Daniel 12:13 - MUKANDA USANDU WA ZAMBI 1975

¹³ Alioze yena, yako kwe ndo mukukapwa songo; mumu kumukahwima, mba kumukamana kuma kwe ha songo lia matangwa.

Mukanda Wa Zambi 1970

¹³ “Yena Daniel, bwako mukwa kushishika ndoo ku songo. Hohene muukafwa, alioze muukahinduka ni kutambula fweto ye ku songo lia matangwa.”

Daniel 12:13 Iomraidhean Croise

Miaso (Masamu) 1:5

Kashika yingulungulu keshi kumana mu upatwilo, chipwe yivulumunyi keshi kumana mu chikungulwila cha akwa ululi.

Miaso (Masamu) 16:5

Yehova iye chihanda chami cha chihinga ni cha musenge wami. Yena kuwakufunga chihanda chami.

Miaso (Masamu) 16:9

Kashika mbunge yami kuyinevu chiseke, ni ulemu wami kuunawahilila. Musunya wami nawa muutwama ni Ufulielo ngú.

Kutuhuka 33:14

Yehova yamba ngwenyi, Yami mwene mungukapwa hamwe ni yena. Kumungukakuhwimisa.

Daniel 12:3

Waze ali ni mana kumakapanguka ngwe pangu lia mwilu. Waze matewulwila anji ku ululi makapanguka ngwe matongonoshi ndo ku miaka yeswe ya mutolo.

Daniel 12:4

Alioze yena Daniel, yika maliji wano, jika we mukanda, ndo ku mwaka wa ku songo. Anji muzombokela kweka ni kweka; mokesa yinyingi.

Zakaria 3:7

Yehova-wa-Tujita kanambe ngwenyi, Nyi muwenda mu majila jami, nikufunga shimbi jami, mukayilia zuwo liami, nikufunga maze jami, ni yami mungukwaha poko ya kunjila hakachi ka wano anamana kuno.

Mateu 19:28

Yesu ngwenyi, Pundu ngwami, Yenu hinunangukaula, ha kupwisa chaha cha yuma yeswe, muze mwe Mwana Mutu makatwama ha ngunja yenyi ya uhenya, ni venu nawa kumunukatwama ha kumi lia ngunja ni ngunja jiali, nikupatwila kumi lia mavungu ni mavungu aali a Izalele.

Luka 21:36

Alioze lenu ha shimbu lieswe, nikuliumba, hanga nukakumbe, nupuluke ku yino yuma yeswe kumuyikapwa, nukamane kumeso ja mwe Mwana Mutu.

2 Korintu 5:1

Mumu tunanyingika kachi zuwo lietu lia hano hashi, mbalaka yino, mulijindwoka, zuwo tuli nalio lia kuli Zambi, zuwo kalitungile ni moko, lia mutolo mu malilu:

2 A-TESALONIKA 1:7

ni kuli yenu, kananupinjisa, munukahwima hamwe ni yetu, ha usolwelo wa Mwene Yesu mwilu hamwe ni angelo ja tachi jenyi,

Usolwelo 14:13

Mba nevwile liji lia kukatuka mwilu ngwo, Soneka ngwe, Kawaha afu aze akufwa muli Mwene, chize ku haliapwila ndo kulutwe: ewa, chocho anambe Spiritu ngwenyi, hanga akahwime ku yikilikita yo; mumu yitanga yo kuyakukaula hamwe no.