Daniel 12:11 - MUKANDA USANDU WA ZAMBI 1975

¹¹ Chize ku tangwa lize makachiza mulambu wa kulumba wa matangwa eswe, ni kumika cha chizelwokeso cha kwenyeka, kumukukapwa kanunu ka matangwa ni kulakaji aali a matangwa ni makumi livwa a matangwa.

Mukanda Wa Zambi 1970

¹¹ “Chize ku tangwa lia kukanjisa milambu ya tangwa ha tangwa, kafwa ngwe, chize ku tangwa lia kusoloka cha Chipupu cha Kuvwisa Woma kumukukabwa matangwa 1,290.

Daniel 12:11 Iomraidhean Croise

Kutuhuka 29:38

Chuma mulambwila ha chilumbilo chino, ana a mapanga aali a mwaka Umuwika, kwalambula tangwa ha tangwa, matangwa eswe.

Ezekiel 4:6

Muze hiwamana wano mukapomba chisuho chamuchiali ha pachi ja chindume Ukambate uhenge wa munyachi wa Yunda. Ngunakusela makumi awana a matangwa; ha mwaka, tangwa limuwika; ha mwaka, tangwa limuwika.

Daniel 1:12

Nutweseke yetu tuvumbi twenu kumi lia matangwa ni kutwaha yilimalima ha kulia chetu ni meya ha kunwa chetu.

Daniel 11:31

Maswalale a kuli iye makasoloka; makajilula zuwo lisandu ni zuwo lia mbonge; makachiza mulambu wa kulumba wa matangwa eswe, mba makamika chizelwokeso cha kwenyeka.

Daniel 7:25

Kumakahanjika maliji anene a kulimika ni mwe Chitunda, makapinjisa asandu ja mwe Chitunda. Makahala kwalumuka miaka ni shimbi, no makaakunjika kuli iye ndo ku mwaka, ni miaka yiali, ni chihanda cha mwaka.

Daniel 8:26

Usolwelo wa matangwa, uno hiwevwa, wamwenemwene, alioze jika ni Chijikilo, mumu watwala ku matangwa a kulutwe kusuku.

Daniel 9:27

Iye makakolesa usendo ni e anji ha semana yimuwika, alioze hakachi ka semana masulisa yitapo ni milambu. Ha mapulwa ja yizelwokeso kumukeza umwe mukwa kwenyeka, ndo mazukwila hali mwe chenyeke songo lize hanamufunjikila.

Hosea 3:4

Mumu A-Izalele makatwama matangwa anji keshi mwanangana hanji mukwa kuyula; keshi chitapo hanji nguji; keshi efode hanji terafimi.

Mateu 24:15

Kashika muze munumona chizelwokeso cha kwenyeka chize achihanjikile ku kanwa lia profeta Daniel, kanamana muma musandu (yoze matanga akase chinyingi).

Marku 13:14

Alioze muze munumona chizelwokeso cha kwenyeka chinamana kuze kuchatambile kumana (yoze matanga, akase chinyingi), hohene waze mapwa mu Yundeya, akachinyine ku milundu:

Usolwelo 11:2

Alioze yize, yize yili haze lia tembele, hichika, kanda uyeseka; mumu hanayihana kuli akwa mavungu: ni limbo lisandu kumakaliliata kushi lia yiliato makumi awana a tukweji ni tukweji aali.

Usolwelo 12:6

Ni pwo wachinyinyine ku puya, kuze kuma akwete kwa kululika kuli Zambi, hanga akamuhokeleko kanunu ka matangwa ni kulakaji aali a matangwa, ni makumi asambano a matangwa.

Usolwelo 13:5

Iye amuhele kanwa lia kuhanjika yuma yinene ya kushililika; ni poko ya kulinga makumi awana a tukweji ni tukweji aali.