumu Yehova makasambisa atu jenyi. Makavwila keke tuvumbi twenyi muze mamona tachi jo hijahwa mba niumwe wasala, apwe ndungo, apwe mwene.

Shimbi 32:40

Nakuzundula kwoko liami kwilu nikulishinga ngwami, Ni mwono wami wa mutolo.

Shimbi 7:6

Mumu yenu kunwapwa atu asandu kuli Yehova Zambi yenu. Yehova Zambi yenu hananutongola nukapwe atu a mbala a iye mwene, nuhiane mavungu eswe ali hashi heswe.

1 Petulu 2:9

Alioze yenu nuli akwa munyachi wa kutongola, asasendote a ku wanangana, enya chifuchi chisandu, amwe atu a kwapita Zambi mwene, hanga nukambujole che kuhiana cha yoze hananutambika nukakatuke ku milima ndo ku pangu lienyi lia kukomwesa:

Usolwelo 12:14

Alioze ahanyine kuli pwo mapulwa aali a pupa munene, hanga akahumuke ku puya kuma kwenyi kuze akumuhokela mwaka, ni miaka, ni chihanda cha hakachi cha mwaka, kanamusweke kuli kapela.

Usolwelo 12:6

Ni pwo wachinyinyine ku puya, kuze kuma akwete kwa kululika kuli Zambi, hanga akamuhokeleko kanunu ka matangwa ni kulakaji aali a matangwa, ni makumi asambano a matangwa.

Usolwelo 13:5

Iye amuhele kanwa lia kuhanjika yuma yinene ya kushililika; ni poko ya kulinga makumi awana a tukweji ni tukweji aali.

Usolwelo 4:10

makumi aali a makulwana ni makulwana awana mafulamana kumeso ja yoze mukwa mwono ndo ku miaka yeswe ya mutolo, mambila yipangula yo kulutwe lia ngunja, ngwo,

Usolwelo 4:9

Muze akwa mwono machichimieka, nikulemesa, nikusakwila yoze watwama ha ngunja, yoze mukwa mwono ndo ku miaka yeswe ya mutolo,