Daniel 12:1 - MUKANDA USANDU WA ZAMBI 1975

¹ Ha mwaka uze Mikele, mwe mukwa kuyula munene yoze wakufunga ana ja atu je, makamana; kumukukapwa mwaka wa lamba limwe, kanda lisoloka chize ku uputukilo wa vungu lino ndo ku miaka yize. Ha mwaka uze atu je kumakaapulula, atu eswe aze makaawana a kusoneka mu mukanda.

Mukanda Wa Zambi 1970

¹ Kanganda ka mwilu yoze te unazala mahina atoma alefuna yamba ngwenyi: “Ha tangwa lize mwe Mikele, kanganda ka mwilu mukwa lutwe yoze wakufunga atu je, makasoloka. Ha matangwa waze lamba linji mulikabwa ko, lamba ngwe lize kanda libwa kama nilimwe tangwa chize kuze Zambi atangile atu hano hashi. Muze tangwa lize mulikeza, atu eswe a ku vungu lie waze anasonewa mu mukanda wa Zambi kumakaalamwina.

Daniel 12:1 Iomraidhean Croise

Miaso (Masamu) 56:8

Yena wakwalula kwendangana chami. Sako kama masoji jami mu mulangi we. Te mu mukanda we keshimo, nyi?

Miaso (Masamu) 69:28

Akajimuke ku mukanda wa mwono. Kanda aasoneka hamwe ni akwa ululi.

Izaya 4:3

Yoze malisalaho mu Zaione matwama mu Yerusaleme mamutongola ngwo, Musandu, te waze eswe hanaasonekena mwono mu Yerusaleme.

Izaya 9:7

Kutanda cha chiyulo chenyi ni cha sambukila kuchichi kusula, ha ngunja ya David ni ha wanangana wenyi kuukolesa ni kuujikijisa ni upatwilo ni ululi chize ku tangwa lize ni ndo ku miaka yeswe. Tachi ja Yehova-wa-Tujita mujilinga chino chuma.

Jeremia 30:10

Kashika Yehova kanambe ngwenyi, Kanda wivwa woma, yena Yakomba kavumbi kami, ni yena Izalele kanda ulishimwoka, mumu mungukakulamwina chipwe kusuku. Mungukalamwina ana je ku chifuchi cha ufunge wo. Yakomba makahiluka ni kuhola ni kuhwima, niumwe mamukolesa woma.

Jeremia 30:7

Lwangu! Mumu lie tangwa lino lialema naye kukushi likwo lia kulifwa. Liapwa tangwa lia lamba kuli Yakomba; hindu makaalamwina ku lamba lino.

Ezekiel 13:9

Kwoko liami mulikalimika ni aprofeta aze akumona usolwelo wa kulionga ni waze akutaha ni mahuza. Kechi katwama mu punga ya atu jami; kechi kaasoneka mu mukanda wa munyachi wa A-Izalele, chipwe kunjila mu chifuchi cha A-Izalele; mba munukanyingika yami nguli Mwene Yehova.

Ezekiel 34:24

Ni yami Yehova mungukapwa Zambi yo, ni kavumbi kami David makapwa mwe mulemu hakachi ko. Yami Yehova hinachamba.

Ezekiel 5:9

Ha mukunda wa yitanga yenu ya lwaji mungulinga ni yenu chize kanda nguchilinga, ni chichi kalinga chuma chipwa haha nawa nilimwe tangwa.

Daniel 10:13

Mukwa kuyula wanangana wa Persia yalimika ni yami makumi aali a matangwa ni tangwa limuwika, alioze Mikele umwe wa akwa lutwe hakachi ka akwa kuyula yeza, yangukwasa, mba yingusalako ni mukwa kuyula wanangana wa Persia.

Daniel 10:21

Alioze mungukulweza chize chinasonewa mu mukanda wa umwenemwene. Niumwe kakungukwasa kulitachika ni wano shina Mikele wika, mukwa kunuyula.

Daniel 11:45

Makajika mbalaka ja palasiu yenyi hakachi ka kalunga-lwiji ni mulundu usandu wa uhenya. Hindu kumakaheta kwe ku songo lienyi, ni yoze mamukwasa wakuhi.

Daniel 7:10

Muhwiji wa kahia wavwelwokele ni kutuhuka kumeso jenyi. Kanunu ka tununu amuvumbikile, ni kumi lia tununu twa yisuho ya kumi lia tununu amanyine kumeso jenyi. Punga ya sopi yatwama kusopa, apakwile mikanda.

Daniel 9:12

Iye hakolesa maliji jenyi aze ahanjikile kulimika ni yetu ni waze atuyulile ha kukokela hali yetu kuji-ni-tomo linene; mumu mushi lia lilu lieswe kanda musoloka chimwe cha kulifwa ni chino halinga ku Yerusaleme.

Joele 2:2

Tangwa lia milima ni kulendama; tangwa lia malelwa ni milima pwi. Atu anene, a tachi aneza ngwe milima ha milundu. Kanda amoneka akwo a kulifwa no, chipwe kulutwe kechi kamoneka, chipwe ku miaka ya yisemuko yinji.

Malaki 3:16

Henaho waze evwilile woma Yehova ahanjikile kanji umwe kuli mukwo ni mukwo; ni Yehova waapanjikile, wavwile, mba yasoneka mukanda wa kwiwuluka kumeso jenyi wa waze evwilile woma Yehova, nikunyonga ha jina lienyi.

Mateu 24:21

mumu hohene kumukukapwa luyinda munene, ngwe kanda hamoneka hano hashi chize ku uputukilo wa hashi ndo haliapwila, chipwe kechi kapwa nawa.

Marku 13:19

Mumu ha matangwa aze kumukukapwa luyinda, yoze kukwapwile umwe wa kulifwa nenyi chize ku uputukilo wa kutanga chize atangile Zambi ndo haliapwila, mba kechi kapwa nawa.

Luka 10:20

Hindu kanda nukawahilila ha chino ngwe maspiritu kakunuzeyela; alioze Shinaho wahililenu mumu majina jenu kanasonewa mwilu.

A-ROMA 11:15

Mumu kachi kumbila cha ayo chinapu uwanyino wa akwa hashi, kuchi muchipwa kutambula cha ayo, hi mwono ko hakachi ka afu, nyi?

A-ROMA 11:26

chocho makalamwina A-Izalele eswe; ngwe chinasonewa ngwo, Mukwa kupulula kumakakatuka ku Zaione; iye kumakakatwisa utanganyanyi kuli akwa Yakomba;

Efesu 1:21

helu lia mawanangana eswe ni yiyulo yeswe, ni tachi jeswe, ni wene weswe, ni majina eswe waze anaavuluka hi ha mwakono wika ko, alioze ha uze muwizaho nawa.

Filipu 4:3

Ewa, ngunaliumbu kuli yena nawa, chikwashi-ni-mukwetu ngwami, Kwasa kama wano mapwo, mumu akilikichile hamwe ni yami mu sango lipema, ni Kelemente nawa, ni akwa milimo-ni-akwetu akwo, waze majina jo mwali mu mukanda wa mwono.

Yuda 1:9

Alioze Mikele mungelo mukwa lutwe, muze ahangulwile ni Ndiapu, wahamikine ha kutwala ku mujimba wa Mose, kahamukine kumukumika ni maliji a kutuka, aiioze wambile ngwenyi, Mwene akwámbile.

Usolwelo 1:5

ni ya kuli Yesu Kristu, mwe Chela wamwenemwene, mwe Mutangu kuhinduka hakachi ka afu, ni mwe mukwa kuyula hakachi ka mianangana ja hashi. Kuli yoze wakutuzanga, watutuswile ku milonga yetu mumu ha manyinga jenyi;

Usolwelo 12:7

Mba mwapile jita mwilu, Mikele ni angelo jenyi ashile jita ni ndragau; ni ndragau ni angelo jenyi ashile jita;

Usolwelo 13:8

Ni akwa hashi eswe kumakamuwayila, mweswe jina lienyi kuliasonewene chize ku kusela cha fundamentu yo hashi, mu mukanda wa mwono wa mwe Mwana-panga, yoze hanamushihi.

Usolwelo 17:14

Wano kumakasa jita ni mwe Mwana-panga, ni mwe Mwana-panga kumakaakumba, mumu iye Mwene wa ene, Mwanangana wa mianangana; ni waze ali hamwe nenyi, hanaatambika, aze hanaatongola, aze amwenemwene.

Usolwelo 20:12

Namwene afu, anene ni akepe, kanamana kulutwe lia ngunja; apakwile mikanda, mba apakwile mukanda ukwo, uze wa mwono: apatwilile afu ku yuma yize yasonewene mu mikanda, nikulita ni yitanga yo.

Usolwelo 20:15

Nyi kachi umwe kamuwanyine wa kusoneka mu mukanda wa mwono, amunyashine mu Chitende cha kahia.

Usolwelo 3:5

Yoze makumba, chocho kumamujika mazalo atoma. Chichi kajimuna nichimwe jina lienyi mu mukanda wa mwono, aiioze mungukatayiza jina lienyi kumeso ja Tata, ni kumeso ja angelo jenyi.

Usolwelo 7:14

Nambile kuli iye ngwami, Mwene wami, yena unanyingika. Iye wambile kuli yami ngwenyi, Waze anatuhuka mu luyinda munene, hanakoso mahina jo ja ngungu, hanaatomesa mu manyinga ja mwe Mwanapanga.