Daniel 11:36 - MUKANDA USANDU WA ZAMBI 1975

³⁶ Mwe mwanangana makalinga nikulita ni upale wenyi mwene. Makalinangamisa, ni kulifuza helu lia mazambi eswe. Makahanjika yuma ya kukomwesa ya kulimika ni mwe Zambi wa mazambi. Kumakaya kulutwe ndo utenu hiwamanunuka; mumu chize hanafunjika kumuchikalingiwa.

Mukanda Wa Zambi 1970

³⁶ “Mwanangana wa ku Norde makalinga ngwe chize anazange. Makalichichimieka ngwenyi, ngunahiana mazambi eswe, kuhiana chibwe mwe Zambi Chitunda. Makachilinga ndoo ku tangwa lize Zambi makamumwesa lamba. Zambi makalinga nikulita ni chize hanalulika kulu.

Daniel 11:36 Iomraidhean Croise

Miaso (Masamu) 136:2

Sakwililenu mwe Zambi ya mazambi; mumu utu wa zango lienyi wa mutolo.

Miaso (Masamu) 33:10

Yehova kakupwisa yamokomoko yiyulo yeswe ya mavungu; manyonga eswe a atu kakwapwisa amokomoko.

Yishima 19:21

Kutaka chinji chili mu mbunge ya mutu; alioze yiyulo ya Yehova yenayo muyikakola.

Izaya 10:23

Mumu Mwene Yehova-wa-Tujita kumakamanununa lu hakachi ka hashi heswe ngwe hanakolesa shimbi.

Izaya 10:25

Mumu kashimbu kakepe ni ufwatulo wami muusula, ni utenu wami muutalikisa kwanongesa.

Izaya 10:5

Ena Asuria, mbwechi ya utenu wami, mbulo ya ufwatulo wami!

Izaya 14:13

Yiwamba mu mbunge ye ngwe, Mungukanduka ku malilu; mungusa ngunja yami helu lia matongonoshi a Zambi; mungutwama ha mulundu wa chikungulwila kuze kanda ku Norte.

Izaya 14:14

Mungunyina helu lia manangamo a malelwa, mungulifwisa ni mwe Chitunda.

Izaya 26:20

Tweyenu atu jami, njilenu mu yipatulo yenu, nukaliajilile mapito jenu. Swamenu kashimbu ndo ufwatulo hiwapalika.

Izaya 30:33

Mumu jiko hanalilulika kulu, hali mwe mwanangana hanalilulika; mulumba wacho kutoha ni kusuha ni kahia ni kunyi ja kulumbama. Mba mwiku wa Yehova muuliwika ngwe muhwiji wa fundanga.

Izaya 46:10

Nikulumbununa songo chize ku uputukilo. Chize ku shakulu nakulumbununa yuma kanda ayilinga, nikwamba ngwami, Upale wami muukakola, kumungukalinga chize nafunjikile.

Izaya 57:9

Wayile ku Moleke ni maji, Wokesele yitumbo ye ya lupembo mupema. Watumine mikeji je kusuku, watumine ndo ku Shiole.

Ezekiel 28:2

Mwana mutu, amba kuli mukwa kuyula Teru ngwe, Mwene Yehova kanambe ngwenyi, Mumu mbunge ye yinulengumuka hiwamba ngwe, Nguli umwe Zambi, ngunatwama ha chitwamo cha mazambi hakachi ka kalunga-lwiji; hindu uli mutu tuhu, hi uli zambi ko— chipwe unalimono ngwe mana je a umwe zambi.

Ezekiel 35:13

Enu nwalifujile kulimika ni yami ni makanwa jenu. Nwokesele maliji jenu kulimika ni yami, mba ami nachivwile.

Daniel 11:16

Alioze yoze makeza kulimika nenyi makalinga nikulita ni upale wenyi mwene; niumwe mahasa kujikiza kumeso jenyi. Makamana mu chifuchi cha uhenya; kwonwona muchikapwa mu kwoko lienyi.

Daniel 11:3

Henaho umwe mwanangana wa ndundo masoloka; aye mayula ni chiyulo chinene nikulinga cheswacho mapala.

Daniel 11:37

Kechi kalemesa mazambi ja tulamba twenyi, chipwe usolo wa mapwo, chipwe kulemesa zambi niumwe, mumu makalinangamisa helu lia yuma yeswe.

Daniel 12:7

Nevwile lunga yoze wa mazalo a linyu, uli helu lia meya a lwiji, muze hazoza kwoko lienyi lia chindume ni kwoko lienyi lia chimeso kwilu, walishingile ni yoze watwama ni mwono ku miaka ya mutolo ngwenyi, Kumuchi kapwa ha mwaka, ni miaka yiali, ni chihanda cha mwaka. Muze hamana kumakwona tachi ja atu asandu, mba yuma yino yeswe muyihwa.

Daniel 2:47

Mwanangana yamba kuli Daniel ngwenyi, Pundu, Zambi ye mwe Zambi ya mazambi, ni Mwene wa mianangana; kapwa nawa mukwa kujimbula yijimbikilo se yena hiwahasa kujimbula chijimbikilo chino.

Daniel 4:35

Akwa hashi eswe kapwa ngwe nichimwe; iye kakulinga upale wenyi hakachi ka akwa mwilu ni hakachi ka akwa hashi. Iya makwika kwoko lienyi, hanji mamwamba ngwenyi, Yika unalingi?

Daniel 5:19

mba ha unene uze hamwaha akwa mavungu eswe, ni minyachi yeswe, ni malimi eswe achikimine ni woma kumeso jenyi. Mweswe yazanga kushiha, yamushiha; mweswe yazanga kufunga ni mwono, yamufunga ni mwono. Mweswe yazanga kunangamisa, yamunangamisa; mweswe yazanga kununguna, yamununguna.

Daniel 5:20

Alioze muze mbunge yenyi yalizachile, ni Spiritu yenyi yakalile akende nikulengumuka, mba yamuchiza ku ngunja ya wanangana wenyi, ni uhenya wenyi yamutambulawo.

Daniel 7:8

Nazewile mbinga, mba kwasokele hakachi kajo mbinga yikwo, yikepe tuhu, alioze kumeso jayo mbinga jitatu jize jitangu jatukukile. Kumanyi mbinga yino yili ni meso ngwe mutu, ni kanwa lia kuhanjika yuma yinene.

Daniel 8:19

Yamba ngwenyi, Mungukulweza yize muyikapwa ha songo lia utenu, mumu chatwala ku miaka ya kufunjika ku songo.

Daniel 8:4

Namwene mwe kuji ya panga kanalundumukina ku Chitokelo, ni ku Norte, ni ku Sule. Niumwe kashitu wahasa kujikiza kumeso jenyi; kukwapwile niumwe yoze wahasa kupulula ku tachi jenyi. Walingile cheswacho chamupemenene nikulitohesa.

Zakaria 11:16

Mumu mungusolola mu chifuchi kafunga umwe kechi kusa mbunge waze anafu, kechi kufupa akwa kujimbata, kechi kuwuka yilema, hanji kulela angunu, alioze kakulia musunya wa akwa maji, nikuzununa chipwe sende jo.

Yoano 5:30

Chishi kuhasa kulinga nichimwe ukawami: ngwe nakwivwa, chocho nakupatula: ni upatwilo wami wa ululi; mumu chishi kufupa upale wami, alioze upale wa yoze wangutumine.

Yoano 6:38

Mumu hingunahulumuka mwilu, hi mukulinga upale wa yami mwene ko, alioze upale wa yoze wangutumine.

Yilinga 4:28

mukulinga cheswacho kwoko lie ni mana je afunjikile Shimbu-kanda.

Shimbi 10:17

Mumu Yehova Zambi yenu iye Zambi ya tuzambi, Mwene wa ene, Zambi munene, mukwa ndundo, kole ni mwongo, keshi katonde, chipwe keshi kutambula chindo, ka.

2 A-TESALONIKA 2:3

Kanda nutayiza niumwe kunwonga, chipwe hakehe, mumu tangwa lize kulichi kwiza shina che kulumbuka muchilianga kwiza, akasolole mwe mutu wa shili, mwe mukwa utoke,

2 A-TESALONIKA 2:4

yoze malimika nikulinangamisa kwilu kulimika ni yize yeswe anayivuluka ngwo, Zambi, chipwe yize yeswe anayiwayila: chocho iye mwene matwama mu tembele ya Zambi, nikulilweza ngwenyi, Yami Zambi.

2 A-TESALONIKA 2:8

Hohene kumakasolola mwe chihulia, yoze Mwene Yesu makamulukisa ni mwiku wa mu kanwa lienyi; makamwenyeka ni kupanguka cha kuheta chenyi.

Yoshua 22:22

Mukwa Ndundo, Zambi, Yehova! Mukwa Ndundo, Zambi, Yehova! Iye kananyingika, kashika A-Izalele no akanyingike ngwetu, Nyi kachi chapwa kukolema, hanji mafwefwe, kuli Yehova kanda nutuvwila keke musono

Usolwelo 10:7

Alioze ha matangwa ja liji lia mungelo wamuchishimbiali, muze memba chitavwi, hohene chijimbikilo cha Zambi muchimanunuka, nikulita ni sango lipema lize hanambujola kuli ndungo jenyi aprofeta.

Usolwelo 12:14

Alioze ahanyine kuli pwo mapulwa aali a pupa munene, hanga akahumuke ku puya kuma kwenyi kuze akumuhokela mwaka, ni miaka, ni chihanda cha hakachi cha mwaka, kanamusweke kuli kapela.

Usolwelo 13:1

Mba namanyine ha masekeseke a ku kalunga-lwiji. Namwene ngongo kanatuhuka mu kalungalwiji, kali ni kumi lia mbinga ni mitwe shimbiali, ni ha mbinga jenyi kumi lia yipangula, ni ha mitwe yenyi majina a kushililika.

Usolwelo 17:17

Mumu Zambi wasele mu mbunge jo mukulinga upale wenyi, mukulikunda ni mbunge yimuwika, mukuhana wanangana wo kuli ngongo, ndo maliji a Zambi mamanunuka.

Usolwelo 17:3

Iye wangumbachile muli Spiritu ku puya; mba namwene pwo kanatwama hali ngongo muchila wa tò ni majina a kushililika, kali ni mitwe shimbiali, ni kumi lia mbinga.