Daniel 11:8 - MUKANDA USANDU WA ZAMBI 1975

⁸ Makambata mazambi jo, ni tuponya two a kuzuzulula, ni yuma yo yipema ya prata ni oru; makayitwala ku Engitu. Mba ha miaka yimwe mecha mwanangana wa ku Norte.

Mukanda Wa Zambi 1970

⁸ Makabuba tuponya twa mazambi jo, ni yuma ya oru ni ya prata yize akunjikile kuli mazambi jo, ni kuyitwala ku Egiptu. Mba kulutwe lia yimwe miaka ya uhwimino,

Daniel 11:8 Iomraidhean Croise

Ubutukilo 31:30

Chikwo nawa, chipwe chakutamba kuya mumu usona wunji uli nawo wa zuwo lia tatenu, alioze kuchi te unakeya mahamba jami?

2 Samuel 5:21

A-Filistea yahichikako mahamba jo, mba David ni malunga jenyi yaambata.

Kutuhuka 12:12

Mumu te ha ufuku mungupalika ndusu chifuchi cha Engitu, mungulamba e tupula-majimo eswe mu chifuchi cha Engitu, ni kuli atu, ni kuli tushitu. Mungupatwila tuzambi tweswe twa Engitu. Yami Yehova.

Izaya 2:16

kulimika ni mato eswe a ku Tashi ni mato eswe apema.

Izaya 37:19

Hambila mazambi jo mu kahia, mumu o hi mazambi ko. O apwile a kutunga ni moko ja atu, a mitondo ni mawe, kashika haonwona.

Jeremia 46:25

Yehova-wa-Tujita, Zambi ya Izalele wambile ngwenyi, Ngunakoko kastigu hali Amone wa ku No, ni Falau, ni Engitu ni mazambi jako ni mianangana jako, ni hali Falau ni waze anamufuliela.

Daniel 10:3

Chalile yuma yipema; chipwe yifwo, chipwe vinyu, kuyanjilile mu kanwa liami, chipwe kulikwita maji ka, ha semana jitatu ja muwundu.

Daniel 11:9

Mwanangana wa ku Norte makanjila mu chifuchi cha mwanangana wa ku Sule, alioze makahiluka ku chifuchi chenyi mwene.

Hosea 13:15

Chipwe matatuka hakachi ka ayayo hindu fuji ya ku Chivumbuko muyiza, fuji ya kuli Yehova ni kukatuka ku puya. Mba shima lienyi muliuma; fuji lienyi lia meya mulipwa lia chau. Kumuyikahupa yuma yeswe yilemu ku zuwo lienyi lia kutulikila upite.

Hosea 8:6

Mu Izalele umwe chilangaji wamulingile alioze iye hi Zambi ko. Makafwenyona mwana-ngombe wa Samaria.

Kwalula 33:4

A-Engitu te machifunda tupula-majimo jo, aalambile Yehova hakachi ko. Yehova yalinga upatwilo nawa ku tuzambi two.

Shimbi 12:3

Nupuzule yilumbilo yo, nukapuzwole yipinji manguji jo, nwoche ni kahia Ashera jo, nupatule tuponya two twa kusonga twa tuzambi two, nujimiseko majina jo.

Akwa Kuyula 18:24

Iye yamba ngwenyi, Enu hinweya mazambi jami nalingile, ni mwe sasendote, hinwaya, mba yami yika yangusala? Kuchi nunambe ngwenu, Yika unevu?