Daniel 11:11 - MUKANDA USANDU WA ZAMBI 1975

¹¹ Mba mwanangana wa ku Sule makevwa ufwatulo, matuhuka ni kwasa nenyi jita, ngwami, ni mwanangana wa ku Norte. Aye makatuma chihuji chinene alioze chihuji chinene makachikunjika mu kwoko lienyi.

Mukanda Wa Zambi 1970

¹¹ Mwanangana wa ku Sude, mu ufwatulo wenyi, makalimika ni mwanangana wa ku Norde, makakumba chihuji cheswe cha tujita twenyi.

Daniel 11:11 Iomraidhean Croise

1 Yitanga Ya Mianangana 20:13

Umwe profeta yakundama kuli Ahabe mwanangana wa Izalele ngwenyi, Yehova kanambe ngwenyi, Wamona chihuji chino chinene nyi? Mba musono munguchikunjika mu kwoko lie ukanyingike—Yami, Yehova.

1 Yitanga Ya Mianangana 20:28

Umwe mutu wa Zambi yakundama yahanjika ni mwanangana wa Izalele ngwenyi, Yehova kanambe ngwenyi, Mumu A-Seria hamba ngwo, Yehova iye umwe zambi ya milundu, hi zambi ya yana ko; kashika mungukunjika chihuji chino chinene cheswe mu kwoko lie ukanyingike-Yami, Yehova.

Miaso (Masamu) 76:10

Chamwenemwene ufwatulo wa atu muwiza kukuhalisa. Ufwatulo wasalaho mukalijichikawo.

Jeremia 27:6

Haliapwila hinahana yifuchi yino yeswe kuli kavumbi kami Nabukanezore, mwanangana wa Babilonia. Hinamwaha nawa tushitu a mu yambu akamulingile.

Daniel 11:12

Muze hakwata che chihuji, mbunge yenyi muyikazunduka, mba makanunguna makumi a tununu, hindu kechi kakumba.

Daniel 11:40

Ha mwaka wa kusula mwanangana wa ku Sule makalitachika nenyi, alioze mwanangana wa ku Norte makeza kulimika nenyi ngwe chijimbi ni matemba-a-jita, ni akwa tuvwalu ni mato anji. Makanjila mu yifuchi ni kutanda ni kupalika ndusu.

Daniel 11:44

Alioze lusango wa ku Chivumbuko ni wa ku Norte makamuvwisa woma mba makaya ni ufwatulo unene akanongese nikwonwona liakulu anji.

Daniel 11:5

Henaho mwanangana wa ku Sule mapwa ni tachi, alioze umwe wa akwa kuyula jenyi mamuhiana ni tachi, ni chiyulo chenyi muchipwa chiyulo chinene.

Daniel 2:38

kuli yenu hanakunjika ana ja atu kweswako atwama, ni tushitu a mu yambu, ni tujila a mu tetela, ni kunupwisa mukwa kwayula eswe—yenu nuli we mutwe wa oru.

Daniel 8:7

Namumona kukundama kuli mwe kuji ya panga. Yamuvwila ufwatulo wunji; yapupa kuji ya panga nikumakuna mbinga jenyi jiali. Kuji ya panga keshi ni tachi ja kujikiza kumeso jenyi, alioze yamulamba hashi ni kumuliata. Niumwe wahasa kupulula kuji ya panga ku tachi jenyi.