Daniel 11:21 - MUKANDA USANDU WA ZAMBI 1975

²¹ Mukwiza kumusalakana umwe mukwa kusauka, te uhenya wa wanangana kamuhelewo, alioze makeza ha mwaka wa kuhwima ni kuzuka wanangana ni kupepieka.

Mukanda Wa Zambi 1970

²¹ Kanganda ka mwilu yaweza ho ngwenyi: “Mwanangana wa ku Norde wasula ko makabwa chingulungulu, te katelele kubwa mwanangana, alioze makeza susumuku ni kutambula wanangana ni tachi.

Daniel 11:21 Iomraidhean Croise

Miaso (Masamu) 12:8

Yingulungulu kanapalieka sali ni sali, muze malemesa luchisa hakachi ka ana ja atu. Kuli Njimba mukwa lutwe. Samu lia David.

Miaso (Masamu) 15:4

Ku meso jenyi chizazali kapwa mulelu; alioze kakulemesa waze akuvwila woma Yehova. Chipwe halishinga ha kulilinga chipi mwene, keshi kwalumuka.

Miaso (Masamu) 55:21

Kanwa lienyi liasenenene ngwe maji a yamwa, alioze mbunge yenyi yapwile jita. Maliji jenyi ovulile kuhiana maji hindu apwile poko ja kutomona.

Izaya 32:5

Kechi katongola chihepuke nawa ngwo, Mulemu, chipwe chikanyame kechi kamutongola ngwo, Wa ndama.

Daniel 11:20

Umwe makasoloka kumusalakana, makatuma mukwa kufwetesa lijimu ndusu mu uhenya wa wanangana, alioze kulutwe lia matangwa makamakuka, hi mu utenu ko hanji mu jita, ka.

Daniel 11:32

Waze akulinga chipi ni usendo makaapepieka nikwahengesa; alioze atu aze ananyingika Zambi yo makatakama, makalinga.

Daniel 11:34

Muze malimbuka, maakwasa hakehe. Anji makalifutula no ni maliji a kupepieka.

Daniel 11:7

Ha miaka yize umwe mwana wa ku miji yenyi makasoloka kuma kwenyi. Kumeza kulimika ni tujita. Makanjila mu chihunda cha kukolesa cha mwanangana wa ku Norte; makalinwa no, makakumba.

Daniel 4:17

Upatwilo uno wa ku shimbi ja tulayi; chiyulo chino cha ku liji lia asandu hanga akwa mwono akanyingike, mwe Chitunda kakuyula mu wanangana wa atu, kakuuhana kuli mweswawo mapala; kakusa alelu chikolo hakachi ka atu akauyule.

Daniel 7:8

Nazewile mbinga, mba kwasokele hakachi kajo mbinga yikwo, yikepe tuhu, alioze kumeso jayo mbinga jitatu jize jitangu jatukukile. Kumanyi mbinga yino yili ni meso ngwe mutu, ni kanwa lia kuhanjika yuma yinene.

Daniel 8:23

Ku songo lia chiyulo cho, muze yivulumunyi hazalisa njongo yo, mukusoloka umwe mwanangana wa meso a tachi, mukwa kunyingika yijimbikilo.

Daniel 8:25

Ku maseliekela jenyi masenyesa kulutwe ukanyame mu moko jenyi, mba mu mbunge yenyi malilemesa. Monwona anji, mumu kanalifuliela ene, mba makakatukila Mukwa-Kuyula mianangana. Hindu kumakamakuka, hi ni kwoko lia mutu ko.

Daniel 8:9

Mu mbinga yimwe mwasokele kambinga kakwo, yikatatuka kuhiana kutalikisa ku Sule, ni ku Chivumbuko, ni ku chifuchi cha uhenya.

Nahume 1:14

Yehova hahana shimbi ha kutwala kuli yena ngwenyi, Kechi kulindulula jina lie nawa. Ku zuwo lia mazambi je munguteta tuponya twa kwola ni tuponya twa kuzuzulula. Mungufula fuka lie mumu uli mukwa luchisa.

1 Samuel 3:13

Mumu hinamulweza, ngwami, Himungupatwila munyachi wenyi ndo ku miaka mumu ha uhenge uze iye wanyingikine, mumu te ana jenyi apwile nikushililika Zambi, alioze iye kaakanjishile.