Daniel 11:15 - MUKANDA USANDU WA ZAMBI 1975

¹⁵ Chocho mwanangana wa ku Norte makeza; makalumbika mulumba; matambula chihunda cha kukolesa ni chipanga-cha-mawe; ni tujita a ku Sule kechi kahasa kukumba, chipwe atu jenyi a kusakula, chipwe tachi ja kukumba kujichi kapwako.

Mukanda Wa Zambi 1970

¹⁵ Mba mwanangana wa ku Norde makalimika ni limwe limbo liakukoleka, makalitambula. Tujita twa wanangana wa ku Sude hikeechi kasa nawa jita, chibwe tujita two a hamu kuhiana hikeechi kabwa nawa ni tachi.

Daniel 11:15 Iomraidhean Croise

Jeremia 33:4

Mumu Yehova Zambi ya Izalele kanambe ha kutwala ku mazuwo a mu chihunda chino ni mazuwo ja mianangana ja Yunda waze apuzwile akaatenge a kulilamwina no ku milumba ya kuseleka ni ku katana ngwenyi,

Jeremia 5:10

Palika ndusu mu mikala ya miuva ukonwone, alioze kanda umanununa liakulu. Tetaho mitango, mumu kuyapwile ya Yehova.

Jeremia 52:4

Ha mwaka wamuchilivwa wa kuyula chenyi, ha kakweji wamuchikumi, ni tangwa liamuchikumi lia kakweji, Nabukanezore mwanangana wa Babilonia yeza ni tujita twenyi eswe kulimika ni Yerusaleme. Yasa chilombo chenyi kulimika nacho; yatunga mbonge kweswe kwa kujingilika.

Jeremia 6:6

Mumu Yehova-wa-Tujita kanambe ngwenyi, Pakulenu mitondo yenyi, lingenu mulumba wa kuseleka Yerusaleme. Che chihunda chino chatamba kuchilamba, mumu nichimwe chuma chilimo shina kupingjisa wika.

Ezekiel 17:17

Falau ni tujita twenyi a tachi ni mbunga yenyi yinene kechi kamukwasa mu jita muze malumbika milumba ya jita, ni kutunga yipanga ya kuseleka hanga akatete mwono wa atu anji.

Ezekiel 4:2

Esekako tuposhi twa jita, tungako chipanga cha kuseleka, lumbikako mulumba wa kulimika nacho, sako yilombo ya kulimika nacho, sako nawa makina ja kupupa kweswe kwa kujingilika.

Daniel 11:14

Ha miaka yize anji malimika ni mwanangana wa ku Sule. Chikwo nawa amwe akwa upupilo hakachi ka atu je makakatuka akamanunune usolwelo; alioze makahona.

Daniel 11:6

Kulutwe lia miaka yimwe makolesa usendo, ni mwana wa pwo, wa mwanangana wa ku Sule meza kuli mwanangana wa ku Norte akalikate. Alioze tachi ja kwoko lienyi mwene kechi katwama najo, ni mwe mwanangana wa ku Sule kechi kalinduluka, chipwe kwoko lienyi; ni mwana yoze wa pwo, mamukunjika, ni waze amunehene, ni yoze wamusemene, ni waze amutakamishine.

Daniel 8:7

Namumona kukundama kuli mwe kuji ya panga. Yamuvwila ufwatulo wunji; yapupa kuji ya panga nikumakuna mbinga jenyi jiali. Kuji ya panga keshi ni tachi ja kujikiza kumeso jenyi, alioze yamulamba hashi ni kumuliata. Niumwe wahasa kupulula kuji ya panga ku tachi jenyi.

Yoshua 1:5

Niumwe mahasa kulimika ni yena matangwa eswe a mwono we. Chizechene ngwe napwile ni Mose chocho mungupwa ni yena. Chichi kukuhichika hanji kukwehuka.