Daniel 11:26 - MUKANDA USANDU WA ZAMBI 1975

²⁶ Chipwe waze akulia kulia chenyi chipema, mamwonwona, ni tujita twenyi makahungumuka, ni anji makaashiha.

Mukanda Wa Zambi 1970

²⁶ Akwa kuyula jenyi, waze akulia nenyi, maakeseka kumushiha. Tujita twenyi anji maakafwa, akwa kole maakakumba mbunga yenyi ya tujita.

Daniel 11:26 Iomraidhean Croise

1 MIANANGANA 8:14

Chocho yakatuka kuli Elisha, yeza kuli mwata wenyi. Aye yamba kuli iye ngwenyi, Elisha yika akwambanga? Yakumbulula ngwenyi, Kangwambulwilanga ngwenyi, Kumahinduka.

Miaso (Masamu) 41:9

Chipwe sepa liami yoze nalikata nenyi, yoze nafulielele, yoze walile kulia chami, hananguzundwila kashijino kenyi.

Daniel 11:10

Ana jenyi makasa jita ni kukungulula chihuji cha tujita a tachi, o makeza ni kusupwokela ni kupalika ndusu. Makahiluka ni kwasa jita ndo ku chihunda chenyi cha kukolesa.

Daniel 11:22

Mbunga ja tujita kumujikahungumuka kumeso jenyi, makajimakwona, chipwe mwe mukwa kuyula wa usendo.

Daniel 11:40

Ha mwaka wa kusula mwanangana wa ku Sule makalitachika nenyi, alioze mwanangana wa ku Norte makeza kulimika nenyi ngwe chijimbi ni matemba-a-jita, ni akwa tuvwalu ni mato anji. Makanjila mu yifuchi ni kutanda ni kupalika ndusu.

Mateu 26:23

Iye wakumbulwile, ngwenyi, Yoze unatate kwoko lienyi hamwe ni yami mu chenga, mwenawo mangukunjika.

Marku 14:20

Alioze waakumbulwile, ngwenyi, Umwe wa kuli kumi ni aali, yoze unatate hamwe ni yami mu chenga.

Yoano 13:18

Chishi kuhanjika hali yenu eswe; ngunanyingika waze hingunatongola; alioze hanga chisoneko chikamanunuke ngwo, Yoze wakulia mbolo hamwe ni yami, hananguzundwila kashijino kenyi.