Daniel 12:10 - MUKANDA USANDU WA ZAMBI 1975

¹⁰ Anji malipemesa, ni kulitomesa, ni kulieseka; alioze yingulungulu malinga ungulungulu; mba yino yuma kuyichi kulumbunuka kuli niumwe chingulungulu. Alioze muyilumbunuka kuli waze ali ni mana.

Mukanda Wa Zambi 1970

¹⁰ Atu anji maakalibemesa. Yingulungulu keechi kevwa ulumbunwiso wacho, alioze maakanyongonona nikulinga ungulungulu wo; shina lume akwa mana e maakevwa ulumbunwiso wacho.

Daniel 12:10 Iomraidhean Croise

Miaso (Masamu) 107:43

Mweswe kali ni mana manyonga yuma yino, makazewula utu wa zango lia Yehova.

Miaso (Masamu) 51:7

Ngupemese ni hisope mba mungupema. Ngusanyise mba mungutoma kuhiana neve.

Yishima 1:5

Mukwa mana nawa kumevwa mba maweza ku yinyingi yenyi ni mukwa malinjekela maliwezela ulangaji,

Izaya 1:18

Yehova kanambe ngwenyi, Tweyenu tulishimwinye hamuwika. Chipwe milonga yenu yachila nge, kumuyipwa yitoma ngwe neve. Chipwe yahiana kuchila, muyalumuka ngwe wanda utoma.

Ezekiel 36:25

Mungukanusapwila meya apema mba munukapema ku luchisa wenu mweswe. Mungukanupemesa ku mahamba jenu eswe.

Ezekiel 47:11

Alioze matenga jako ni yitende yako kuyichi kwalumuka yiyema; muyikasala ya mungwa.

Daniel 11:33

Ni akwa mana hakachi ka atu makalongesa anji. Hindu makafwa ni katana, ni kahia, ni ufunge, ni kwapwisa ngwe upite wa jita, matangwa anji.

Daniel 11:35

Amwe akwa mana makalimbuka hanga akaeseke nikwapemesa ni kwatomesa chipwe ndo ku mwaka wa kusula. Hindu che chuma muchitwaminyina mwaka wa kufunjika.

Daniel 12:3

Waze ali ni mana kumakapanguka ngwe pangu lia mwilu. Waze matewulwila anji ku ululi makapanguka ngwe matongonoshi ndo ku miaka yeswe ya mutolo.

Hosea 14:9

Mweswe uli ni mana akase chinyingi yino yuma. Mweswe kali ni meso yikamulumbunuke; mumu majila ja Yehova kanapeme kashika akwa ululi kakwendelamo; alioze yitanguke malimbukilamo.

Zakaria 13:9

Mba chino chihanda chamuchitatu mungukachisa mu kahia nikwapemesa chize atu kakupemesa prata. Mungukaeseka ngwe akweseka oru. Kumakatambika ha jina liami, mba mungukaakumbulula. Mungukamba ngwami, O atu jami. O makamba ngwo, Yehova iye Zambi yami.

Malaki 3:3

Iye makatwama ngwe mukwa kuwahisa ni kupemesa prata. Makapemesa ana ja Levi, nikwawahisa ngwe oru ni prata ndo maneha milambu yize yinalite kuli Yehova.

Marku 4:11

Iye wambile kuli ayo ngwenyi, Hananwehecho kunyingika chijimbikilo cha wanangana wa Zambi: alioze kuli waze ali haze, yuma yeswe kakuyilinga ni yishima:

Luka 24:25

Iye wambile kuli ayo ngwenyi, Yenu yelo, ni akwa makoke ku mbunge kufuliela yuma yize yeswe aprofeta ahanjikile.

Yoano 18:37

Pilatu kashika wambile kuli iye ngwenyi, Mba yena uli mwanangana, nyi? Yesu wakumbulwile ngwenyi, Yena unachambe ngwe, Uli mwanangana. Ha chino nasemukine, ni ha chino hinguneza hano hashi, hanga ngukashindakenye ha umwenemwene. Mweswe wa ku umwenemwene mevwa liji liami.

Yoano 7:17

Kachi umwe mapala kulinga upale wenyi, kachi makanyingika ha kutwala ku longeso, shina lia kuli Zambi, shina nakuhanjika cha kuli yami mwene.

Yoano 8:47

Yoze wa kuli Zambi kakwivwavwa maliji a Zambi: ha chikuma chino yenu kunushi kwevwa, mumu hi nuli akwa Zambi ko.

1 Korintu 6:11

Ngwe wano amwe a kuli yenu nwapwile: alioze hananusanyisa, alioze hananusela ku usandu, alioze hananusambisa mu jina lia Mwene Yesu Kristu, muli Spiritu ya Zambi yetu.

2 Korintu 7:1

Kashika se yilakenyo yino tuli nayo, akwetu a zango, tulipemesenu ku luchisa mweswe wa musunya ni Spiritu, tukamanunune usandu mu woma wa Zambi.

Titu 2:14

yoze waliechele hali yetu, hanga akatukule ku uhenge weswe, hanga akapemese kuli iye mwene atu a kwapita mwene, a kukaula ni mbunge yeswe yitanga yipema.

Hebreu 12:10

Mumu o chamwenemwene, atulambile ha kutufumba ha matangwa akehe nikulita ngwe chaawahilile, aiioze iye hanga tukafumbuke, hanga tukaliangane ha usandu wenyi.

1 Petulu 1:22

Se hinunatomesa mbunge jenu ha kwononoka chenu ku umwenemwene, hanga nukafwile mandumbu ni kufwila chize kuchishi ulembekese, lizangenu umwe mukwo ni mukwo ku mbunge yipema ni mbunge yeswe.

1 Petulu 1:7

hanga kweseka cha Ufulielo wenu, ulemu wahiana chikolo oru yize ya kutoka, chipwe mayeseka ni kahia, akauwane wa uhaliso ni uhenya ni ulemu ha usolwelo wa Yesu Kristu:

1 Yoano 5:20

Tunanyingika mwe Mwana Zambi haneza, iye hanatwehe malinjekela, hanga tukanyingike yoze wamwenemwene; te muli Mwanenyi Yesu Kristu, iye mwe Zambi wamwenemwene ni we mwono wa mutolo.

Usolwelo 16:11

O ashililikile Zambi wa mwilu mumu ha yikola yo ni yilonda yo, hindu kalikonyekeneko ha yitanga yo.

Usolwelo 19:14

Ni mbunga ja maswalale jize jili mwilu, amukawile hali tuvwalu atoma, kanazala linyu, litoma lipema.

Usolwelo 19:8

Mba amuhelecho azale linyu lia kutemuka, lipema; mumu hina lia linyu lipema, ye yitanga ya ululi ya asandu.

Usolwelo 22:11

Ngwami, Yoze wakulinga uhenge, akalinge uhenge nawa; ni mukwa majilo, akalipwise mukwa majilo nawa; ni mukwa ululi, akalinge ululi nawa; ni musandu, akapwe musandu nawa.

Usolwelo 3:18

Ngunakwehe mana ngwami, Ulande kuli yami oru ya kusaya ku kahia, hanga ukapwe pichi, ni mahina atoma hanga uzale, hanga sonyi ja uselesele we kujichi kusoloka; ni yitumbo ya meso ya kukwita meso je, hanga umone.

1 Samuel 24:13

Ngwe chishima cha makulwana ngwo, Muli chingulungulu mwatuhuka ungulungulu. Alioze kwoko liami kulichi kulimika ni yenu.