Daniel 11:4 - MUKANDA USANDU WA ZAMBI 1975

⁴ Mba muze hatatuka, wanangana wenyi maumakuna ni kuupangila ku mafuji awana a mwilu alioze hi kuli ana jenyi ko; ni kuyula kechi kayula nikulita ni chiyulo chenyi, mumu wanangana wenyi mautukula akauhane kuli akwo nawa helu lia wano.

Mukanda Wa Zambi 1970

⁴ Alioze muze makabwa ni tachi kuhiana, wanangana wenyi muukahandunuka mu yihanda yiwana. Mianangana waze hi a ku vungu lienyi ko maakamusalakana, alioze keechi kabwa ni tachi ngwe iye.

Daniel 11:4 Iomraidhean Croise

Miaso (Masamu) 39:6

Chamwenemwene atu eswe kakwenda mu kulinga chamokomoko; pundu kakupinda chamokomoko. Kakulumbika upite alioze kanyingikine yoze maukongolola.

Longeshi 4:8

Kwali umwe wa ukawenyi keshi ni mukwo. Keshi mwana, keshi yayo hindu kuhondangana chenyi cheswe kuchishi kuhwa, ni meso jenyi keshi kuyuka ni upite. Ngwenyi, Iya ngunahondanganyina nikuhonesa mbunge yami yuma yipema? Chino nawa chamokomoko; kukilikita cha yikatalo.

Jeremia 12:15

Alioze muchikapwa muze te hinaatukula munguhiluka, mungwavwila keke. Mungwaneha nawa mutu mweswe ku chihinga chenyi, mutu mweswe ku chifuchi chenyi.

Jeremia 12:17

Alioze nyi kapanjikile mba mungutukula vungu lize nikulitukula nikulionwona. Chocho kanambe Yehova.

Jeremia 18:7

Nyi tangwa heswaho mungwamba ha kutwala ku munyachi hanji wanangana umwe kuutukula, hanji kuupalwola, hanji kuwonwona,

Jeremia 31:40

Mungulunga weswe wa mijimba ya afu, ni we uto, ni minda yeswe ndo ku chitwetwe cha Kendrone, ndo ku mbango ya chikolo cha tuvwalu kutalikisa ku Chivumbuko, cheswe muchipwa chisandu kuli Yehova. Kechi kachitukula hanji kuchinunguna nawa ndo ku miaka.

Jeremia 45:4

Amba kuli iye ngwe, Yehova kanambe ngwenyi, Ngunapuzula chize natungile; ngunatukula chize natumbile—ngwami, Chifuchi cheswe.

Jeremia 49:36

Mungukokela hali A-Elame mafuji awana a ku mbango jiwana ja malilu, mba mungwamwangina ku mafuji aze eswe. Kukuchi kapwa limwe vungu kuze A-Elame a kuhanga kechi kachinyinako.

Ezekiel 37:9

Aye yamba kuli yami ngwenyi, Profeteza ku mwiku; profeteza, mwana mutu, wambe ku mwiku ngwe, Mwene Yehova kanambe ngwenyi, Tweya ku fuji jiwana, ena mwiku, ufuze hali wano haashiha, akatwame ni mwono.

Daniel 7:2

Daniel yamba ngwenyi, Namwene mu usolwelo wami ha ufuku, kumanyi fuji jiwana ja mwilu jinavundula kalunga-lwiji munene.

Daniel 7:6

Kulutwe natalile kumanyi mukwo ngwe changwi, kali ni mapulwa awana a kajila hanyima. Ngongo yono kali ni mitwe yiwana, yamwaha chiyulo chinene.

Daniel 7:8

Nazewile mbinga, mba kwasokele hakachi kajo mbinga yikwo, yikepe tuhu, alioze kumeso jayo mbinga jitatu jize jitangu jatukukile. Kumanyi mbinga yino yili ni meso ngwe mutu, ni kanwa lia kuhanjika yuma yinene.

Daniel 8:22

Ha kutwala ku mbinga yize yamakukine mba jikwo jiwana yijisalakana, chinalumbunuka mawanangana awana masalakana niwenyi, alioze kechi kapwa ni tachi jenyi.

Daniel 8:8

Mba kuji ya pembe yalitohesa kuhiana, alioze muze hapwa ni tachi, mbinga yenyi yinene yiyimakuka, mba yikusoka mbinga jiwana ja lufuma kusalakana ja kutalikisa ku fuji jiwana ja malilu.

Zakaria 2:6

Ivwenu! Ivwenu! Yehova kanambe ngwenyi, Chinenu chifuchi cha ku Norte. Mumu nanumwangine mwamwa ngwe fuji jiwana ja malilu. Chocho kanambe Yehova.

Zakaria 6:5

Mungelo yangukumbulula ngwenyi, Wano fuji jiwana ja malilu jize jakutuhuka muze te halikunjika kuli Mwene wa hashi heswe.

Mateu 12:25

Alioze Yesu ha kunyingika manyonga jo, wambile kuli ayo ngwenyi, Wanangana weswe munuhandununa wene kumakaupwisa uhululu; limbo lieswe hanji zuwo lieswe mulihandununa liene kulichi kukola.

Luka 12:20

Alioze Zambi ngwenyi, Chihepuke, ufuku uno kumatambula mwono we kuli yena; ni yuma yize hiunalulika, yaya muyipwa?

Usolwelo 7:1

Kulutwe lia chino, namwene angelo awana kanamana ku mbango jiwana ja hashi, kanakwata fuji jiwana ja hashi, hanga fuji niyimwe kuyichi kalamba hashi, chipwe ha kalunga-lwiji, chipwe ha mutondo umwe, ka.