Daniel 11:45 - MUKANDA USANDU WA ZAMBI 1975

⁴⁵ Makajika mbalaka ja palasiu yenyi hakachi ka kalunga-lwiji ni mulundu usandu wa uhenya. Hindu kumakaheta kwe ku songo lienyi, ni yoze mamukwasa wakuhi.

Mukanda Wa Zambi 1970

⁴⁵ Makajika mazuwo jenyi anene a makubu a wanangana mukachi ka mulundu haze haatungiwa zuwo lia Zambi ni kalunga lwiji. Alioze kumakafwa, kukuchi kabwa niumwe yoze makamukwasa.”

Daniel 11:45 Iomraidhean Croise

Miaso (Masamu) 48:2

Mulundu wa Zaione wapwa uwahililo wa hashi heswe wapema chikolo nikunangama, sali lia ku Norte, limbo lia mwanangana munene.

Izaya 10:12

Muze Mwene hamana milimo yenyi yeswe ha mulundu wa Zaione ni mu Yerusaleme kumakafwetesa kulisamba cha kulizata cha mwanangana wa Asuria ni kulengumuka chenyi cha kulifuza.

Izaya 11:9

Niumwe mavwisa yikola hanji kwonwona mweswe mu mulundu wami usandu; mumu hashi muhazala ni chinyingi cha Yehova ngwe meya akufuka kalunga-lwiji.

Izaya 14:13

Yiwamba mu mbunge ye ngwe, Mungukanduka ku malilu; mungusa ngunja yami helu lia matongonoshi a Zambi; mungutwama ha mulundu wa chikungulwila kuze kanda ku Norte.

Izaya 2:2

Muchiza kupwa ha matangwa a kusula mulundu wa zuwo lia Yehova maukolesa ukahiane milundu yeswe ha kusuha. Maunangamisa helu lia mindundena yeswe, mba mavungu eswe matalikisako.

Izaya 27:13

Ha tangwa lize mahumuna chitavwi chinene, ni waze anatoko mu chifuchi cha Asuria ni waze aahumine aye ku Engitu meza akawayile Yehova ha mulundu usandu ku Yerusaleme.

Izaya 65:25

Kangunga ni mwana-panga makalia hamuwika, ndumba makalia mwambu ngwe ngombe. Fufuta muyikapwa kulia cha lunoka. Kechi kavwisa yikola hanji kwenyeka mweswe mu mulundu wami usandu. Chocho kanambe Yehova.

Izaya 66:20

O kumakachiza usoko wenu hakachi ka mavungu akapwe mulambu kuli Yehova. Maaneha hali tuvwalu, ni mu matemba, ni mu manda, ni hali mula, ni hali tumelu, ndo ku mulundu wami usandu ku Yerusaleme, ngwe A-Izalele kakuneha mulambu wo wa wunga mu chikwachilo chipema ku zuwo lia Yehova. Chocho kanambe Yehova.

Ezekiel 39:2

kashika mungukakwalumuna, ni kukusenyesa kulutwe, ni kukuchiza ku songo lia ku Norte, ni kukukoka ulimike ni milundu ya Izalele.

Daniel 11:16

Alioze yoze makeza kulimika nenyi makalinga nikulita ni upale wenyi mwene; niumwe mahasa kujikiza kumeso jenyi. Makamana mu chifuchi cha uhenya; kwonwona muchikapwa mu kwoko lienyi.

Daniel 11:41

Makanjila nawa mu chifuchi cha uhenya, ni anji makaanunguna. Alioze wano makapuluka ku kwoko lienyi: Endome, ni Moape, ni akwa lutwe ja A-Amone.

Daniel 11:44

Alioze lusango wa ku Chivumbuko ni wa ku Norte makamuvwisa woma mba makaya ni ufwatulo unene akanongese nikwonwona liakulu anji.

Daniel 2:35

Henaho utale, ni uma, ni unengu, ni prata, ni oru, yeswe yafwenyokene hamuwika; yalumuka ngwe yizungu ya ha chizungwilo cha ha lwiza, mba fuji yiyiyihehula chocho kahashile kuwana chipwe kamwe kachinyingi kayo. Alioze liwe lize lialambile kaponya lialumukine lumulundu lunene; liazalishile hashi heswe.

Daniel 7:26

Alioze punga ya sopi matwama nikusopa, mba mamuchiza chiyulo chenyi akachinongese ni kuchonwona ndo ku songo.

Daniel 8:25

Ku maseliekela jenyi masenyesa kulutwe ukanyame mu moko jenyi, mba mu mbunge yenyi malilemesa. Monwona anji, mumu kanalifuliela ene, mba makakatukila Mukwa-Kuyula mianangana. Hindu kumakamakuka, hi ni kwoko lia mutu ko.

Daniel 9:16

Mwene, nikulita ni yitanga ye yeswe ya ululi, utenu we ni ufwatulo we ukakatuke ku chihunda che cha Yerusaleme, ku mulundu we usandu. Mumu ha mukunda wa milonga yetu ni uhenge wa tulamba twetu, Yerusaleme ni atu je hanalumuka kashilikilo hakachi ka waze eswe anatujingilika.

Daniel 9:20

Shimbu munguchihanjika nikulemba, nikushikisa shili yami ni shili ya atu jami A-Izalele, ni kuliumba kumeso ja Yehova Zambi yami mumu ha mulundu usandu wa Zambi yami;

Joele 2:20

Alioze munguchiza tujita twa ku Norte kusuku ni yenu nikwahumina ku chifuchi cha puya ya hululu. Mungusa maswalale jo a kulutwe ku kalunga-lwiji ku Chivumbuko, ni akwa kunyima ku kalunga-lwiji ku Chitokelo, ni kukupuka cho kumuchikafwinda ni vumba lio lipi kumulikafwinda mumu hanalingi yuma yinene.

Mika 4:2

Mavungu anji meza nikwamba ngwo, Tatuyenu, tukandukenu ku mulundu wa Yehova, ku zuwo lia Zambi ya Yakomba; atulongese ndako jenyi, tukendele mu majila jenyi; mumu mu Zaione mukukatuhukila shimbi; liji lia Yehova mulikatuhulcila ku Yerusaleme.

Zakaria 14:8

Ha tangwa lize meya a mwono makatuhukila mu Yerusaleme; chihanda cha ha muchima muchikatalikisa ku kalunga-lwiji wa ku Chivumbuko, chihanda cha ha muchima muchikatalikisa ku kalunga-lwiji wa ku Chitokelo. Makapalika ha lushiho ni ha lwiza.

Kwalula 34:5

Njiza yikalikoneke chize ku Azamone, ndo ku lwiji wa Engitu, kutuhuka chayo chikasulile ku kalunga-lwiji.

2 A-TESALONIKA 2:4

yoze malimika nikulinangamisa kwilu kulimika ni yize yeswe anayivuluka ngwo, Zambi, chipwe yize yeswe anayiwayila: chocho iye mwene matwama mu tembele ya Zambi, nikulilweza ngwenyi, Yami Zambi.

2 A-TESALONIKA 2:8

Hohene kumakasolola mwe chihulia, yoze Mwene Yesu makamulukisa ni mwiku wa mu kanwa lienyi; makamwenyeka ni kupanguka cha kuheta chenyi.

Usolwelo 13:10

Kachi umwe matwala ku ufunge, kachi makaya ku ufunge: kachi umwe mashiha ni katana, kachi chatamba kumushiha ni katana. Muno muchili che kunyongonona ni Ufulielo wa asandu.

Usolwelo 20:2

Iye wakwachile ndragau, mwe kapela wa shakulu, mwenawo Ndiapu kanda Satana, wamukashile kanunu ka miaka.

Usolwelo 20:9

O afutunukine ha kuzazuluka cha hashi, o ajingilikile chilombo cha asandu, ni limbo lize analizange chikolo: ni kahia kahulumukine ka kuli Zambi mwilu, kaalesele.