Daniel 11:37 - MUKANDA USANDU WA ZAMBI 1975

³⁷ Kechi kalemesa mazambi ja tulamba twenyi, chipwe usolo wa mapwo, chipwe kulemesa zambi niumwe, mumu makalinangamisa helu lia yuma yeswe.

Mukanda Wa Zambi 1970

³⁷ Mwanangana kechi kalemesa zambi ya tushakulu twenyi, chibwe zambi yoze akuzanga mapwo. Kafwa ngwe, kechi kalemesa zambi niumwe, mumu makanyonga ngwenyi, ngunahiana ayo eswe.

Daniel 11:37 Iomraidhean Croise

Ubutukilo 3:16

Kuli pwo yamba ngwenyi, Mungwokesa chikolo chinyengo che ni kwaka che. Musema ana ni yikola; mbunge ye muyipwa kuli mukwenu-lunga, iye kumakakuyula.

Ubutukilo 3:5

mumu Zambi kananyingika ngwenyi, Ha tangwa lize munuliako meso jenu malaula, munupwa ngwe Zambi, nikunyingika chipema ni chipi.

Mwaso Ubema Wahiana 7:10

Nguli wa mbala wa mukwa zango liami, neye kakunguzanga.

Izaya 14:13

Yiwamba mu mbunge ye ngwe, Mungukanduka ku malilu; mungusa ngunja yami helu lia matongonoshi a Zambi; mungutwama ha mulundu wa chikungulwila kuze kanda ku Norte.

Izaya 14:14

Mungunyina helu lia manangamo a malelwa, mungulifwisa ni mwe Chitunda.

Ezekiel 24:16

Mwana mutu, nyingika kanawa ngunambe kukutambula susumuku chize meso je anawahilila nacho; alioze kanda ulishimwoka chipwe kulila, chipwe kutayiza masoji je kusotwoka.

Ezekiel 28:2

Mwana mutu, amba kuli mukwa kuyula Teru ngwe, Mwene Yehova kanambe ngwenyi, Mumu mbunge ye yinulengumuka hiwamba ngwe, Nguli umwe Zambi, ngunatwama ha chitwamo cha mazambi hakachi ka kalunga-lwiji; hindu uli mutu tuhu, hi uli zambi ko— chipwe unalimono ngwe mana je a umwe zambi.

Daniel 11:36

Mwe mwanangana makalinga nikulita ni upale wenyi mwene. Makalinangamisa, ni kulifuza helu lia mazambi eswe. Makahanjika yuma ya kukomwesa ya kulimika ni mwe Zambi wa mazambi. Kumakaya kulutwe ndo utenu hiwamanunuka; mumu chize hanafunjika kumuchikalingiwa.

Daniel 11:38

Alioze kusalakana yino yuma makalemesa zambi ya tachi ja jita; zambi umwe tulamba twenyi kamunyingikine aye kumakamulemesa ni oru, ni prata, ni mawe a ndando yilemu, ni yuma yipema.

Daniel 8:11

Yalitohesa chipwe ndo kuli Mukwa-Kuyula ye mbunga. Yamuchiza mulambu wa kulumba wa matangwa eswe, wapuzwile zuwo lienyi lisandu.

Shimbi 21:11

mba mumona hakachi ka funge umwe pwo chenge, unamuzange, unazange kumumbata,

Shimbi 5:21

Kanda ukavwila chipululu pwo lia mukwenu, chipwe kanda ukazanga zuwo lia mukwenu, chipwe munda wenyi, chipwe ngamba yenyi wa lunga, chipwe ngamba yenyi wa pwo, chipwe ngombe yenyi, chipwe chimbulu chenyi, chipwe chuma chimwe cha mukwenu.

2 A-TESALONIKA 2:4

yoze malimika nikulinangamisa kwilu kulimika ni yize yeswe anayivuluka ngwo, Zambi, chipwe yize yeswe anayiwayila: chocho iye mwene matwama mu tembele ya Zambi, nikulilweza ngwenyi, Yami Zambi.

1 Timoteu 4:3

Kakukanjisa kumbata, kakujilika kulia, chize Zambi hanatange hanga akwa kufuliela, waze akunyingika liakulu umwenemwene, akachitambule ni kusakwila.