Daniel 11:25 - MUKANDA USANDU WA ZAMBI 1975

²⁵ Makavundula tachi jenyi ni hamu lienyi ni mbunga yinene ya tujita kulimika ni mwanangana wa ku Sule. Mwanangana wa ku Sule makalitachika ni jita ni mbunga yinene yahiana ya tujita a ndundo, hindu kechi kahasa kujikiza mumu mamutakila yuma ya kulimika nenyi.

Mukanda Wa Zambi 1970

²⁵ “Makakatwisa tujita anji akalimike ni mwanangana wa ku Sude. Neye makalulika kulimika nenyi ni chihuji chinene cha tujita a tachi. Alioze mwanangana wa ku Sude kumaakamwonga, kechi kakumba.

Daniel 11:25 Iomraidhean Croise

Yishima 15:18

Chifwatulo kakusangumuna kuhamika, alioze yoze keshi kutenuka fuji kakuholesa vunda.

Yishima 28:25

Mukwa chipululu kakuvundula kulitachika; alioze mukwa kufuliela Yehova matoha.

Daniel 11:10

Ana jenyi makasa jita ni kukungulula chihuji cha tujita a tachi, o makeza ni kusupwokela ni kupalika ndusu. Makahiluka ni kwasa jita ndo ku chihunda chenyi cha kukolesa.

Daniel 11:2

Mba haliapwila mungukulumbunwina umwenemwene. Tala, mianangana atatu akwo makasoloka mu Persia; mba wamuchiwana mapwa pichi kuhiana o eswe. Muze hatambula tachi ku upite wenyi, mavundula eswe kulimika ni Ngresia.

Daniel 11:40

Ha mwaka wa kusula mwanangana wa ku Sule makalitachika nenyi, alioze mwanangana wa ku Norte makeza kulimika nenyi ngwe chijimbi ni matemba-a-jita, ni akwa tuvwalu ni mato anji. Makanjila mu yifuchi ni kutanda ni kupalika ndusu.

Daniel 11:5

Henaho mwanangana wa ku Sule mapwa ni tachi, alioze umwe wa akwa kuyula jenyi mamuhiana ni tachi, ni chiyulo chenyi muchipwa chiyulo chinene.