Daniel 11:32 - MUKANDA USANDU WA ZAMBI 1975

³² Waze akulinga chipi ni usendo makaapepieka nikwahengesa; alioze atu aze ananyingika Zambi yo makatakama, makalinga.

Mukanda Wa Zambi 1970

³² Mwanangana makakoka ni kalimbalimba waze haanehuka kulu Usendo wa Zambi ni atu. Alioze makalimika ni waze akukaula Zambi.

Daniel 11:32 Iomraidhean Croise

1 Sango Ja Mianangana 28:9

Ni yena, mwanami Solomone, nyingika Zambi ya tatenu ukamulingile ni mbunge yingunu ni manyonga a kulitumbikila. Mumu Yehova kakupolongoza mbunge jeswe ni kakunyingika kutaka cha manyonga eswe. Nyi mumufupa mumuwana, alioze nyi mumwehuka kumakumbila ndo ku miaka.

Nehemia 4:14

Natalile, mba yingukatuka yingwamba kuli alemu, ni kuli akwa kuyula, ni kuli atu akwo, ngwami, Kanda nwavwila woma. Iwulukenu Mwene, mwe munene kole ni woma, nukase jita hali akwenu, ni ana jenu a malunga ni a mapwo, ni mapwo jenu, ni mazuwo jenu.

Miaso (Masamu) 9:10

Waze ananyingika jina lie kumafuliela muli yena; mumu yena, Yehova, kushi kwehuka waze akukufupa.

Yishima 19:5

Chela cha mahuza kechi kasamba; mukwa kuhanjika mahuza kechi kumupulula.

Yishima 26:28

Mukwa limi lia mahuza keshi kuzanga waze halemeka; kanwa lia kupepieka kuliakulinga kwonwona.

Jeremia 31:34

Mutu kechi kalongesa mwenyembo wenyi, hanji usoko wenyi, ngwenyi, Nyingika Yehova mumu eswe mangunyingika chize kuli mukepe Wahiana ndo kuli munene Wahiana. Mumu mungukonekena uhenge wo; chichi kwiwuluka nawa shili yo. Chocho kanambe Yehova.

Daniel 11:21

Mukwiza kumusalakana umwe mukwa kusauka, te uhenya wa wanangana kamuhelewo, alioze makeza ha mwaka wa kuhwima ni kuzuka wanangana ni kupepieka.

Daniel 11:34

Muze malimbuka, maakwasa hakehe. Anji makalifutula no ni maliji a kupepieka.

Zakaria 10:12

Mungukaatakamisa muli Yehova mba kumakenda mu jina lienyi. Chocho kanambe Yehova.

Malaki 4:2

Alioze kuli yenu nwakuvwila woma jina liami lie tangwa lia ululi mulikavumbuka ni mapulwa jenyi mapwa akwa kuwuka. Munukatusuka, nikutumbwoka ngwe yimbembe ja ngombe ku zuwo lio.

Yoano 17:3

Uno we mwono wa mutolo, hanga akanyingike yena mwe Zambi wamwenemwene umuwika, ni Yesu Kristu yoze yena wamutumine.

1 Yoano 5:20

Tunanyingika mwe Mwana Zambi haneza, iye hanatwehe malinjekela, hanga tukanyingike yoze wamwenemwene; te muli Mwanenyi Yesu Kristu, iye mwe Zambi wamwenemwene ni we mwono wa mutolo.

Usolwelo 6:11

Mba ahanyine kuli ayo, umwe ni umwe, mahina a ngungu atoma; achambile kuli ayo ahwime shimbu likepe, ndo ndungoniakwo nawa ni mandumbu jo, waze maashiha chizechene ngwe ayo, mamanunuka.