Daniel 12:3 - MUKANDA USANDU WA ZAMBI 1975

³ Waze ali ni mana kumakapanguka ngwe pangu lia mwilu. Waze matewulwila anji ku ululi makapanguka ngwe matongonoshi ndo ku miaka yeswe ya mutolo.

Mukanda Wa Zambi 1970

³ Akwa lutwe a mana kumaakapanguka ngwe pangu lia mwilu. Atu waze haanalongesa atu anji kulinga yuma ya ululi maakapanguka ngwe matongonoshi ndoo ku miaka yeswe.”

Daniel 12:3 Iomraidhean Croise

Kutuhuka 34:35

A-Izalele amwene meso ja Mose ngwo, Chikowa cha ku meso ja Mose chinatemuka, mba Mose yalifuka ni wanda nawa ndo anjilile mukuhanjika nenyi.

Yishima 11:30

Mihuko ya akwa ululi yapwa ngwe mutondo wa mwono; ni mukwa mana kakukoka mbunge ja atu.

Yishima 3:35

Akwa mana kumakatunga ulemu, alioze kuli yihepuke sonyi mujipwa kufumbuka cho.

Yishima 4:18

Alioze jila ya mukwa ululi yapwa ngwe kutemuka cha kucha; chakuliwezela tachi ndo tangwa ha muchima.

Longeshi 12:9

Chilumbununyi wapwile mukwa mana, alioze chikwo nawa walongesele mana kuli e atu, nikupezalisa, ni kulilongesa, ni kululika yishima ni malinjekela anji.

Izaya 53:11

Kumakamona mihuko ya lamba lienyi lia mbunge, mba kumakayuka. Kavumbi kami, mwe mukwa ululi, kumakasambisa anji ni chinyingi chenyi. Iye kumakalitwika uhenge wo.

Jeremia 23:22

Alioze nyi kachi apwile mu punga yami, kachi alumbunwine maliji jami kuli atu jami, kachi aatembwile ku jila yo yipi ni ku wupi wa yilinga yo.

Daniel 11:33

Ni akwa mana hakachi ka atu makalongesa anji. Hindu makafwa ni katana, ni kahia, ni ufunge, ni kwapwisa ngwe upite wa jita, matangwa anji.

Daniel 11:35

Amwe akwa mana makalimbuka hanga akaeseke nikwapemesa ni kwatomesa chipwe ndo ku mwaka wa kusula. Hindu che chuma muchitwaminyina mwaka wa kufunjika.

Daniel 12:10

Anji malipemesa, ni kulitomesa, ni kulieseka; alioze yingulungulu malinga ungulungulu; mba yino yuma kuyichi kulumbunuka kuli niumwe chingulungulu. Alioze muyilumbunuka kuli waze ali ni mana.

Mateu 13:43

Hohene akwa ululi kumakatemuka ngwe tangwa mu wanangana wa Tato. Yoze uli ni matwi a kwivwa, evwe.

Mateu 19:28

Yesu ngwenyi, Pundu ngwami, Yenu hinunangukaula, ha kupwisa chaha cha yuma yeswe, muze mwe Mwana Mutu makatwama ha ngunja yenyi ya uhenya, ni venu nawa kumunukatwama ha kumi lia ngunja ni ngunja jiali, nikupatwila kumi lia mavungu ni mavungu aali a Izalele.

Mateu 24:45

Iya kevwe ndungo wamwenemwene, wa kukanyama, yoze mwene wenyi hamwaha chiyulo cha akwa zuwo lienyi, mukuhana kuli ayo kulia ha mwaka wacho?

Yoano 4:36

Yoze macha matambula fweto, iye mahela mihuko ya kutwala ku mwono wa mutolo; hanga ni yoze makuwa ni yoze macha akawahilile hamuwika.

Yoano 5:35

Iye wapwile ndaya ya kuyila, ya kupanguka; ni yenu nwapalile ha shimbu kulikwiza mu pangu lienyi.

Yilinga 13:1

Achi, kwapwile mu Andiakia, mu chikungulwila chize chapwileko, aprofeta ni alongeshi, Mbarnavwe, ni Semone, yoze uli ni jina likwo ngwo, Naijere, ni Luseu Ka-Sairene, ni Manaene, yoze amulelele hamwe ni nguvulu Heronde, ni Saulu.

1 Korintu 3:10

Nikulita ni vumbi lia Zambi lize anguhele, ngwe chilangaji wa lutwe wa mana, yami nasele fundamentu, mukwo matungaho. Alioze mutu ni mutu akakanyame ngwe chize matungaho.

Efesu 4:11

Iye hanahana amwe apostolo; ni amwe aprofeta; ni amwe akwa kwambujola; ni amwe tulayi ni alongeshi;

Hebreu 5:12

Mumu muze te ha mukunda wa miaka Chanutamba kupwa alongeshi, chinatambe umwe kunulongesa uputukilo wa maliji a Zambi; hinwapwa waze chaatamba kutambula yamwa, hi kulia cha tachi ko.

2 Petulu 3:15

Nyongenu uhomboloji wa Mwene kupwa ulamwino; nikulita ngwe Paulu nawa, ndumbwetu wa zango, nikulita ni mana aze hanamwehe hanasoneka kuli yenu;

Usolwelo 1:20

Chijimbikilo cha matongonoshi shimbiali waze hiwamona ha kwoko liami lia chindume, ni yikwachilo shimbiali ya ndeya ya oru ngwami, Matongonoshi shimbiali, angelo ja yikungulwila shimbiali; ni yikwachilo shimbiali ya ndeya, yikungulwila shimbiali.

Akwa Kuyula 5:31

Yehova, chocho akafwe akwa kole je eswe. Alioze masepa je akapwe ngwe tangwa muze mulivumbuka ni tachi jalio. Mba chifuchi chahwimine makumi awana a miaka.