Daniel 12:4 - MUKANDA USANDU WA ZAMBI 1975

⁴ Alioze yena Daniel, yika maliji wano, jika we mukanda, ndo ku mwaka wa ku songo. Anji muzombokela kweka ni kweka; mokesa yinyingi.

Mukanda Wa Zambi 1970

⁴ Mwe kanganda yangwamba nawa ngwenyi: “Daniel, hibakika mukanda, uuse chinyingi ndoo ku songo lia hashi. Atu anji sali ni sali maakalitachika hanga akeseke kunyingika yuma yize chize yinapu.”

Daniel 12:4 Iomraidhean Croise

Izaya 11:9

Niumwe mavwisa yikola hanji kwonwona mweswe mu mulundu wami usandu; mumu hashi muhazala ni chinyingi cha Yehova ngwe meya akufuka kalunga-lwiji.

Izaya 29:11

Usolwelo wa yuma yino yeswe hiwapwa kuli yenu ngwe maliji a mukanda umwe hanaujiki. Muze mauhana kuli umwe mukwa kutanga ngwo, Tanga, aye mamba ngwenyi, Chahashile mumu wa kujika.

Izaya 30:26

Chikwo nawa pangu lia kakweji mulikapwa ngwe pangu lia tangwa, ni pangu lia tangwa mulikaliwezela tachi yisuho shimbiali, ngwe pangu lia matangwa shimbiali ha tangwa lize Yehova majichika chilonda cha atu jenyi ni kuwuka mbandu jize iye waatwile ni kwoko lienyi.

Izaya 32:3

Mba meso ja akwa kumona kechi kaajika, ni matwi ja akwa kwivwa makapalika.

Izaya 8:16

Kasa Shindakenyo; jika ni Chijikilo longeso lino hakachi ka tumbaji twami.

Jeremia 5:1

Zomboka mu matapalo ja Yerusaleme sali ni sali. Tala kanawa uzewule. Fupa mu malindalinda jenyi nyi muhasa kuwana lunga umuwika, yoze wakulinga chize chinalite, kakufupa umwenemwene; hanga ngukonekene chihunda.

Daniel 10:1

Ha mwaka wamuchitatu wa Siru mwanangana wa Persia, limwe liji alihanyine kuli Daniel yoze uli ni jina likwo Belteshazare. Liji lize liamwenemwene; ye jita yisuku. Aye yasa chinyingi lie liji; usolwelo wamulumbunuka.

Daniel 10:14

Haliapwila hineza ngukulumbunwine yize muyikawana atu je ha matangwa a kusula. Mumu usolwelo watwala ku matangwa aze meza kwiza.

Daniel 10:21

Alioze mungukulweza chize chinasonewa mu mukanda wa umwenemwene. Niumwe kakungukwasa kulitachika ni wano shina Mikele wika, mukwa kunuyula.

Daniel 11:33

Ni akwa mana hakachi ka atu makalongesa anji. Hindu makafwa ni katana, ni kahia, ni ufunge, ni kwapwisa ngwe upite wa jita, matangwa anji.

Daniel 11:40

Ha mwaka wa kusula mwanangana wa ku Sule makalitachika nenyi, alioze mwanangana wa ku Norte makeza kulimika nenyi ngwe chijimbi ni matemba-a-jita, ni akwa tuvwalu ni mato anji. Makanjila mu yifuchi ni kutanda ni kupalika ndusu.

Daniel 12:13

Alioze yena, yako kwe ndo mukukapwa songo; mumu kumukahwima, mba kumukamana kuma kwe ha songo lia matangwa.

Daniel 12:5

Mba yami Daniel natalile, kumanyi kwamanyine atu akwo aali, umwe ha mbumbulu ya lwiji sali lino, ni mukwo ha mbumbulu ya lwiji sali lize.

Daniel 12:9

Aye yamba ngwenyi, Daniel, yako kwe, mumu wano maliji a kuyika ndo ku mwaka wa ku songo.

Daniel 8:17

Chocho iye wakundamine kuze namanyine; mba ha kukundama, ami nevwile woma, nafulamanyine hashi. Alioze yamba kuli yami ngwenyi, Mwana mutu, nyingika ngwami, usolwelo uno watwala ku miaka ya ku songo.

Daniel 8:19

Yamba ngwenyi, Mungukulweza yize muyikapwa ha songo lia utenu, mumu chatwala ku miaka ya kufunjika ku songo.

Daniel 8:26

Usolwelo wa matangwa, uno hiwevwa, wamwenemwene, alioze jika ni Chijikilo, mumu watwala ku matangwa a kulutwe kusuku.

Mateu 24:14

Ni sango lino lipema lia wanangana kumakaliambujola mu yifuchi yeswe ya hashi mukupwa Shindakenyo ku mavungu eswe, ni hohene songo kumulikeza.

A-ROMA 10:18

Alioze ngunambe ngwami, Kevwileko, nyi? Chamwenemwene ngwo, Liji liayo liatuhukile hashi heswe, ni maliji jo ndo ku masongo ja yifuchi yeswe ya hashi.

Usolwelo 10:4

Muze kukulunguza shimbiali chahanjikile, nambile kusoneka, nevwile liji lia kukatuka mwilu, ngwo, Jika ni Chijikilo yuma yize kukulunguza shimbiali hahanjika, kanda uyisoneka.

Usolwelo 22:10

Iye yamba kuli yami ngwenyi, Kanda ujika ni Chijikilo maliji a uprofeto wa mukanda uno; mwaka uli hakamwihi.

Usolwelo 5:1

Namwene ha kwoko lia chindume lia yoze Watwamine ha ngunja mukanda unasonewa muchima ni hanyima, wa kujika chikolo ni yijikilo shimbiali.