Daniel 11:2 - MUKANDA USANDU WA ZAMBI 1975

² Mba haliapwila mungukulumbunwina umwenemwene. Tala, mianangana atatu akwo makasoloka mu Persia; mba wamuchiwana mapwa pichi kuhiana o eswe. Muze hatambula tachi ku upite wenyi, mavundula eswe kulimika ni Ngresia.

Mukanda Wa Zambi 1970

² Yuma yize ngunazange kukulweza yili yamwenemwene.” Kanganda ka mwilu yamba ngwenyi: “Mianangana atatu akwo maakayula Persia. Hohene mwanangana wa muchiwana makasula ko yoze makabwa pichi kuhiana akwo eswe. Muze makabwa ni tachi ni upichi kuhiana, makasangumuna wanangana wa Gresia.

Daniel 11:2 Iomraidhean Croise

Ezra 4:24

Henaho kwaholele milimo ya zuwo lia Zambi ku Yerusaleme. Yaholele ndo ku mwaka wamuchiali wa Dariu mwanangana wa Persia.

Ezra 4:7

Ha matangwa a Artasherke kwasonekene Bishalame, ni Miteredate, ni Tabiele, ni akwo masepa jo kuli Artasherke mwanangana wa Persia. Maletra apwile a limi lia Seria, ni maliji nawa mu limi lia Seria.

Estere 1:1

Chapwile ha matangwa a Ahashueru (mwe Ahashueru yono wayulile chize ku India ndo ku Etiopia helu lia kulakaji lia yifuchi ni makumi aali a yifuchi ni yifuchi shimbiali),

Yishima 22:21

ukanyingike chize apwa a pundupundu maliji amwenemwene, ukahase kutwala maliji amwenemwene kuli waze makuhula.

Daniel 10:1

Ha mwaka wamuchitatu wa Siru mwanangana wa Persia, limwe liji alihanyine kuli Daniel yoze uli ni jina likwo Belteshazare. Liji lize liamwenemwene; ye jita yisuku. Aye yasa chinyingi lie liji; usolwelo wamulumbunuka.

Daniel 11:25

Makavundula tachi jenyi ni hamu lienyi ni mbunga yinene ya tujita kulimika ni mwanangana wa ku Sule. Mwanangana wa ku Sule makalitachika ni jita ni mbunga yinene yahiana ya tujita a ndundo, hindu kechi kahasa kujikiza mumu mamutakila yuma ya kulimika nenyi.

Daniel 7:5

Namwene ngongo mukwo wamuchiali, ngwe ursu. Wakatukile te ha sali limuwika; kali ni pachi jitatu mu kanwa mwe mu mazo. Amwambile ngwo, Katuka ukalie yifwo yinji.

Daniel 8:21

Mwe kuji ya pembe wa wona wavunda aye mwanangana wa Ngresia, ni lumbinga hakachi ka meso jenyi mwanangana wo mutangu.

Daniel 8:26

Usolwelo wa matangwa, uno hiwevwa, wamwenemwene, alioze jika ni Chijikilo, mumu watwala ku matangwa a kulutwe kusuku.

Daniel 8:4

Namwene mwe kuji ya panga kanalundumukina ku Chitokelo, ni ku Norte, ni ku Sule. Niumwe kashitu wahasa kujikiza kumeso jenyi; kukwapwile niumwe yoze wahasa kupulula ku tachi jenyi. Walingile cheswacho chamupemenene nikulitohesa.

Amose 3:7

Pundu Mwene Yehova keshi kulinga chuma shina malweza chijimbikilo chenyi kuli tuvumbi twenyi aprofeta.

Yoano 10:35

Kachi waavulukile ngwenyi, Mazambi, waze kuli ayo liji lia Zambi liahetele (ni chisoneko kuchishi kuhasa kuhwa),

Usolwelo 21:5

Ni yoze watwama ha ngunja wambile ngwenyi, Talenu, ngunatange yuma yeswe yaha. Iye yamba kuli yami ngwenyi, Soneka: mumu yino yuma yamwenemwene kuyishi mahuza.