Daniel 12:6 - MUKANDA USANDU WA ZAMBI 1975

⁶ Umwe wambile kuli lunga yoze unazala mahina a linyu, yoze te unamana helu lia meya a lwiji ngwenyi, Miaka yingahi ndo ku songo lia yikomokeso yino?

Mukanda Wa Zambi 1970

⁶ Umwe wa kuli ayo yahula kanganda ka mwilu yoze unamana ku tunda ngwenyi: “Miaka yingahi yasala ko ndoo ku songo lia yuma yino?”

Daniel 12:6 Iomraidhean Croise

Miaso (Masamu) 74:9

Kutwamwene yilayi yetu. Kukushi nawa profeta niumwe. Niumwe keshiko hakachi ketu yoze manyingika muze mwaka muusula.

Ezekiel 9:2

Chocho malunga asambano yakatuka ku sali lia chikolo cha ku tunda chize chatalikisa ku Norte. Mweswe kali ni katana mu kwoko lienyi wa kuhana nenyi. Kwejile hamuwika no umwe lunga kanazala mahina a linyu, kali ni chipakumuna cha mukwa kusonyeka mu zalilo yenyi. O yanjila; yamanyina ku chilumbilo cha unengu ku lumbu.

Daniel 12:5

Mba yami Daniel natalile, kumanyi kwamanyine atu akwo aali, umwe ha mbumbulu ya lwiji sali lino, ni mukwo ha mbumbulu ya lwiji sali lize.

Daniel 12:8

Ami nevwile, hindu kuchangulumbunukine, kashika nambile ngwami, Mwene wami, songo lia yuma yino kuchi mulipwa?

Daniel 8:13

Mba nevwile umwe musandu kanahanjika, ni musandu mukwo kanambe kuli yoze waliangile kuhanjika ngwenyi, Usolwelo uno wa mulambu wa kulumba wa matangwa eswe, ni Utanguko wa kupwisa hululu, ni kuhana zuwo lisandu ni mbunga ayiliate, wa shimbu lika?

Daniel 8:16

Nevwile liji lia mutu hakachi ka mbumbulu ja Ulai, linatambika ngwo, Gabriele, lumbunwina yono lunga we usolwelo.

Mateu 24:3

Shimbu machitwama ha mulundu wa Olevwe, tumbaji twenyi ejile kuli iye ukawo, nikwamba ngwo, Twambulwile kama, mwiji muka yuma yino muyikapwa? Chilayi cha kuheta che chika, ni cha kumanunuka cha mwaka?

Marku 13:4

Twambulwile kama, mwiji muka yino yuma muyikapwa? Chilayi cha kumanunuka cha yino yuma kuchi muchipwa?

Efesu 3:10

hanga haliapwila akanyingikise mawanangana ni yiyulo mu malilu, ku chikungulwila, milali yeka ni yeka ya mana a Zambi.

1 Petulu 1:12

Aalwezele ngwe, hi kuli ayo ko, aiioze kuli yetu atuvumbikile ni yino yuma, yize haliapwila hananwambulwilayo ku makanwa ja akwa kwambujola, muli Spiritu Musandu kanatumiwa mwilu; yuma yize angelo kakwivwa usona kuhengulamo.

Usolwelo 15:6

Ni angelo shimbiali waze apwile ni lamba shimbiali atuhukile mu tembele, kanazala linyu lipema lia kutemuka, kanalijichika ha tulo ni miya ya oru.

Usolwelo 19:14

Ni mbunga ja maswalale jize jili mwilu, amukawile hali tuvwalu atoma, kanazala linyu, litoma lipema.

Usolwelo 6:10

O akololokele ni liji linene ngwo, Ndo mwiji muka, Mwata musandu wamwenemwene, yena kushi kupatula, kushi kukala manyinga jetu hali akwa hashi?