Daniel 11:16 - MUKANDA USANDU WA ZAMBI 1975

¹⁶ Alioze yoze makeza kulimika nenyi makalinga nikulita ni upale wenyi mwene; niumwe mahasa kujikiza kumeso jenyi. Makamana mu chifuchi cha uhenya; kwonwona muchikapwa mu kwoko lienyi.

Mukanda Wa Zambi 1970

¹⁶ Mwanangana wa ku Norde makalinga cheswacho anazange, niumwe kechi kajikiza ku meso jenyi. Kumakamana mu chifuchi cha Chilakenyo ni kuchiyula liakulu.

Daniel 11:16 Iomraidhean Croise

Izaya 8:8

Kumakapukumukina hali A-Yunda, nikusupwokelako nikuhiana ndo maheta ku kota. Mapulwa jo a kuzazulula kumakazalisa kutoha cheswe cha chifuchi che, Emanuele.

Jeremia 3:19

Nangyonga chize mungukusa hakachi ka ana jami a malunga nikukwaha chifuchi chipema, chihinga chahiana kuwaha hakachi ka mavungu eswe. Nanyonga ngwami, Mangutongola ngwenyi, Tata. Mangukaula, kechi kapianguka.

Daniel 11:3

Henaho umwe mwanangana wa ndundo masoloka; aye mayula ni chiyulo chinene nikulinga cheswacho mapala.

Daniel 11:36

Mwe mwanangana makalinga nikulita ni upale wenyi mwene. Makalinangamisa, ni kulifuza helu lia mazambi eswe. Makahanjika yuma ya kukomwesa ya kulimika ni mwe Zambi wa mazambi. Kumakaya kulutwe ndo utenu hiwamanunuka; mumu chize hanafunjika kumuchikalingiwa.

Daniel 11:41

Makanjila nawa mu chifuchi cha uhenya, ni anji makaanunguna. Alioze wano makapuluka ku kwoko lienyi: Endome, ni Moape, ni akwa lutwe ja A-Amone.

Daniel 11:45

Makajika mbalaka ja palasiu yenyi hakachi ka kalunga-lwiji ni mulundu usandu wa uhenya. Hindu kumakaheta kwe ku songo lienyi, ni yoze mamukwasa wakuhi.

Daniel 5:19

mba ha unene uze hamwaha akwa mavungu eswe, ni minyachi yeswe, ni malimi eswe achikimine ni woma kumeso jenyi. Mweswe yazanga kushiha, yamushiha; mweswe yazanga kufunga ni mwono, yamufunga ni mwono. Mweswe yazanga kunangamisa, yamunangamisa; mweswe yazanga kununguna, yamununguna.

Daniel 8:4

Namwene mwe kuji ya panga kanalundumukina ku Chitokelo, ni ku Norte, ni ku Sule. Niumwe kashitu wahasa kujikiza kumeso jenyi; kukwapwile niumwe yoze wahasa kupulula ku tachi jenyi. Walingile cheswacho chamupemenene nikulitohesa.

Daniel 8:7

Namumona kukundama kuli mwe kuji ya panga. Yamuvwila ufwatulo wunji; yapupa kuji ya panga nikumakuna mbinga jenyi jiali. Kuji ya panga keshi ni tachi ja kujikiza kumeso jenyi, alioze yamulamba hashi ni kumuliata. Niumwe wahasa kupulula kuji ya panga ku tachi jenyi.

Daniel 8:9

Mu mbinga yimwe mwasokele kambinga kakwo, yikatatuka kuhiana kutalikisa ku Sule, ni ku Chivumbuko, ni ku chifuchi cha uhenya.

Yoshua 1:5

Niumwe mahasa kulimika ni yena matangwa eswe a mwono we. Chizechene ngwe napwile ni Mose chocho mungupwa ni yena. Chichi kukuhichika hanji kukwehuka.