Daniel 11:35 - MUKANDA USANDU WA ZAMBI 1975

³⁵ Amwe akwa mana makalimbuka hanga akaeseke nikwapemesa ni kwatomesa chipwe ndo ku mwaka wa kusula. Hindu che chuma muchitwaminyina mwaka wa kufunjika.

Mukanda Wa Zambi 1970

³⁵ Amwe tetekeli akwa mana waze maakaashiha, kashika atu ja Zambi maakalibemesa. Chino muchikalinduluka ndoo ku songo, lie tangwa lize atongwele Zambi.

Daniel 11:35 Iomraidhean Croise

2 Sango Ja Mianangana 32:31

Alioze ha chikuma cha mikeji a kuli alemu a Babilonia waze atumine kuhula ha yipupu yize alingile mu chifuchi, Zambi yamwecha akamweseke akanyingike yize yeswe ya mu mbunge yenyi.

Yishima 17:3

Ndeho ya kupemesena prata ni lutengo wa kupemesena oru; alioze Yehova kakweseka mbunge.

Izaya 27:9

Kashika ni chuma chino makukila uhie wa Yakomba, ni chino muchipwa mihuko yingunu ha kuchiza shili yenyi; muze mapwisa mawe eswe a yilumbilo ngwe mawe a wunga a kufwenyona tuyifwenyu. Niumwe Ashera, nichimwe chilumbilo cha insensu muchikamana.

Daniel 11:27

Ha kutwala kuli mianangana wano aali, mbunge jo mujikapwa ja kulinga chipi. Makahanjika mahuza ku mesa yimuwika; hindu kuchichi kakola, mumu songo liacho mulipwa ha mwaka wa kufunjika.

Daniel 11:29

Ha mwaka wa kufunjika makahiluka, makeza nawa mu chifuchi cha ku Sule, alioze chisuho chino kuchichi kapwa ngwe chisuho chitangu.,

Daniel 11:33

Ni akwa mana hakachi ka atu makalongesa anji. Hindu makafwa ni katana, ni kahia, ni ufunge, ni kwapwisa ngwe upite wa jita, matangwa anji.

Daniel 11:40

Ha mwaka wa kusula mwanangana wa ku Sule makalitachika nenyi, alioze mwanangana wa ku Norte makeza kulimika nenyi ngwe chijimbi ni matemba-a-jita, ni akwa tuvwalu ni mato anji. Makanjila mu yifuchi ni kutanda ni kupalika ndusu.

Daniel 12:3

Waze ali ni mana kumakapanguka ngwe pangu lia mwilu. Waze matewulwila anji ku ululi makapanguka ngwe matongonoshi ndo ku miaka yeswe ya mutolo.

Daniel 12:4

Alioze yena Daniel, yika maliji wano, jika we mukanda, ndo ku mwaka wa ku songo. Anji muzombokela kweka ni kweka; mokesa yinyingi.

Daniel 8:10

Yatatuka chikolo ndo ku mbunga ya mwilu, mba amwe a ku mbunga ya matongonoshi yaambila hashi ni kwaliata.

Daniel 8:17

Chocho iye wakundamine kuze namanyine; mba ha kukundama, ami nevwile woma, nafulamanyine hashi. Alioze yamba kuli yami ngwenyi, Mwana mutu, nyingika ngwami, usolwelo uno watwala ku miaka ya ku songo.

Daniel 8:19

Yamba ngwenyi, Mungukulweza yize muyikapwa ha songo lia utenu, mumu chatwala ku miaka ya kufunjika ku songo.

Daniel 9:27

Iye makakolesa usendo ni e anji ha semana yimuwika, alioze hakachi ka semana masulisa yitapo ni milambu. Ha mapulwa ja yizelwokeso kumukeza umwe mukwa kwenyeka, ndo mazukwila hali mwe chenyeke songo lize hanamufunjikila.

Habakuke 2:3

Mumu usolwelo unachitwaminyina mwaka wawo. Kuunatambuka ku songo liawo—kuushi mahuza. Chipwe mumona ngwe unashimbula shimbu hindu twaminyina. Muwiza kupwa; kuuchi kahona.

Zakaria 13:9

Mba chino chihanda chamuchitatu mungukachisa mu kahia nikwapemesa chize atu kakupemesa prata. Mungukaeseka ngwe akweseka oru. Kumakatambika ha jina liami, mba mungukaakumbulula. Mungukamba ngwami, O atu jami. O makamba ngwo, Yehova iye Zambi yami.

Mateu 16:17

Yesu wamukumbulwile, ngwenyi, Kuwawaha yena, Semone, mwana Yona, musunya ni manyinga kayisolwele kuli yena, alioze Tata yoze uli mu malilu.

Mateu 26:56

Alioze yino yuma yeswe yapwile, hanga yisoneko ya aprofeta yikamanunuke. Hohene tumbaji eswe amwehukile, achinyine.

Yoano 15:2

Mitango yize yeswe muli yami kuyishi kwima mihuko, mayichiza: ni mitango yize yeswe muyima mihuko, mayipemesa, hanga yikeme mihuko kuhiana.

Yoano 20:25

Tumbaji akwo kashika ambile kuli iye ngwo, Hitwamona Mwene. Alioze iye wambile kuli ayo ngwenyi, Chichi kufuliela shina mungumona mu moko jenyi yito ya mbambo, shina mungusa munwe wami mu yito ya mbambo, shina mungusa kwoko liami mu lumbu lienyi.

Yilinga 13:13

Achi, Paulu ni waze endele nenyi akatukile ku Pafwo, nikwenda mu ulungu ahetele ku Pereje, limbo lia mu Pamafwilia, ni Yoano waahichikile, wahilukile ku Yerusaleme,

Shimbi 8:16

Iye wanulishile maná mu puya, akakenu kayinyingikine, hanga anulelese, hanga anweseke, mba ha kusula akanulinge chipema.

Tiangu (Jake) 1:2

Mandumbu jami, muze yeseko yeka ni yeka muyinuwana, chinyongenu kupwa uwahililo weswe;

Usolwelo 14:15

Ni mungelo mukwo watuhukile mu tembele, kanakololoka ni liji linene kuli yoze Watwamine ha lelwa ngwenyi, Tumisa kwengo ye ya kucha, Ukache: mumu ola ya kucha hiyeza, mumu kucha cha hashi hichahia naye.

Usolwelo 17:17

Mumu Zambi wasele mu mbunge jo mukulinga upale wenyi, mukulikunda ni mbunge yimuwika, mukuhana wanangana wo kuli ngongo, ndo maliji a Zambi mamanunuka.

Usolwelo 2:10

Kanda ukevwa woma wa yuma yize munuyivwila lamba: Ndiapu mambila amwe a kuli yenu mu zuwo lia ususu, hanga akanweseke, mba munukapwa ni luyinda kumi lia matangwa. Pwako mukwa jika ndo ku kufwa, mba mungukakwaha chipangula cha mwono.

Usolwelo 7:14

Nambile kuli iye ngwami, Mwene wami, yena unanyingika. Iye wambile kuli yami ngwenyi, Waze anatuhuka mu luyinda munene, hanakoso mahina jo ja ngungu, hanaatomesa mu manyinga ja mwe Mwanapanga.